Pasaia

Pasaia
Gipuzkoa, Euskal Herria
Pasaiako badia Nazioarteko Espazio Estaziotik ikusia. Ezkerrean, Trintxerpe eta Donostiako Altza. Erdialdean, behean, Pasai Antxo. Badiaren iparraldeko aldean, irudiaren erdialdean eta eskuinean, Pasai Donibane. Aurrez aurre, badia zeharkatuta, Pasai San Pedro.
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Gipuzkoa
Eskualdea	Gipuzkoa
Izen ofiziala	Pasaia
Alkatea	Teo Alberro Bilbao (Euskal Herria Bildu)
Posta kodea	20110
INE kodea	20064
Herritarra	pasaitar
Kokapena
Koordenatuak	43°19′35″N 1°55′09″W
Azalera	11,34 km²
Garaiera	4 m
Distantzia	11 km Donostiara
Demografia
Biztanleria	15.820 (2025:  −189)
8.354 (%51,7)   (%48,3) 7.818
Dentsitatea	13,95 bizt/km²
Hazkundea (2003-2013)	-% 1,83
Zahartze tasa	% 18,66
Ugalkortasun tasa	‰ 41,39
Ekonomia
Jarduera tasa	% 81,94 (2011)
Genero desoreka	% 6,69 (2011)
Langabezia erregistratua	% 13,16 (2013)
Euskara
Euskaldunak	% 43.17 + % 17.47 hartzaile (2021)
Kaleko erabilera	% 19.1 (2021)
Etxeko erabilera	% 27.17 (2021)
Datu gehigarriak
Sorrera	antzinakoa 1805 udalerria
Webgunea	https://www.pasaia.eus

Pasaia Gipuzkoako ipar-ekialdeko udalerri bat da. Oiartzualdeko eskualdean dago, Errenteria, Lezo eta Oiartzunekin batera. Udalerria Pasaiako badiaren inguruan kokaturiko lau barrutik osatzen dute.

11 km² ditu, eta 16.744 biztanle zituen 2023. urtean.

Izena

Udalerriaren izenak gaskoiezko Pasage toponimoa du iturburu, 'portua' esanahiaz; aspalditik, haren euskaraz­ko izena Pasaia da, baina.

Geografia

Itsasadar natural batek eta haren inguruko hiru herriguneek marinel‑giroko Pasaia bizia osatzen dute. Udalerria industria‑giroko barruti batek (Pasai Antxo) eta itsas tradizio handiko bi herriguneek (Pasai San Pedro eta Pasai Donibane) osatzen dute.

Pasaia ez da fiordoa zentzu hertsian geologikoki, nahiz eta horren itxura izan eta abantaila berberak eskaintzen dituen itsasontzien babesleku natural gisa. Fiordoak ez bezala, itsasoak inbaditutako haran glaziarrak baitira, Pasaiako erliebeak jatorri tektonikoa eta ibaikoa du. Berez, estuario-ibaia da, edo itsasadarra (ria): ibai-haran zahar bat, erreka batek zulatua, eta, ondoren, itsasoak partzialki urperatua, itsas mailaren igoera baten ondorioz. Formazio mota horrek, gainera, sarrera estu eta sakona eragiten du lurretan, fiordo baten antza eta portu industrial baten presentzia azaltzen duena.

Barrutiak

Pasaia barruti izeneko zatiez osatuta dago. Bertako biztanle askorentzat barruti hauek berezko herri izaera sendoa daukate, eta haien barruan ere auzoak bana daitezke. Pasaiako barrutiak hauek dira:

• Trintxerpe: 6.229 biztanle
• Pasai Antxo: 4.644 bizt.
• Pasai San Pedro: 2.809 bizt.
• Pasai Donibane: 2.400 bizt. Udaletxea han dago.

Udalerri mugakideak

Pasaiak ondoko udalerriekin egiten du muga:

• Mendebaldean: Donostia (Altza eta Bidebieta auzoak).
• Hegoaldean: Donostia, Errenteria-Orereta eta Lezo.
• Ekialdean: Hondarribia.

Iparraldean Bizkaiko golkoarekin egiten du muga Pasaiak.

