Musker

Musker
	Irudi gehiago
Sailkapen zientifikoa
Erreinua	Animalia
Filuma	Chordata
Klasea	Reptilia
Ordena	Squamata
Subordena	Lacertilia; Owen, 1842

Muskerrak (Lacertilia azpiordena) saurioen ordenako animaliak dira, buru luzea, aho handia, lau hanka eta buztan luzea duena. Munduko narrastien ia erdiak muskerrak dira. 3500 bat espezie daude; gehienak klima epelean bizi dira. Hankak eta buztana luzeak izaten dituzte. Larrialdietan askok ihes egiten dute, buztana bertan utzirik, berriz haziko baitzaiea.

Gehienak lurrean bizi dira eta intsektuez elikatzen dira. Hala ere, batzuk igokari trebeak dira, esaterako, kameleoiak eta dragoitxoak (gekoak). Arrautza txikien bitartez ugaltzen dira, baina zenbait espezie kume biziez erditzen dira.

Kolorea[aldatu | aldatu iturburu kodea]

Berde eta Sabin Aranak asmatu zuen orlegi hitzak baino lehen, kolore horrek ez zuen izen berezirik euskaraz. Haren ordez, musker esaten zen. Horren seinale bat herri kanta honetan ageri da:

Txuringoa, txuri
Gorringoa, gorri
Muskerra, musker
Eta gauerdia, beltz-beltz