Machair
.jpg)
Machair edo machar (euskarazko ahoskera Maker) delakoa Eskozia eta Irlandako kostaldean ohikoa den lurralde lau eta oparoa izendatzeko erabiltzen den gaelerazko izendapena da, bereziki Kanpoko Hebridak uharteetan erabili ohi da. Bi machair mota egon ohi dira:
- Larre edo belardi hondartsu mota bat, nekazaritzarako ereingarria dena, leku heze eta haizetsuetan kokatu ohi da.
- Hondartza baten lursail hondartsua eta zingira baten lursaila topatu ohi den lur eremua.
Bi kasuetan, machair lurraldea antzina hondartza nat izandako lursaila da, gerora itsas mailaren jeitsieraren ondorioz lur garaiago batean gelditu dena.
Machairs lursailak emankortasuna baldin badu, duen oskol kopuruari zor dio, sarritan %90-eko kopurua iragaten duelarik. Haizeak hondar hau lur lehor barrenera barneratzen du, honela larreen emankortasuna hobetuz.
Machairs lursaileek ekologia arreta berezia jaso dute, gehienbat berebiziko ekosistema osatzen baidute. Lore espezie arraroen kokalekua izan litezke, adibidez spiranthes u orkidea landareak egon ohi dira, hauekin batera hegazti ezberdin ugariren bizileku ere izan ohi dira, esate baterako giloi, burugorri, txirri arrunt, bernagorri arrunt eta txirritxo handiak bertan ibili ohi dira, intsektu bitxien bizileku ere bada. Zenbait machair lurralde itsasoaren mailaren igoerak eta inguruko hondartzen aisialdirako ustiapenak sortutako higaduraren ondorioz mehatxaturik daude.
Ikus gainera[aldatu | aldatu iturburu kodea]
 |
Commonsen badira fitxategi gehiago, gai hau dutenak: Machair  |
