Lomond aintzira

Lomond lakua
Loch Lomond (en), Loch Laomainn (gd)
Lomond lakua; Loch Lomond (en), Loch Laomainn (gd)
Datu orokorrak
Garaiera	79 m
Mota	aintzira
Luzera	37 km
Zabalera	8 km
Azalera	71 km²
Sakonera	190 m
Bolumena	2.600 hm³
Geografia
Koordenatuak	56°08′54″N 4°39′05″W / 56.1482°N 4.6515°W
Estatu burujabe	Erresuma Batua
Herrialdea	Eskozia
Eskoziako kontseilu gunea	Mendebaldeko Dunbartonshire
Babestutako-eremua	Loch Lomond eta The Trossachs Parke Nazionala
Leku geografikoa	Britainia Handia
Hidrografia
Betebidea	ikusi Endrick Water (en) ; Douglas Water (en) ; Finlas Water (en) ; Fruin Water (en) ; Luss Water (en) ; Arklet Water (en) ; River Falloch (en) ; Inveruglas Water (en) ; Inverglas Water (en) ; stream 1 at Creag an Ardain (en) ; stream 2 at Creag an Ardain (en) ; Port Burn (en) ; Sloy Power Station tail race (en) ; stream at Culag (en) ;
Hustubidea	River Leven (en)
Erresidentzia denbora	1,9 a
Arroaren azalera	696 km²

Lomond aintzira (ingelesez: Loch Lomond, Eskoziako gaeleraz: Loch Laomainn, eskozieraz: Loch Lomond) Eskozian dagoen laku bat da. Herrialde horretako erdialdean dago eta Highlands eskualdearen hegoaldean. Stirling, Argyll eta Bute eta Mendebaldeko Dunbartonshire eskualdeetan zehar hedatzen da, Glasgow hiritik 23 kilometro iparralderantz. 2002ko uztailetik aurrera Loch Lomond lakua Loch Lomond eta The Trossachs Parke Nazionaleko zati da.

Geografia

Gutxi gorabehera 37 kilometro luze eta zortzi kilometro zabal da. Batez besteko sakonera 37 metrokoa da, 190 metroko gehienezko sakonerarekin. 71 km²-ko sakonera du eta 2,6 km³ ur bolumena. Haren azalerarengatik, Eskozia eta Britainiar uharteetako lakurik handiena da; bolumen aldetik, berriz, bigarrena da, Loch Nessen atzetik. Hala ere, neurriari dagokionez, ez da Britainiar Uharteetako lakurik handiena, Ipar Irlandako Lough Neagh handiagoa baita.

Ertz batean Ben Lomond mendia dago, 974 metroko garaierarekin: Munro mendikateko gailurrik hegoaldetarrena da. Laku horretan uharte ugari daude: batzuek hondakin interesgarriak dituzte. Haietako batek, Inchmurrin uhartea, britainiar lakuetako uharte handiena da. Loch Tay lakuarekin gauza bera gertatzen da: bertako zenbait uharte crannog direlakoak izan zirela dirudi, hots, Historiaurrean bizitzeko asmoz eraikitako uharte artifizialak.

Gaur egun, Loch Lomondeko Golf Elkartearengatik ezaguna da: nazioarteko lehiaketak hartzen dituk.

Bitxikeriak

Tintinen komikietan Haddock kapitainaren edaririk gustukoena (eta baita Milurena ere zenbait eszenatan) Whisky Loch Lomond izenekoa da. Whisky marka hori ez zegoen inon Hergek asmatu eta bere komikilanean lehendabiziko aldiz jarri zuenean, baina gaur egun Loch Lomond destilategi bat bada, marka horren pean whiskya ekoitzi eta saltzen duena.
2005an telebistari buruzko Radio Times aldizkariak eginiriko inkesta batek Loch Lomond lakua Britainia Handiko Mirari Natural Ederren artean seigarren sailkatzen zuen.
Eskoziar herri doinu ospetsu batek The Bonnie Banks o'Loch Lomond izena du.

Ikus, gainera

Loch Lomond eta The Trossachs Parke Nazionala

Kanpo estekak

www.loch-lomond.net (lakuaren ezaugarri fisikoekin) (ingeleraz)

Datuak: Q208926
Multimedia: Loch Lomond / Q208926