Jose Saenz Garmendia

Wikipedia, Entziklopedia askea
Jump to navigation Jump to search
Jose Saenz Garmendia
Bizitza
Jaiotza Andoain1905eko azaroaren 28a
Herrialdea  Gipuzkoa, Euskal Herria
Heriotza Donostia1982ko ekainaren 28a (76 urte)
Jarduerak
Jarduerak musikaria
Musika instrumentua akordeoia

Jose Saenz Garmendia (Andoain, 1905eko azaroaren 28-Donostia, 1982ko ekainaren 28, Pepe Andoain gisa ezaguna, musikagile herritarra, irakasle eta musikaria izan zen.

Biografia[aldatu | aldatu iturburu kodea]

Jose Saenz Garmendia Andoaingo Zamora-enean jaio zen, 1905ean. Gurasoak Antonio Sáinz eta Margarita Garmendia ziren. Familia ugaria zen, Jose bosgarrena izanik. Eulogio Saldias maisuaren solfeoa ikasi eta herriko musika bandan hasi zen, klarinetea jotzen. 14 urte zituelarik saxofoia hasi zen jotzen. Laster ere musika idazten hasi zen. 18 urte zituenean jazz estiloko musika ezagutu eta jazz-orkestina sortu zuen. , SEO-OPAC izeneko taldea. Izena partaideen abizenekin sortu zuten. Soldaduska Donostian egin behar izan zuen, bertako Sizilia Erregimentuaren bandan; soldaduskan ere Andoain izenarekin ezagutzen hasi ziren. Soldaduska bukatuta akordeoiari heldu zion. Donostiako Bandako saxofoi jotzaile gisa hasi zen. Donostian ere tabernetan eta herrietan jotzen zuen beste orkestina sortu zuen, La Orquesta Larrañaga izenekoa. 1930ean Euskal Herriko akordeoi-txapelketa irabazi zuen. Ordurako oso ezaguna zen Euskal Herrian. Espainiako II Errepublikaren garaian denboraldi bat Madrilen eman zuen, kabaret bateko taldean jotzeko, baina laster herrira itzuli zen. Gerrak Gipuzkoan harrapatu zuen eta, ondoren, langileen batailoi batean denboraldi bat egin behar izan zuen.

Gerra bukatu ondoren Donostiara joan zen bizitzera, apopilo Parte-Zaharreko ostatu batera. Urte haietan Los Xei taldea sortu zen eta Saenz soinujolea izan zen. Hiriburuan ere, 43 urte zituelarik, Inaxita Agirrerekin ezkondu zen, 1949ko urriaren 12an. Bizitzeko etxean musika-akademia zuen antolatuta. Ikasleen laguntzarekin Alay izeneko Euskal Herriko lehen akordeoi-orkestra sortu zuen. Orkestra mugako bi aldetan ezagutzera eman zen.[1]

Konposizioak[aldatu | aldatu iturburu kodea]

Berrogeita hamar konposizio baino gehiago idatzi zituen: fandangoak, abestiak, martxak... Hona hemen ezagunenak:

  • "Euskaldunaren ereserkia"
  • "En la noche oscura"
  • "Fandango haitzartean"
  • "Gau illunian"[2]
  • "Goiburu"
  • "Urrutira"

Bibliografia[aldatu | aldatu iturburu kodea]

  • Patxi Intxaurrandieta: José Sáenz Garmendia. Pepe Andoain (1905-1982). Lekukotzak bilduma, 6.zk. Manuel Larramendi Kultur Bazkuna, Andoain, 2005.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]