Maria João Pires

Maria João Pires
	; (2009) Irudi gehiago
Bizitza
Jaiotza	Lisboa, 1944ko uztailaren 23a (80 urte)
Herrialdea	Suitza ; Portugal
Hezkuntza
Hizkuntzak	portugesa
Ikaslea(k)	ikusi Julien Libeer;
Jarduerak
Jarduerak	classical pianist (en) eta piano-jotzailea
	Parte-hartzailea Megaron Spring Festival (en) ;
Jasotako sariak	ikusi Commander of the Order of Prince Henry ; Pessoa Prize (1989) ; Grand Cross of the Military Order of Saint James of the Sword ; Arte Ederretako Merituaren Urrezko Domina (2007) ;
Genero artistikoa	musika klasikoa
Musika instrumentua	pianoa

Maria João Pires (Lisboa, Portugal, 1944ko uztailaren 23a) portugaldar piano-jotzailea da.

Biografia

Oso gazterik hasi zen pianoa jotzen, hiru urterekin hain zuzen, eta lau urterekin eman zuen jendaurreko lehenengo kontzertua. Lisboakoa Musika Kontserbatorioan egin zituen ikasketak, eta handik Munichera aldatu zen, Gulbenkian fundazioak emandako laguntza batekin, Rosl Schmidtekin ikasketak sakontzera.

1970ean arrakasta handiz parte hartu zuen Bruselan, Beethovenen bigarren mendeurrenean, eta harrezkero munduko areto ospetsuenetan eta orkestra handienekin jo izan du, eta ospe handia eskuratu du bai kritikarien artean eta bai entzuleen artean. Osasun arazoak zirela-eta aldi batez erretiratuta egon ondoren, 1986an Londresen debutatu eta ondoren Hanburgo, Paris eta Amsterdamen aritu zen; New Yorken eta Austrian jo zuen 1989an, eta Espainian hurrengo urtean.

Pires munduko musika garaikideko artista handienetakoa da. Ganbera-musika jo ohi du, eta azpimarratzekoak dira Mozart, Beethoven eta Schuberten lanen gainean egin ohi dituen interpretazio natural eta soilak. Agustín Dumay biolin-jotzailearekin bikotea osatu du, eta harekin grabatu zuen "Biolin eta pianorako sonatak"; disko aipagarriak ditu, halaber, Mozarten sonatenak eta Chopinen Nocturnoenak (Portugalen gehien saldutako diskoetako bat izan zen).

Bestalde, bere karreran zehar hainbat sari irabazi ditu, adibidez, Edison saria, Frantziako Akademiaren Diskoaren saria eta Charles Cros Sari Nagusia.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q235650
Multimedia: Maria João Pires / Q235650