Madariondo arrunt

Wikipedia(e)tik
Hona jo: nabigazioa, Bilatu
Madariondo arrunt
Sailkapen zientifikoa e
Erreinua: Plantae
Kladoa: Angiospermae
Kladoa: Eudicotyledoneae
Kladoa: Rosidae
Ordena: Rosales
Familia: Rosaceae
Generoa: Pyrus
Espeziea: Pyrus communis

Madariondo arrunta edo udareondo arrunta (Pyrus communis) Pyrus generoko zuhaitz edo fruta-arbola espezie bat da, madari edo udareak ematen dituen Europan arruntena.

Ezaugarriak[aldatu | aldatu iturburu kodea]

Itxura[aldatu | aldatu iturburu kodea]

Hosto erorkorreko zuhaitza da, eta 20 m garaira irits dezake. Adaburua obala da; adaxkak arre-gorrixkak, ilegabeak eta distiratsuak dira.

Zurtoina – Azala[aldatu | aldatu iturburu kodea]

Zurtoina zuzena da, eta azala grisa eta zartatua.

Hostoak[aldatu | aldatu iturburu kodea]

Udareondoaren hostoak obalatuak edo eliptikoak, meheki zerradunak eta berde ilun distiratsuak dira; pezioloa, batzuetan, hostoa bezain luzea da.

Loreak[aldatu | aldatu iturburu kodea]

Martxotik maiatzera loratzen da udareondoa; hostoak baino lehen sortzen dira loreak. Loreak, korinbotan elkartuak, zuriak edo arrosak dira.

Fruituak[aldatu | aldatu iturburu kodea]

Udareondoaren fruituak, udareak edo madariak, pomo erakoak dira, mamitsuak eta gozoak.

8 udare barietate ezker-eskuin: Williams' Bon Chrétien, bi Red Bartlett barietate, d'Anjou, Bosc, Comice, Concorde eta Seckel.


Habitata[aldatu | aldatu iturburu kodea]

Udareondoa planeta osoan kultibatzen da klima epeletan, baratze eta lur ureztatuetan. Udareondoaren jatorria ez da ezaguna beste espezie kultibatu batzuekin gertatzen den bezala, baina zenbait espezie europar eta asiarren hibridazioz sortu omen da.

Erabilera[aldatu | aldatu iturburu kodea]

  • Udareondoaren zura ebanisterian erabiltzen da.
  • Udareak garrantzitsuak dira giza elikaduran, eta gordinik, konpotan edo zuku eginda jaten dira.

Erreferentziak[aldatu | aldatu iturburu kodea]

  • Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.
Wikimedia Commonsen badira fitxategi gehiago, gai hau dutenak: Madariondo arrunt Aldatu lotura Wikidatan