Nerea Ibarzabal

Wikipedia, Entziklopedia askea
Nerea Ibarzabal
Nerea Ibarzabal.jpg
Bizitza
JaiotzaMarkina-Xemein1994ko martxoaren 9a (28 urte)
Herrialdea Bizkaia, Euskal Herria
Hezkuntza
Hizkuntzakeuskara
gaztelania
Jarduerak
Jarduerakbertsolaria eta kazetaria
Jasotako sariak

Twitter: ibarnere Edit the value on Wikidata

Nerea Ibarzabal Salegi (Markina-Xemein, Bizkaia, 1994ko martxoaren 9a) bizkaitar bertsolaria, idazlea eta kazetaria da.[1] 2021eko Bizkaiko Bertsolari Txapelketako txapelduna izan zen.[2] 2022ko irailean, bere lehen nobela kaleratu du: Bar Gloria (Susa, 2022).[3]

Bizitza[aldatu | aldatu iturburu kodea]

Lehenengo bost urteak Zumarragan eman zituen. Gero familia aldatu zen Markinara, baserri batera. Hitzetik hortzera ikusiz, eta Lazkao Txikiren eta Pernando Amezketarraren marrazkiak ikusiz zaletu zen. Bere ama ere oso zalea izan da, eta amaren parteko familia guztia. Amarekin kotxean bertso-doinuak kantatuz eta elkarri puntuak jarriz hasi zen. Juanjo Respaldiza eta Iratxe Ibarrarekin jarraitu zuen Bertsozale Elkartean.[4]

Bere lehenengo saria jaso zuen 2012an Xabat Galletebeitiarekin Plazatik Gastetxera, 2013n Xenpelar Saria[5] eta 2014an bertsolari gazteen Osinalde Saria irabazi zituen.[6]

Ikasketaz kazetaria da, eta kolaborazioak egiten ditu hainbat mediotan: Bizkaiko Hitzan (2015-2019); Gaur 8 (2017-2019) eta 2019an Berrian (Bi Tarte atala, Txakur Gorriatik), Argian eta Euskadi Irratiko Faktoria saioan. Iritzi-emaile ibili izan da gehienbat.[7]

2016an Txakur Gorria sormen kolektiboa sortu zuen Mariñe Arbeo Astigarraga, Malen Amenabar Larrrañaga eta Ane Labaka Mayozekin. Autosorkuntza, autoedizio, autoekoizpenerako eratu duten sormen taldea da.[8] Hainbat argitalpen egiten dituzte eta gidoigintzan ere lan egiten dute: HItzetik hortzera (2018/2019, 2019/2020) ETB1ean[9] eta estreinatuko den web serieko gidoigile taldean (Kartzela).

Nereak gidoigintzan Atera kontuak programan lan egin zuen 2018an ETB1ean.[10]

2018an, Bizkaiko bertsolari txapelketan parte hartu zuen, eta bota zuen bertso bat birala bihurtu zen, Berri Txarrak-en abesti baten musika erabiltzeagatik.[11][12]

2021ean, Bizkaiko Bertsolari Txapelketa irabazi zuen, Bilboko Miribilla kiroldegian, Jone Uriarekin jokatu zuen buruz-burukoa. Txapela jantzi ondoren, bertso hau kantatu zuen:

Gure etxeko andre guztiak

nahi nituzke ohoratu

egoerarik gogorrenetan

ez direnak hondoratu

bizikideei, bertsokideei

bihotzetik bost olatu

badago nondik jasoa eta

badago zer geroratu

muga, kartzela, harresi, ibai…

galerak zelan kontatu

mbideak libre

ta pertsonak zokoratu

baina itzarrik eusten gaituzten

ideia horiei oratu

hormak higatu daitezkeelako

ta arrakalak loratu

Bertsolaritza[aldatu | aldatu iturburu kodea]

Txapelketak[aldatu | aldatu iturburu kodea]

Beste Batzuk[aldatu | aldatu iturburu kodea]

  • Akerbeltz gaztetxeko bertso saioa, taldeka
    • 2013 Joseba Artza, Lander San Martin eta Nerea Ibarzabal
    • 2014 Joseba Artza, Jokin Arbe eta Nerea Ibarzabal
  • Amalloko goizaldeko txapelketa (2012 eta 2015)
  • Plazatik  Gaztetxera, Xabat Galletebeitiarekin taldeka (2012)

Sariak[aldatu | aldatu iturburu kodea]

Lanak[aldatu | aldatu iturburu kodea]

Nobela[aldatu | aldatu iturburu kodea]

Erreferentziak[aldatu | aldatu iturburu kodea]

  1. Xenpelar Dokumentazio Zentroa. Nerea Ibarzabalen biografia bertsolaritzaren datu-basean. (Noiz kontsultatua: 2017ko irailaren 25ean).
  2. Bertsozale Elkartea. (2021-12-18). «Nerea Ibarzabal Bizkaiko Bertsolari Txapelketako txapeldun». (Noiz kontsultatua: 2021-12-18).
  3. a b Sarasola, Ainhoa. «'Bar Gloria' plazaratu du Nerea Ibarzabalek, bere lehen nobela» Berria (Noiz kontsultatua: 2022-09-14).
  4. ««Hilean behin biltzen gara emakume bertsolariak, elkarri laguntzeko»» El Diario Vasco 2017-10-14 (Noiz kontsultatua: 2019-10-29).
  5. «Nerea Ibarzabalek irabazi du Xenpelar Saria» bertsoa.eus (Noiz kontsultatua: 2019-10-29).
  6. Nerea Ibarzabal markinarrak irabazi du 42. Osinalde Bertso Sariketa
  7. «“Lehenengoz sumatu dut faborito izatearen zama”. Deia, Noticias de Bizkaia» Deia (Noiz kontsultatua: 2019-10-29).
  8. «Nor gara?Txakur Gorria» www.txakurgorria.eus (Noiz kontsultatua: 2019-10-29).
  9. (Gaztelaniaz) «Esta tarde comienza la nueva temporada de 'Hitzetik Hortzera'» Euskal Irrati Telebista (Noiz kontsultatua: 2019-10-29).
  10. «'Atera Kontuak' eguneroko erreportaje saioa, astelehenetik ostiralera, ETB1en» Euskal Irrati Telebista (Noiz kontsultatua: 2019-10-29).
  11. «Ibarzabalek bertsoa eta Berri Txarraken abesti bat fusionatu ditu finalean» www.eitb.eus (Noiz kontsultatua: 2019-08-25).
  12. (Gaztelaniaz) «Nerea Ibarzabal fusiona el bertso con una canción de Berri Txarrak» www.eitb.eus (Noiz kontsultatua: 2019-10-29).
  13. SL, TAI GABE DIGITALA. (2022-09-13). «Nerea Ibarzabalen ‘Bar Gloria’: Taberna barraren inguruan piztutako harremanak eta ametsak» naiz: (Noiz kontsultatua: 2022-09-14).
  14. Mikel, Reina(e)ko. (2022-09-13). «Nerea Ibarzabal markina-xemeindarrak 'Bar Gloria' bere lehen eleberria aurkeztu du» Lea-Artibai eta Mutrikuko Hitza (Noiz kontsultatua: 2022-09-14).

Kanpo estekak[aldatu | aldatu iturburu kodea]