Max Verstappen

Max Verstappen
	; (2024) Irudi gehiago
Bizitza
Jaiotzako izen-deiturak	Max Emilian Verstappen
Jaiotza	Hasselt, 1997ko irailaren 30a (28 urte)
Herrialdea	Herbehereetako Erresuma ; Belgika
Bizilekua	Monako
Lehen hizkuntza	nederlandera
Familia
Aita	Jos Verstappen
Ama	Sophie Kumpen
Bikotekidea(k)	ikusi Kelly Piquet (en) ;
Seme-alabak	ikusi Lily Piquet Verstappen;
Haurrideak	ikusi Victoria Verstappen;
Familia	ikusi Paul Kumpen (en) (osaba zahar); Anthony Kumpen (en) (second uncle (en) ); Robert Kumpen (amaldeko aitona);
Hezkuntza
Hizkuntzak	nederlandera; ingelesa; alemana
Jarduerak
Jarduerak	automobil-pilotua, 1 Formulako gidaria eta aktorea
Pisua	74 kilogramo
Altuera	181 zentimetro
Jasotako sariak	ikusi Talent of the year (2014) ; Dutch Sportsman of the year (2016) ; Lorenzo Bandini Trophy (2016) ; Officer of the Order of Orange-Nassau (2021eko abenduaren 23a) ;
	verstappen.com

Max Emilian Verstappen —nederlanderazko ahoskera: /ˈmɑks vɛrˈstɑ.pə(n)/— (Hasselt, Belgika, 1997ko irailaren 30a) automobilismoko pilotua da. Belgikan jaioa, Herbehereetako nazionalitatea du. 2013an Karting Munduko Txapelketa irabazi zuen, eta FIAren 3 Formulako Europako Txapelketan hirugarren amaitu zuen, eserleku bakarreko ibilgailuetan debuta egin zuenean. 2015etik, 1 Formulan lehiatzen da, debuta Toro Rosso taldearekin eginda. 2016tik, Red Bull Racing taldearentzat gidatzen du. 2019an eta 2020an, bi hirugarren postu lortu zituen, eta 1 Formulako Munduko Txapelketako txapeldun izan da lau aldiz :txapeldun bihurtuz 2021ean, 2022an, 2023an eta 2024an.

Max Verstappen Formula 1eko historian irabazpen gehien dituen hirugarren pilotua da, 67 garaipenekin; podium gehien dituen laugarrena: 121; pole position gehien dituen bosgarrena: 46; bira azkarren gehien dituen seigarrena: 35; eta Grand Chelem gehien dituen bigarrena, Lewis Hamiltonekin berdinduta: 6.

2014ko urriaren 3an, Toro Rosso taldeko erreserbako pilotua zela, parte hartu zuen 2014ko Japoniako Sari Nagusiko lehen entrenamendu saio ofizialean, 17 urte eta 3 egun zituela; horrela, Formula 1eko Sari Nagusiko asteburu batean parte hartu duen pertsonarik gazteena bihurtu zen. Beste errekor batzuen artean, nazionalitate herbeheretarreko lehen pilota izan zen kategoria honetan podiumeko lehen postuan igotzen: hori 2016ko Espainiako Sari Nagusian egin zuen, Red Bull-ekin izan zuen lehen lasterketan.

Formula 1eko pilotu gazteenaren hainbat errekor ditu:

(1) Sari Nagusi batean parte hartzea: 17 urte eta 166 egun zituela egin zuen debuta, 2015eko Australiako Sari Nagusian, Scuderia Toro Rosso taldearekin.

(2) Puntuak lortzea: 2015eko Malaysiako Sari Nagusian, 17 urte eta 180 egun zituela.

(3) Sari Nagusi bat irabaztea.

(4) Podiumean igotzea. 3. eta 4. puntuetako errekorrak 18 urte, 7 hilabete eta 15 egun zituelarik lortu zituen, 2016ko Espainiako Sari Nagusian.

(5) Bira azkarrena entrenamendu saio batean: Mexikoko Hermanos Rodríguez Autodromoan egin zuen, 2017ko urriaren 28an, hirugarren entrenamendu librean.

(6) 2021eko Austriako Sari Nagusian, 128 Sari Nagusi, 50 podium eta 15 garaipen igaro ondoren, bere lehen Grand Chelem lortu zuen, 23 urte, 9 hilabete eta 4 egun zituela.

(7) 100 podium lortzea: 26 urte, 5 hilabete eta 9 egun zituela lortu zuen, 2024ko Saudi Arabiako Sari Nagusian.

Kanpo estekak

Datuak: Q2239218
Multimedia: Max Verstappen (racing driver) / Q2239218