Mayo konderria

Wikipedia(e)tik
Mayoko konderria» orritik birbideratua)
Hona jo: nabigazioa, Bilatu
Mayo konderria
County Mayo
Contae Mhaigh Eo
Erresuma Batuko konderria
Bandera Armarria
Hiriburua Castlebar
Estatua
Probintzia
 Irlandako Errepublika
 Connacht
Geografia
 -  Guztira 5,397 km2
Biztanleria
 -  zenbatespena 130.638 bizt.
Webgunea
Webgunea

Mayo konderria, County Mayo edo Contae Mhaigh Eo Irlandako mendebaldean dago kokatuta, Connachteko probintziaren barruan. Mugakide Ozeano Atlantikoa mendebaldeeta iparraldean, Galwayko konderria hegoaldean eta Roscommoneko konderria ekialdean ditu. 5.397 km2-ko azalera dauka eta 2011an 130.638 biztanle zituen. Hiriburua Castlebar/Caisleán an Bharraigh da.

Hiriak eta herriak[aldatu | aldatu iturburu kodea]

Gaeltachteko udalerriak[aldatu | aldatu iturburu kodea]

Gaeltacht lurralde gaelikoan ondoko herriak daude sartuta:

Historia[aldatu | aldatu iturburu kodea]

Neolito garaiko (k.a. 4.000 - 2.500) aztarna megalitiko ugariek erakusten dute aspaldidanik populatua izan zela eremu hau. Hala ere lehenengo biztanleak duela 11.000 urtekoak izan zirela uste da.

V mendean kristautasuna iritsi zen eta monasterio ugari eraiki ziren. Vikingoen lehendabiziko erasoak 795 urtean izan zituzten monasterioek. Irlandako kostaldeko beste hainbat tokitan ez bezala, hemen ez zen vikingoen asentamendurik izan. 1230an Richard Mór de Burgh-en agintepean normandiarrek eta galestarrek eremua eskuratu zuten. Bertako jauntxoak kanporatu eta familia normandiar berriak ekarri zituzten eremua kolonizatzenko. Etorritako familia hauen artean Mac William Burke leinua nagusitu zen.

XV eta XVI mendeetan Ingalaterra eta Eskoziako protestante ugarik bigarren kolonizazio uholdea osatu zuten. Garai hartako Mayoko pertsonarik ezagunena Gráinne Ní Mháille "pirata erregina" izan zen. 1641eko irlandarren matxinadan hauetako asko erailak izan ziren, esaten denez populazioaren herena hil zen gerra eta sarraskietan. Oliver Cromwellek bereziki kolpatu zuen Connacht probintzia, lurrak erabat zatikatu eta ingeles latifundisten eskutan utziz. XVIII eta XIX mendeetan miseria nagusitu zen Mayoko irlandarren artean, eta 1841-45 arteko Gosete Handian konderria hustu egin zen.

XIX mendean Mayon gertaturiko pasadizu batek hitz berria sortu zuen ingeles hizkuntzan, gerora hizkuntza guztietara zabaldu dena: boikota. Charles Cunningham Boycott lurjabe ingelesak ezin izan zuen langilerik lortu bere lurretan aritzeko eta langile protestanteak ekarri behar izan zituen. Hauen segurtasuna bermatzeko neurriak hartu behar izan zituen eta ia dirurik gabe gelditu zen. Honetaz gain herrian inork ez zuen berarik traturik egin nahi izan eta dendetan ere ez zioten sartzen uzten.

Ondasun nabarmenak[aldatu | aldatu iturburu kodea]

Mayotar ezagunak[aldatu | aldatu iturburu kodea]

Iruditegia[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Mayo konderria Aldatu lotura Wikidatan


Koordenatuak: 53° 54′ N, 9° 15′ W / 53.900°N,9.250°W / 53.900; -9.250