Mugen afera

Pasaiak udalerriaren mugak ezbaian jarri ditu azkenaldian. Izan ere, 2002tik aurrera, Pasaiako udalak, talde politiko guztien babesarekin (2005ean egindako udalbatza berezi batean argi geratu bezala), Donostiarekin dituen mugak berriz definitzea eskatu zuen, euren ustez Pasaiarenak diren hainbat lur (Altza ingurukoak, batez ere) egun Donostiaren menpe daudela salatuz. Udalak, hala, Mugen Batzorde Berezia sortu zuen, Pasaiako lurrak berreskuratzeko asmoz.

Historia

Pasaiako badiaren grabatu historikoa.

Portu izan denetik, Pasaiak, hiribildu‑titulua eta udalerri propioa lortzeko, Hondarribia eta Donostiako udalerriekin borroka dialektiko eta fisiko gogorrak izan zituen, Donostiaren eremua oso zabala baitzen 1180ean sortu zenean: Hondarribiraino. Donostiak zerga larriak biltzen zituen portu-erabileraren eta salgaien gainean eta, kezka horretatik, Errenteria bereizi zen.

1588ko urriaren 24an, Itsas Armada Garaiezineko porrotaren lorratzean, Santa Ana itsasontzia Pasaiako portuan lehertu zen bere bolbora zamak su hartzean, ordu arte gogoratzen zen eztanda handiena eraginez: 200dik gora marinel eta herritar hil ziren, gehienak donostiarrak, tartean zirela pasaitarrak. Donostiako Erregimentuak (udalak), zorrari aurre egiteko, portuko zergak igotzeko erabakia hartu zuen XVI. mende amaieran eta, horrenbestez, krisi larria piztu Pasaian eta Donostia inguru osoan, mende batez luzatu zena. Ordu arte Iruñetik zetorren merkataritza-isuria iparraldera desbideratu zen, Baionara.

1728z geroztik, berriz, Caracasko Gipuzkoar Konpainia Pasaia hasi zen hautatzen bere portu nagusi izateko, krosko handiko itsasontzietarako egoki bakarra. Zazpi ontziola izatera heldu zen 1750 aldera. XVIII. mende erdialdetik eta 1805 arte, Pasaia udalerri bihurtu zen: 1770ean, Pasai Donibane Hondarribiatik banandu zen; hogeita hamabost urte geroago, foruen eta aduanen inguruko eztabaida betean, San Pedro ere Donostiatik bereizi zen, kolpe gogorra Donostiarentzat. Vargas Ponce espainiar militar eta historialariak sustatu zuen zatiketa hori, espainiar batasunaren aldekoa, Donostia ahultzeko.

Bada, 1805. urtean Pasai Donibane, Pasai San Pedro eta Pasai Antxo elkartu ziren herria sortzeko. Antxo geroago sortu zen, eta 1820an Pasaiako lehenengo alkate konstituzionala Bonantzako Santo Kristo basilikan izendatu zuten. 1990eko hamarkadan, San Pedroko zati zen Trintxerpe banatu eta barruti berri gisa sortu zen.

Hiru herriguneei erreparatuta, antzinakoena eta tipikoena Donibane da, marinel‑giroaren altxorra. Edozein bidaiari buruargi jabetuko da ondare liluragarri horretaz, baina Victor Hugo frantziar idazleak eginkizun horretan adierazi zuen maisutasuna ez du gaindituko. Idaz­lea 1843ko udan egon zen Donibanen, eta haren inpresioak poesia bihurtu zituen Alpeak eta Pirinioak liburuan.

Pasai San Pedro ezkerrean eta Pasai Donibane eskuinean, eta Pasaiako badiaren sarbidea. 2015eko maiatzaren 4a.

Pasai Donibaneko ikuspegi panoramikoa. 2014ko maiatzaren 6a.

Azpiegiturak

Kultura

• 

  Victor Hugo Etxea.

