Nerea Elustondo

Nerea Elustondo
	;
Bizitza
Jaiotza	Legazpi, 1981eko irailaren 15a (43 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	bertsolaria eta irakaslea

Nerea Elustondo Plazaola (Legazpi, Gipuzkoa, 1981eko irailaren 15a) euskal bertsolaria eta irakaslea da.

Gazte gaztetatik nabarmendu zen bertsolaritzan eta sariketa asko ditu irabaziak. 2019ko Gipuzkoako Bertsolari Txapelketan laugarren postua eskuratu zuen.^[1]

Biografia

Industria Ingeniaritza Mekanikoan graduatua da eta irakaskuntza du ogibide.^[1]

Bertsolari

13 urterekin hasi zen bertsotan Juanjo Sagastibeltzak gidatzen zuen Urretxuko bertso eskolan eta Goierriko taldeko kide moduan parte hartu zuen bere lehenengo Eskolarteko txapelketan.

Bere lehen pausuak Legazpiko ikastolan izan ziren, 1994ko abenduaren 23an. Elustondorekin batera Bertsolariak: Asier Otamendi, Asier Iriondo, Ekaitz Goikoetxea, Aritz Zeberio bertsolariek parte hartu zuten. Gai-jartzaile Juanjo Sagastibeltza izan zen.^[1]

Txapel bat baino gehiago jantzi zituen Gipuzkoakoan eta hainbat aldiz izan zen finalista Euskal Herrikoan. Eskolarteko zikloa bukatuta, zenbait gazte sariketa irabazi zituen (Osinalde, Berritxu, Xenpelar, Abra…).

2001ean parte hartu zuen lehenengo aldiz Bertsolari Txapelketa Nagusian eta final erdietara iritsi zen; baita 2013, 2017 eta 2022ko Txapelketa Nagusietan ere. 4. postuan sailkatu zen 2019ko Gipuzkoako Bertsolari Txapelketan.^[1]

Txapelketak

Bertsolari Txapelketa Nagusia
- finalaurreak (4): 2001, 2013, 2017 eta 2022
Gipuzkoako Bertsolari Txapelketa
- laugarren (1): 2019
Eskolartekoak
- Euskal Herriko Eskolarteko Bertsolari Txapelketa
  - bigarren (1): 1998
  - finalista (2): 1995, 1996
- Gipuzkoako Eskolarteko Bertsolari Txapelketa
  - Handitan txapeldun (2): 1996,1998
  - Txikitan txapeldun (1): 1995

Sariak

Argi Berri saria (1):2000 ^[2]
Osinalde saria (1): 2000
Xenpelar saria (1): 2000 [1]
Berritxu saria (1): 2000
Abra saria (1): 2002 ^[3]

Emakumeak bertsolaritzan, garai batean eta gaur egun

2022ko urtarriaren 7an, ETBko Emakumeak bertsolaritzan garai batean eta gaur egun izenburuko saioan Nerea Elustondok hauxe esan zuen, gertaera bat entzun ostean:^[4]

Gertaera: 1918an Lasarte inguruan hainbat baztanga kasu egon zen. Gaixotasun kutxakorra zenez, Gipuzkoako Gobernadoreak 7 pertsona Hernaniko benefizienziara eramantea agindu zuen, Jendea ez zegoen ados erabakiarekin eta protesta moduan, inguruak barrikadaz josi zituzten. Gobernadoreak atzera egin zuen eta lorpen hura bazkari herrikoi batekin ospatu zuten. Bertan Matea Josepa Zubeldiak mahai ganera igota, matxinadari buruzko 24 bertso kantatu zituen. Zubeldia hil zenean, lotsaren lotsaz amaren bertsoak, amaren poemak eta elizako kantak gordetzen zituzten koadernoak erre egin zituzten.

"Bertsolaritza ez da salbuespena izan. Askotan uste izan da emakumeak esparru pribatura bideratuta zegoela, publikoki ez zirela agertzen. Datuak falta ziren, baina jakin dugu, Lore Jokoetan, ekitaldi jendetsuetan parte hartzen zutela eta irabazi ere egiten zutela. Lore jokoetan ganadu feriak, dantza saioak, pelota partiduak eta bertso saioak eta tartean bertsolari txapelketak, zeinetan behin baino gehiagotan emakumeek irabazi zuten. Iparraldean Azkaingo Mari Luixa Erdozio, Kanboko Mariana Argain,^[5] Aña Etxegarai;^[6]Hegoaldean, ostera, Martxelina Lopetegi eta Plazida Otaño. Azken horrek Txirrita bera isilarazi zuen. Egun, emakumezko eta gizonezko bertsolarien desproportzioa ez da garai batekoa bestekoa. Kualitatiboki emakumeek leku dezente hartzen badute ere, gero kuantitatiboki, hau da, emakumeen plazetan presentzia %25era jaisten da."^[4]

Erreferentziak

↑ ^a ^b ^c ^d Elkartea, Xenpelar Dokumentazio Zentroa-Bertsozale. «Nerea Elustondo - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2022-09-12).
↑ (Gaztelaniaz) Elkartea, Xenpelar Dokumentazio Zentroa-Bertsozale. «Argi Berri Saria (3. 2000. Ordizia) - Aldizkakoa - BDB. Base de datos sobre bertsolarismo» bdb.bertsozale.eus (Noiz kontsultatua: 2024-10-10).
↑ «Nerea Elustondo izan zen Abra Sariketaren lehen txapelduna» bertsoa.eus (Noiz kontsultatua: 2024-10-10).
↑ ^a ^b «nerea elustondo - Bing video» www.bing.com (Noiz kontsultatua: 2022-09-13).
↑ (Gaztelaniaz) «Argain Huroukoia, María - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2022-09-13).
↑ (Gaztelaniaz) Elkartea, Xenpelar Dokumentazio Zentroa-Bertsozale. «Aña Etxegarai - Biografías - BDB. Base de datos sobre bertsolarismo» bdb.bertsozale.eus (Noiz kontsultatua: 2022-09-13).

Kanpo estekak

Bideoa: Nerea Elustondo, Emakumeak bertsolaritzan, garai batean eta gaur egun 2022.01.07

Nerea Elustondo BDB Bertsolaritzaren datu-basean.

Datuak: Q12264792

[:0-1] Elkartea, Xenpelar Dokumentazio Zentroa-Bertsozale. «Nerea Elustondo - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2022-09-12).

[2] (Gaztelaniaz) Elkartea, Xenpelar Dokumentazio Zentroa-Bertsozale. «Argi Berri Saria (3. 2000. Ordizia) - Aldizkakoa - BDB. Base de datos sobre bertsolarismo» bdb.bertsozale.eus (Noiz kontsultatua: 2024-10-10).

[3] «Nerea Elustondo izan zen Abra Sariketaren lehen txapelduna» bertsoa.eus (Noiz kontsultatua: 2024-10-10).

[:1-4] «nerea elustondo - Bing video» www.bing.com (Noiz kontsultatua: 2022-09-13).

[5] (Gaztelaniaz) «Argain Huroukoia, María - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2022-09-13).

[6] (Gaztelaniaz) Elkartea, Xenpelar Dokumentazio Zentroa-Bertsozale. «Aña Etxegarai - Biografías - BDB. Base de datos sobre bertsolarismo» bdb.bertsozale.eus (Noiz kontsultatua: 2022-09-13).

[1]

[2]

[3]

[4]

[5]

[6]