Joaquín María Ferrer

Joaquín María Ferrer
	; Irudi gehiago
; Espainiako Bizitzarako Senataria
; Erresumako senataria
; Ministroen Kontseiluko Presidentea
; Ogasun Ministroa
; Espainiako Estatu Ministroa
; Madrilgo alkate
; Erresumako senataria
; member of the Cortes during the reign of Isabel II (en)
; Ogasun Ministroa
; member of the Cortes during the reign of Isabel II (en)
; Espainiako Diputatuen Kongresuko diputatua
Bizitza
Jaiotza	Pasaia, 1777ko abenduaren 7a
Herrialdea	Gipuzkoa, Euskal Herria
Heriotza	Arrasate, 1861eko irailaren 30a (83 urte)
Familia
Haurrideak	ikusi José Joaquín Ferrer Cafranga;
Hezkuntza
Hizkuntzak	gaztelania; euskara
Jarduerak
Jarduerak	diplomazialaria, politikaria, ministroa eta militarra
Lantokia(k)	Madril
Jasotako sariak	ikusi Knight Grand Cross in the Order of the Netherlands Lion (1841eko otsailaren 10a) ; Elisabet Katolikoaren Ordenaren zalduna (1816) ; Knight of the Order of Carlos III (1819) ; Karlos III.aren Ordenaren Gurutze Handia (1841) ; Knight of the Order of Christ (1841) ;
Ideologia eta sinesmenak
Alderdi politikoa	Alderdi Progresista

Joaquín María Ferrer Cafranga (Pasai San Pedro, Gipuzkoa, 1777ko abenduaren 7a - Santa Ageda, Arrasate, 1861eko irailaren 30a^[1]), euskal herritar politikari liberala eta militarra izan zen. Gurasoak Vicente Ferrer Echeverria eta Manuela Cafranga Villabaso izan zituen.^[2]

Biografia

Ameriketan hasi zen politikan eta diplomazia eta administrazio karguak izan zituen Argentina eta Peruko lurraldeetan. Kapitain bihurtu zenean Perun eman zituen lau urte (1811-1815). Hirurteko Liberalean Gipuzkoako diputatu bihurtu zen, baina handik hiru urtera, berriro absolutismoa ezarri zenean, Fernando VII.ak hiltzera kondenatu zuen eta Gibraltarrera lehendabizi eta Parisa gero erbesteratu behar izan zuen.

Parisen zegoela, Katalina Erausoren historiari buruzko lan bat idatzi zuen (espainieraz, frantsesez eta alemanez argitaratua) eta Cervantesen izpirituari buruz beste bat ere argitara eman zuen. Espainiara itzuli zen Maria Kristina erregina bihurtu eta amnistia dekretatu ondoren.

Egun batez, Ogasun Ministro bihurtu zen Calatravaren presidentzian. Berriro diputatu hautua, Gorteetako presidente zen 1836tik 1837ra. 1837. urteko Konstituzioa prestatu zuen. Gorte Konstituziogileko lehendakari, Madrilgo alkate (1840) eta Estatuko ministro izan zen Esparterorekin.

Baldomero Espartero eta Alderdi Progresistari lotua, berriro Ogasun Ministro eta Estatu Ministro izendatu zuten Ministro-Kontseiluaren Presidente (1840-1841) bihurtu arte. 1843an Espartero irten eta gero, biziarteko senatari izendatu zioten eta Senatuaren Presidente ere.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ (Gaztelaniaz) Joaquín María Ferrer Espainiako Kongresuaren webgunean
↑ «Bautismo Juan Thomas Joachin Maria, Ferrer, Cafranga» artxiboa.mendezmende.org (kontsulta data: 2025-03-19).

Datuak: Q1690901
Multimedia: Joaquín María Ferrer / Q1690901

[1] (Gaztelaniaz) Joaquín María Ferrer Espainiako Kongresuaren webgunean

[2] «Bautismo Juan Thomas Joachin Maria, Ferrer, Cafranga» artxiboa.mendezmende.org (kontsulta data: 2025-03-19).

[1]

[2]