  Donibane Ubera Liburutegia eta kulturunea
• Antxoko Liburutegia
• Antxoko kultur etxea
• Antxoko azoka kultur eta gizarte gunea (2022. urtean eraitsia)
• Trintxerpeko liburutegia
• San Pedroko liburutegia
• San Pedroko udal aretoa
• Hugoenea idazlearen etxea
• Victor Hugo etxea museoa
• `Albaola Itsas Kultur Faktoria

Kirola

• Donibaneko kiroldegia
• Donibaneko Lizarazu frontoia
• Trintxerpeko kirolgunea
• Azkueneko pista balioantza
• Don Bosko futbol zelaia
• Antxoko Ibaiondo frontoia
• Kalparra arraun gunea
• San Pedroko frontoia
• San Pedroko udal-gimnasioa
• Ezkue-Tximistarri eskalada gunea
• Ibaiondoko skate gunea

Hezkuntza

• 

  Pasaiako Itsas Eskola, ofizialki Blas de Lezo LHII, arkitektura brutalista ikusgarriko eraikina.

  Udal haur-eskola
• Pasaia-Lezo lizeoa
• Karmengo ama ikas komunitatea
• Karmengo Ama Haur-eskola
• Pasaiako Itsas Eskola
• Udal euskaltegia
• Musika eskola
• Oinarrizko Lanbide Heziketako zentroa
• Antzerki Eskola
• Arrokaundietako aterpetxea
• Ludotekak (Antxon, Donibanen eta Trintxerpe-San Pedron)
• Gaztelekuak (Trintxerpe-San Pedron, Donibanen eta Antxon)

Gizarte zerbitzua

• Zaharren egoitza
• Jubilatuen etxeak (Donibanen, Antxon, San Pedron eta Trintxerpen)
• Eguneko zentroa

Turismoa

• Santa Ana aterpea

Ekonomia

Honela banatzen ziren sektore ekonomikoak herrian 2017an: lehen sektorea BEGaren %2,1. Bigarren sektorea %4,9. Hirugarren sektorea %85,8. Eraikuntza %7,2.

Portua

Sakontzeko, irakurri: «Pasaiako portua»

Pasaiako arrantza eta merkataritza kaia Euskal Herriko hirugarren garrantzitsuena da, Bilboko portua eta Baionakoaren ondoren. Urtean 4 milioi tona inguru mugitzen ditu.

Pasaiako historia eta bizitza portuarekin estu‑estu lotuta ageri dira. Udalerriaren izenak ere kanalaren ertz batetik bestera pasatzeko bidaiariek ordaindu behar zuten bidesaria gogora ekartzen du.

Pasaiako portuaren aireko ikuspegia.

Jakin badakigu Antzinako Erromak bi mendez ustiatu zituela Oiartzungo Arditurriko meatzeak. Blenda, galena eta burdina ateratzen zuten, eta itsas bideetatik esportatzen zuten, Pasaiako portuaz eta Hondarribiko Asturiaga ainguratokiaz baliatuta. Halaber, Aro Modernoan 8 km‑ko meatze‑burdinbidea egin zuten, minerala Aiako Harriaren erraietatik Pasaian ainguratutako ontzietara eramateko.

Ilunabarra eta oskorria Pasaiako badia, Ulia, Pasai San Pedro eta Trintxerpe barrutien gain eta Pasai Donibaneko kirol-portutik ikusita.

Donostia, Hondarribia, Oiartzun eta Errenteriak auzi franko izan dute Espainiako koroarekin, baita haien artean ere, portuko zergen kobrantzak gorabehera. Auzi horiek zirela eta, Donostiak harriz­ko dorre handi biribil bat eraiki zuen gaur egungo San Pedroko moila dagoen lekuan, haren portua defendatzeko. 1600ean dorrean bizi ziren alkaideek batelka bakoitzeko zortzi erreal kobratzen zituzten, ez­kutu bat ehun gatz‑anegako, eta bi erreal Biz­kaiko burdina garraiatzen zuen belaontzi bakoitzaren ainguratze‑eskubideagatik.

Pasaiaren ospeak erakarri zituen masta handiko itsasontziak, ez soilik bertakoak, baita Frantziako eta Holandako ontzi‑jabeenak ere. 1617ko neguan 600 tonako hamar ontzi zeuden ainguratuta. Ipar Atlantikoko ur izoztuetan (Belle Isle itsasartean edo Kanadako San Lorenzo golkoan) baleak harrapatzen zituzten ontzien itsasoratzea eta lehorreratzea ikusgarria izaten zen. 1554ko maiatzaren 20an albo garaiko hamaika ontzi itsasoratu ziren Pasaian, Labradorreko eta Ternuako kostalde urrunetara joateko baleak harrapatzera. Pasage hartan (Donibanen, hain zuzen) ontziola ospetsuak zeuden, eta Armada Garaiezinaren zati handi bat hantxe tresnatu zen. Hala azaldu zuen Josep Maria Sert margolariak, Donostiako San Telmo Museoan dagoen mural batean.

