Mikel Dukiano

Wikipedia, Entziklopedia askea
Hona jauzi: nabigazioa, Bilatu

Mikel Dukiano (grezieraz: Μιχαήλ ΔουκειανόςMikhail Doukeianos, italieraz: Michele Dulchiano), gaztea ezizenez ezaguna, Italiako katapana izan zen 1040tik 1041era. Nikeforo Dukianoren ordezkoa izan zen. Bere lehen ekintza Melfiren agintaritza greziera hitz egiten zuen Arduino lombardiarrari ematea izan zen, topoterites tituluarekin. Hala ere Arduinok laster traizionatu zuen eta bere normandiar mertzenarioak gidatu zituen Argiroren Apuliako matxinadan. 1041eko martxoaren 16an Venosatik gertu, Oliventoan, lombardiar-normandiar armadarekin elkartu zen, baina galdu zuen.

Honen ostean beste gudu bat izan zen Montemaggioren, Cannaetik gertu, K. a. 216an Cannaeko gudua gertatu zen leku berean eta normandiarrek 1018an lehen gudua izan zuten lekuan. Katepanak Baritik varangiar talde handia lortu bazuen ere gudua eskasa izan zen eta Mikelen hainbat soldadu Ofanton ito ziren ihes egiten ari zirela. Dukiano Siziliara eraman zuten, normandiarrek Jurgi Maniakesen espedizioaren ostean albo batera utzita zutena.

Bere ondorengoa Exaugusto Boioanes izan zen, 1041eko irailetik aurrera.