José Manuel Cortizas

Wikipedia, Entziklopedia askea
José Manuel Cortizas
Bizitza
Jaiotza Bilbo, 1963
Herrialdea  Bizkaia, Euskal Herria
Heriotza Barakaldo2021eko otsailaren 27a (57/58 urte)
Heriotza modua berezko heriotza: COVID-19a
Hezkuntza
Hizkuntzak gaztelania
Jarduerak
Jarduerak kirol-kazetaria eta bikoizlea
Enplegatzailea(k) El Correo
Izengoitia(k) Corti

José Manuel Cortizas Valladares, kazetaritzan José Manuel Cortizas gisa ezaguna (Bilbo, 1963- Barakaldo, 2021eko otsailaren 27a), kirol kazetari eta bikoizketa-aktorea izan zen.

Biografia[aldatu | aldatu iturburu kodea]

Bilbon jaioa, El Correo egunkarian hasi zen lanean 1990. hamarkadan. Egunkari horretan, kirol arloko gai desberdinak jorratu zituen, tartean saskibaloia eta golf; askoren ustez Bizkaiko saskibaloiaren espezialista garrantzitsua zen. Beste kirolei buruzko artikuluak ere idatzi zituen, tartean Formula Veeri, futbolari eta boxeoari buruzkoak. Guztira, bere lan ibilbide osoan, 11.000 artikulu baino gehiago idatzi zuen.

Kirol kazetaritzarekin batera bikoizketa-aktore lana bete zuen. Bere paper garrantzitsuena Shin-chan telesailan, gaztelaniazko bertsioan, Hiroshi Nohara protagonistaren aitaren papera izan zen.[1] Beste sailetan eta filmetan ere haren ahotsa agertu zen, besteak beste, Justice League, Star Treck, Superman telesailan...

2021eko otsailaren hasieran, COVID-19z kutsatuta, Urdulizeko ospitalean ingresatu zuten, Zainketa Intentsiboetako Unitatean. Bere egoera larria izanik Gurutzetako Ospitalera eraman zuten eta bertan, otsailaren 27an, hil zen.[2]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]