Kristobal Kolonen karabeletako bat Pasai Donibanen uretaratu zutela pentsarazten diguten aieru funtsatuak ditugu; zantzu horien frogagiririk ez dago, ordea. Santa Maria karabelaz ari gara, eta haren lehenbiziko izena Mari Galant omen zen. Ontzi‑jabeak jarritako izena zen, antza, bere emazte ederra atsegintzeko. Etxeari, berriz, Mari Galantenea jarri zion. Donibane kaleko 30.ean zegoen etxea, eta haren aztarnak ikusten ziren orain dela urte batzuk arte. Etxearen az­ken salerosketa‑eskrituran jabearen izena ageri da, eta karabelaren jabearen izen berbera da.

Arrasteko ontziak, 1920an

Filipe III.a Espainiakoak ingurua bisitatu zuen. Oso itxura ona hartu zion antza, eta 1621ean kanalaren eskuinaldean Santa Isabel gaztelu gotorlekua eraikitzen hasi zen. Dena dela, gotorlekua ez zen oso eraginkorra izan: 17 urte geroago Frantziako tropak, Condeko printzearen agindupean, badiaren jabe egin ziren eta han ainguratutako ontzi guztiei su eman zieten. 1719an frantziarrek gotorlekua berriro jazarri zuten eta Errege Armadako sei ontzi erre zituzten. Aitzitik, beste frantziar batek, La Fayetteko markesak, txoko eder horren ospea hedatzen lagundu zuen. Donibaneko ontzioletan La Victoria ontzia beregain tresnatu zuen beregain, eta Frantziako Erresuma ofizialki aurka bazegoen ere, ontzi horrekin itsasora irten zen 1777ko apirilaren 26an, haren lagun George Washingtoni laguntzearren, AEBtako independentzia lortzeko.

Pasaiako txalupa, garraiobide publikoa, Donibaneko pantalanetik.

Batel kementsuek Pasaiako badiako ertz batetik bestera eramaten zituzten bidaiariak, arraunlari‑lanetan ahalegindurik. Irudi horiek itsasertza gizatiarragoa egiten zuten, eta erromantizismo ukitua ere ematen zioten. Filipe IV.a Espainiakoa haietaz ohartu zen, eta Madrilgo Retiro parkeko urmaelera eraman nahi izan zituen, baina erregearen eskaintza ez zuten aintzat hartu. Manuel Bretón de los Herreros idaz­leak La Batelera de Pasajes draman goraipatu zituen itsas taxien aurrekari horiek. 21. mendean Pasaiako txalupa edo motorak egiten du lan hori, San Pedro eta Donibane ur-garraiobide publikoz lotuz.

Itsasadarrak aspaldian duen arazo nagusienetakoa da etengabe dragatu behar dela, nabigagarria izan dadin. Jalkin‑lurrek badia lokazten dute, eta Oiartzun ibaiak ekarritako meatze‑isuriek arazoa areagotu dute. Wilkinsonen 1837ko grabatuari begiratu bat ematea nahikoa da bilakaera ikusteko: Errenteria ageri da, eta gaur egungo Biteri kaleraino ibaia nabigagarria da. Udalerri horren izena ere adierazgarria da: portuko salgaien errege‑errentak kobratzen diren lekua.

Pasai Antxoko ikuspegi panoramikoa Pasai Donibaneko Santa Ana baselizatik.

Demografia

Pasaiaren biztanleriaren hazkundea oso goiz hasi zen XX. mendean; jadanik 1920tik 1940ra populazioa bikoiztu baino gehiago egin zen. Hala ere, mende horretan hazkunde handiena izan zuen hamarkada 1960ko hamarkada izan zen, sasoiko garapen ekonomikoarekin batera.

1970eko hamarkadatik aurrera gainbehera iritsi zen, hau ere beste toki batzuetan baino lehenago. 1980ko hamarkada izan zen populazio galera handienarena. XXI. mendearen lehen hamarkadan galerak jarraitu egin zuen.

