Jon Alonso

Jon Alonso
Bizitza
Jaiotza	Iruñea, 1958ko azaroaren 18a (66 urte)
Herrialdea	Nafarroa Garaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	idazlea eta itzultzailea
Jasotako sariak	ikusi Espainiako Kritika Saria euskarazko narratibari  (2006) : Erretzaileen eremua Tene Mujika saria  (2017) Joseba Jaka Beka  (2002) Argia Sariak  (2021)

Jon Alonso Fourcade (Iruñea, Nafarroa, 1958ko azaroaren 18a) euskal idazlea eta itzultzailea da.

Biografia

Biologia ikasketak egin zituen Euskal Herriko Unibertsitatean, eta Nafarroako Gobernuan itzultzaile lanetan dihardu. Hainbat komunikabidetan lankide da, Euskadi Irratiko Sormenari leiho saioan ere aritu da, baita hainbat mintegi eta lantegitan ere. Idazle lanetan, Iruñeko Korrok literatur aldizkarian egin zituen lehen urratsak, beste hainbat idazleren gisan, hala nola Josetxo Azkona eta Mikel Taberna. José Saramagoren eta Julio Cortazaren lan bana euskaratu ditu. 1997an Joseba Jaka I. Literatura Beka eskuratu zuen, Camembert helburu eleberri-saiakera idazteko. 2007an, Argia aldizkarian idatzi zuen «Euskadi Sariak» artikulua, hainbat idazle eta itzultzailek Utikan Euskadi Sariak agiria sinatzeko pizgarria bihurtu zen. 2007an ere Erretzaileen eremua ipuin liburuagatik Espainiako Kritika Saria eman zioten.

Esker onez saioan (Hamaika Telebista, 2024)

Idazlea ez denean, itzulpenei ekiten die. Horrela ezagutu zituen literaturaren izen handiak, baina baita bere alde ilunak ere. Joxe Miguel Etxeberria ‘Naparraren' auziari buruz ikertu zuen Alonsok eta liburu batean ere jaso zuen bildutako informazio guztia; bere esanetan, jarraitu behar delako gauza hauei buruz hitz egiten.

Lanbas detektibea

Jon Alonsok sortutako pertsonai ezagunena Enekoitz Ramirez Lanbas dugu. Eleberri beltzaren tradizioan, Lanbas antiheroia dugu: etakide ohia, preso egondakoa, arte saleroslea eta lapurra, detektibe izan gabe ikertzaile lanetan aritzen da beti nahiko zorte txarrez. Orain arte hiru eleberrietan agertu da: Camembert helburu (1997), Zintzoen saldoan (2012) eta Hiri hondakin solidoak (2015). Lanbasen bidez, erabateko eszeptizismoaren ikuspuntutik, Alonsok kritika gogorrak eta, aldi berean, sarkastikoak egiten ditu.

Lanak

Nobela

• Katebegi galdua (1995, Susa)
• Hodei berdeak (2003, Susa)
• Zintzoen saldoan (2012, Txalaparta)
• Hiri hondakin solidoak (2015, Txalaparta)
• Carvalho Euskadin (2023, Susa)

Narrazioa

• Erretzaileen eremua (2006, Susa)

Saiakera

• Idiaren eraman handia (1995, Euskaltzaindia-BBK)
• Agur, Darwin, eta beste arkeologia batzuk (2001, Pamiela)
• Beltzaren koloreak : nobela beltzari buruzko oharrak (2016, Susa)

Saiakera - nobela

• Camembert helburu. Toulouse-Lautrec mende bat geroago (1998, EEF - Susa)

Nobela - rapsodia

• Euskal karma (2001, Susa)

Itzulpena

• Lisboako setioaren historia, Jose Saramago (1998, Ibaizabal)
• Antologia apetatsua, Julio Cortazar (2005, Txalaparta)
• Kometaren eraginpean, Jon Bilbao (2014, Txalaparta)

Sariak

• 1997an Camembert helburu Joseba Jaka I. Literatura Beka.
• 2006an Erretzaileen eremua lanagatik Espainiako Kritika Saria euskarazko narratibari jaso zuen.
• 2017an «Naparra» kasua irekia lanagatik Tene Mujika saria.
• Merezimenduzko Argia Saria (2021)

Kanpo estekak

• «Jon Alonso», Literaturaren Zubitegia.
• Garbiñe Ubeda: Jon Alonsori elkarrizketa Berrian, 2024/08/10.
• «Esker onez | Jon Alonso» Hamaika telebista

• Datuak: Q12260494