Mugiroko geralekua

Mugiro
Kokapena
Udalerria	Larraun, Nafarroa
Geltokiaren datuak
Irekiera	1914ko urtarrilaren 19a
Itxiera	1958ko irailaren 5a
Nasak	1
Trenbideak	1
Jabea	Nafarroako Gobernua

Mugiro (lehen: Muguiro) Euskal Herriko Nafarroa Garaiko tren geraleku zahar bat da, Larraun ibarreko Mugiro herrian kokatuta dagoena.

Gaur egun, Plazaolako bide berdearen barruan dago.

Historia

Iruña-Donostia burdinbideko Plazaola eta Iruña–Hiria geltokien arteko zatia 1914ko urtarrilaren 19an inauguratu zen.

1953ko urriaren 13 eta 14 artean eginiko euriteen ondorioz burdinbidearen azpiegitura oso kaltetuta geratu zen (euste-hormak, lubetak, zubiak...). Jabea zen enpresak hainbat saiakera egin zituen tokiko erakundeekin, azpiegitura konpontzeko asmoarekin. Baina, negoziazio hauek ez zuten emaitzarik eman eta zerbitzua geldi geratu zen, uholdeek eragindako kalteak ez zirelako konpondu.

Dena den, trenak jarraitu zuen zenbait zerbitzu lokal egiten zazpi urtez, esate baterako Elduain eta Andoain artean egurra garraiatzeko. Honetako bidaia batean, trenak Andoaingo parrokoa zen Rosendo Rekondo harrapatu zuen, 1957ko uztailean. Azkenean, konpainiak burdinbidea kentzeko eta burdinbidea behin betiko ixteko baimena jaso zuen 1958ko irailaren 5ean. Ondorioz, geraleku hori behin betiko itxi zen.

Egoera

Geralekua Iruña—Donostia burdinbidearen 34,9 kilometro-puntuan zegoen, 623 metroko altueran, Latasa eta Lekunberri geltokien artean. Tartea bide bakarra da eta ez zegoen elektrifikatuta.

Ikus, gainera

• Mugiro
• Iruña—Donostia burdinbidea

Kanpo estekak

• Datuak: Q103487351

Latasa Mugiro Lekunberri Iruña–Hiria Amara–Donostia