2019an 16.711 biztanle zituen, horietatik %21,99k 65 urte edo gehiago zituen. Atzerrian jaiotakoak %13,17 ziren.

Biztanleriaren bilakaera

Oharra: grafiko hau Wikidatan jasotako datuetatik egin da, automatikoki. Daturen bat aldatu edo eguneratu behar izanez gero, egizu Wikidatan bertan.

Biztanleria-piramidea 2025 Guztira: 7.818 gizon, 8.354 emakume
% Gizonak Adina Emakumeak % 0.01   100+   0.08 0.09   95-99   0.45 0.77   90-94   2.24 1.45   85-89   3.28 2.51   80-84   4.66 3.89   75-79   5.35 4.28   70-74   4.37 6.01   65-69   5.42 7.32   60-64   7.19 8.72   55-59   7.80 9.13   50-54   8.93 9.02   45-49   8.02 6.55   40-44   6.21 5.27   35-39   5.10 5.87   30-34   5.11 5.99   25-29   5.11 5.62   20-24   5.28 5.35   15-19   4.80 5.01   10-14   4.11 4.18   5-9   3.89 2.97   0-4   2.59
Iturria: Eustat / Instituto Nacional de Estadística

Hazkunde begetatiboa

Urtea	1975	1976	1977	1978	1979	1980	1981	1982	1983	1984	1985	1986	1987	1988	1989	1990	1991	1992	1993	1994	1995	1996	1997	1998	1999	2000	2001	2002	2003	2004	2005	2006	2007	2008	2009	2010	2011	2012	2013	2014	2015	2016	2017	2018	2019	2020	2021	2022	2023	2024	2025
Hazkunde begetatiboa	286	266	238	177	78	101	48	49	−2	18	−20	10	−16	−18	−16	−20	−52	−2	25	−22	−37	−61	−20	−56	−64	−26	−32	−26	−38	9	−23	−9	−24	−34	−10	−8	12	−6	−40	−38	−45	−58	−81	−52	−74	−90	−80	−112	−90	−90	−93

Honakoa hazkunde begetatiboa erakusten duen grafiko bat da, hau da, urte batean jaiotakoei hildakoak kentzearen emaitza. Datuak Eustat erakundeak eskaintzen ditu eta Wikimedia Commonsen daude eskuragarri. Aldaketaren bat egin behar bada, bertan egin beharko da.

Bizirik jaiotakoak sexuaren arabera

Urtea	1996	1997	1998	1999	2000	2001	2002	2003	2004	2005	2006	2007	2008	2009	2010	2011	2012	2013	2014	2015	2016	2017	2018	2019	2020	2021	2022	2023	2024	2025
Bizirik jaiotakoak	129	162	124	121	141	152	136	161	152	139	147	151	141	149	150	157	149	132	114	140	133	121	111	125	107	96	79	92	95	90

Honakoa bertan erroldatutako amaren batetik bizirik jaiotako haurrak erakusten duen grafiko bat da. Datuak Eustat erakundeak eskaintzen ditu eta Wikimedia Commonsen daude eskuragarri. Aldaketaren bat egin behar bada, bertan egin beharko da.

Jaiolekua

Honako bi grafiko hauek herrian bizi direnen jaioterria erakusten du. Datuak Eustat erakundeak eskaintzen ditu. EUSTATen datuetan Araba, Bizkaia eta Gipuzkoa soilik desberdintzen dira. Nafarroa Garaia eta Ipar Euskal Herria beste kategorietan gehitzen dira. Datuak Wikimedia Commonsen daude eskuragarri bi fitxategi hauetan: Jaioterria eta nazionalitatea

Biztanleriaren bilakaera barrutika

	2000	2023
Trintxerpe	5.950	6.084
Antxo	4.415	5.442
San Pedro	2.730	3.001
Donibane	2.327	2.217
PASAIA	15.422	16.744

Politika

Sakontzeko, irakurri: «Hauteskundeak Pasaian»

