Municheko Gliptoteka

Municheko Gliptoteka
Irudi gehiago
Kokapena
Estatu burujabe	Alemania
Alemaniako estatua	Bavaria
Gobernu-eskualde	Bavaria Garaia
Hiria	Munich
Koordenatuak	48°08′48″N 11°33′57″E
Historia eta erabilera
Irekiera	1830
Inaugurazioa	1816
Kudeatzailea	Staatliche Antikensammlungen
Izenaren jatorria	Gliptoteka
Arkitektura
Arkitektoa	Leo von Klenze
Estiloa	Neogreziar arkitektura
Ondarea
Kontaktua
Helbidea	Königsplatz 3
Webgune ofiziala

Municheko Gliptoteka greziar eta erromatar artearen museo bat da, Munich hirian, Bavarian (Alemania). Hasiera batean Luis I.a Bavariakoa erregeak enkargatu zuen museoa garai haietako bere eskultura bilduma gordetzeko. Leo von Klenze-k diseinatu zuen estilo neoklasikoan eta 1816 eta 1830 artean eraiki zen. Gaur egun museoa Kunstarealaren parte da.

Historia

Gliptoteka Luis I.a Bavariakoa Oinordeko Printzeak (geroago erregea) enkargatu zuen, beste proiektu batzuekin batera, hala nola, aldameneko Königsplatz eta Greziar eta Erromatar Antzinateen Estatuko Bilduma biltzen duen eraikina, antzinako Greziako oroigarri gisa. Louisek antzinako greziar kultura gogoratuko zuen "alemaniar Atenas" baten ikuspegia zuen, eta Municheko ateen parean eraiki zuen.

Königsplatz multzoaren antolamendua Karl von Fischer eta Leo von Klenze arkitektoek diseinatu zuten 1815ean, foro baten estiloan antolatuz, gliptoteka iparraldean zuela. Museoko hormak kolore freskoz eta estukoz apaindu zituzten Peter von Cornelius eta Wilhelm von Kaulbach bezalako artista ospetsuek.

1806 eta 1830ean museoa ireki zen bitartean, Louisek garaiko eskultura greko-erromatarren bilduma onenetako bat osatu zuen. Bere agenteen bitartez, Medusa Rondanini, Barberini Faunoa eta, 1813an, Eginako Afeako tenpluko irudiak bezalako piezak eskuratzea lortu zuen.

Bigarren Mundu Gerrak ez zituen Gliptotekako artelan asko suntsitu, nahiz eta tamalez freskoek ez zuten iraun eta 1972an museoa berriro ireki zenean margotutako adreilu batzuk baino ez ziren ikusten.

Arkitektura

Museoa estilo greko-italiar klasikoan diseinatu zen. Arkupea jonikoa da eta kanpoko hormek nitxoak dituzte, eta bertan 18 jatorrizko erromatar eta greziar eskultura kokatzen dira, horma bakoitzean sei (atzealdean izan ezik). Barrualdea gangaduna da.

Museoa hasiera batean marmolez eraiki zen osorik. Hala ere, Bigarren Mundu Gerran suntsitu egin zuten. Berreraikitako eraikina ez da jatorrizkoa bezain polita: koloma jonikoak amaitu gabe geratu ziren, ildaskatu gabe, eta eskultura batzuk ere egin gabe geratu ziren. Gainera, askoz marmol gutxiago erabiltzen zen, barrutik nabaria dena, hormak adreilu gorriz osatuta daude eta marmol efektua emateko margotuta daude. Hormak apaintzen zituzten freskoak ere galdu egin ziren.

Irudi galeria

• 
  Frontoiaren xehetasuna .
• 
  Municheko Errege Enparantza eskuinaldean Gliptoteka eta ezkerraldean Propileoetatik Antigoalekoen Estatu Bilduma ditu.
• 
  Gela baten bista.
• 
  Afaiako tenpluko irudiak.
• 
  Afaiako tenpluko frontoiko ezkutua eta besoa.
• 
  Emakume erromatar baten bustoa.
• 
  Esfingea.
• 
  Afaiako tenpluko frontoiko arkularia

Kanpo estekak

• Datuak: Q162077
• Multimedia: Glyptothek Munich / Q162077