Pasaiako udalbatza
Alderdia		2015		2019
		Zinegotziak	Boto kopurua	Zinegotziak	Boto kopurua
	Euskal Herria Bildu	4 / 17	1.834 (% 23,93)	6 / 17	2.382 (% 32,52)
	Euskadiko Alderdi Sozialista (PSE-EE(PSOE))	5 / 17	2.146 (% 28,00)	5 / 17	1.822 (% 24,88)
	Euzko Alderdi Jeltzalea (EAJ)	5 / 17	2.001 (% 26,11)	4 / 17	1.687 (% 23,03)
	Puede Pasaia(k) Ahal Du	3 / 17	1.113 (% 14,52)	2 / 17	840 (% 11,47)
Datuen iturria: Hauteskundeen emaitzak euskadi.eus webgunean

Alkateak

Hauek izan dira Pasaiako azken alkateak:

Alkatea	Agintaldi hasiera	Agintaldi amaiera	Alderdia
Eduardo Aseginolaza Muxika	1979	1983		Herri Batasuna
Roberto Lopez de Etxezarreta Murgiondo	1983	1987		Euzko Alderdi Jeltzalea
Joseba Xabier Portugal Arteaga	1987	1991		Herri Batasuna
Joseba Xabier Portugal Arteaga	1991	1995		Herri Batasuna
Bixen Itxaso Gonzalez	1995	1999		Euskadiko Alderdi Sozialista-Euskadiko Ezkerra
Juan Karlos Alduntzin Juanena	1999	2003		Euskal Herritarrok
Izaskun Gomez Cermeño	2003	2007		Euskadiko Alderdi Sozialista-Euskadiko Ezkerra
Maider Ziganda Poblacion	2007	2009 a		Eusko Abertzale Ekintza
Maider Ziganda Poblacion	2009	2011		Ez esleituak
Amaia Agirregabiria	2011	2015		Bildu
Izaskun Gomez Cermeño	2015	2019		Euskadiko Alderdi Sozialista-Euskadiko Ezkerra
Izaskun Gomez Cermeño	2019	2023		Euskadiko Alderdi Sozialista-Euskadiko Ezkerra
Teo Alberro Bilbao	2023	Jardunean		Euskal Herria Bildu

^a Alkateak ez zuen legegintzaldia bukatu, Eusko Abertzale Ekintzaren hautagai bezala.

Ibilbideak

Sakontzeko, irakurri: «Talaia ibilbidea» eta «Kostaldeko Done Jakue bidea»

Jaizkibeldik barrena zeharkaldia

Oinez­ko ibilaldia Jaizkibel mendikatearen ipar‑ekialdetik ipar mendebaldera: Pasai Donibanetik Guadalupeko baseliza. Lau orduz atsegin emango digute itsasoko eta lehorreko bista bikain haiek. Eragindako suteen erasoa behin eta berriz pairatzen duen mendi horren gailurrean harrizko dorre handiak daude, karlistadetan eraikiak, zelatarien artean seinale bidez­ko komunikazio‑sistema erabiltzeko. Orientazio‑mahaiari begiratzea eta bista ederrez gozatzea ezinbestekoa da. Kotarik altuena 543 m‑koa da.

Pasaiako badiaren bokalea.

Uliatik barrena zeharkaldia

Platako itsasargitik (Pasai San Pedro) ibilaldi bat egitea iradokitzen dugu, Ulia menditik barrena, Donostiaraino. Ezagut dezagun Baleazaleen Harria, talaia naturala, baleak ikusteko eta haiek harrapatzera joateko erabiltzen zutena

Kultura

Euskara

Pasaiako hiztunen testigantzak, Euskal Herriko Ahotsak proiektuan

Pasaian,Gipuzkeraren barneko dagen Bidasoako hizkera mintzatzen da. Bidasoako hizkerak erdialdeko euskararen, euskara nafarraren eta nafar-lapurtarraren tarteko hizkeratzat har daitezke. Hala ere, azkenaldian erdialdeko ezaugarriak tarte handiagoa hartzen ari direla eta gehiago zabaltzen ari direla ematen du. Pasaiaz gain, hizkera horretan Errenteria, Lezo, Oiartzun, Hondarribia eta Irun ere daude.

2016an herritarren % 43,17 euskalduna zen.

• Abaraska Euskara Elkartea

Errukiaren umildegia eta Piedadeko santutxoa

Jaiak

• Maiatzaren 17a, Día das Letras Galegas - Galizierazko Letren Eguna, Trintxerpe
• Ekainaren 24a, Donibane, Pasai Donibane
• Ekainaren 29a, Kepa Deuna, Pasai San Pedro
• Uztailaren 7a, San Fermin, Pasai Antxo
• Uztailaren 16a, Karmenak, Trintxerpe
• Uztailaren 25-27a, San Inazioak, Pasai Donibane

Ondasun nabarmenak

San Joan eliza

Miranda etxea

Pasai Donibanen

• Arizabalo Almirantearen etxea (XVIII. mendea)
• Arroka Haundieta gotorlekua (XIX. mendea)
• Bonanzako Kristo Santuaren basilika (XVIII. mendea)
• Frontoia (XIX. mendea)
• Errukiaren umildegia eta Piedadeko santutxoa (XVI. mendea)
• Miranda etxea (XVI. mendea)
• Puzkazarreta baserria (XVI. mendea)
• San Joan Bataiatzailearen eliza (XVII. mendea)
• Santa Isabel Gaztelua (XVI. mendea)
• Udaletxe zaharra (XVIII. mendea)
• Villaviciosa jauregia (XVI. mendea)
• Victor Hugo etxea edo Gabiria etxea (XVII. mendea)
• Platain etxea (XVI. mendea)
• Portzelanen erret fabrika (XIX. mendea)
• Santa Ana baseliza (XVIII. mendea)

San Pedroko hilerriko ataria

Pasai San Pedron

• Hilerriaren portadak (XV. mendea)
• Blas de Lezoren etxea
• Ferren familiaren etxea
• San Pedro Eliza (XVIII. mendea)
• Senekozulua itsasargia (XIX. mendea)
• Zumardia frontoia (XIX. mendea)
• Jaizkibel draga (XX. mendea)

Itsas eskola

Trintxerpe

• Itsas Eskola, eraikin brutalista (XX. mendea)

Pasaitar ezagunak

Pasaiako portua

• Blas Lezo (1689–1741), itsasgizon eta militarra
• Joaquín María Ferrer (1777-1861), politikari eta militarra, Espainian goi karguduna.
• Biktoriano Iraola (1841-1919), idazlea.
• Manuel Arrillaga "Aita Manuel" (1879-1961), arraunlaria eta patroia.
• Jose Sebastian Laboa (1923-2002), nuntzio apostolikoa.
• Maria Luisa Senar (1925- 2016) erraketista
• Jose Angel Lujanbio (1932-), traineruetako patroia.
• Paco Rabanne (1934-), moda diseinatzailea.
• Mikel Laboa (1934-2008), abeslaria
• Felipe Sistiaga (1943-2023)
• Xabier Portugal (1951-2008), kazetaria, idazlea eta alkatea.
• Juan Bautista Berasategi (1951-2017), animaziozko zinema zuzendaria.
• Koldo Izagirre (1953-), idazlea.
• Luis Maria Lasurtegi (1956-), arraunlaria.
• Juan Jose Uria (1956-), eskubaloi jokalaria.
• Gotzon Egia (1958-), idazlea.
• Patxi Angulo Martin (1960-), matematikari, irakasle eta idazlea
• Juan Carlos Fontan (1960-), traineruetako patroia.
• Juan Mari Lujanbio (1961-), traineruetako patroia.
• Luis Fernando Dadie (1966-), futbolaria.
• Arantza Aldezabal Roteta (1967-), ikerlaria
• Javier Jacinto (1968-), musikagilea eta orkestra zuzendaria.
• Xabier Etxaniz Rojo (1971-), idazlea.
• Mikel Astarloza (1979-), txirrindularia.
• Goiatz Oiartzabal (1983-), ekintzailea.
• Iraia Oiartzabal (1987-), moda diseinatzailea.
• Laura Ré (1995-), komunikatzailea.

• 
  Bizarain menditik (San Marko).

Kanpo estekak

• Pasaiako udal webgunea
• Pasaiako albistegia "Oarsoaldeko Hitza"n
• Pasaiaren biziberritzeari buruzko erreportajea Argia aldizkarian.

• Datuak: Q847127
• Multimedia: Pasaia / Q847127
• Liburuak: Euskal Herriko bidaia-gida/Herriz herri/Pasaia