Jone Uria
| Jone Uria | |
|---|---|
 | |
| Bizitza | |
| Jaiotza | Algorta, 1990eko apirilaren 28a (31 urte) |
| Herrialdea |
 Bizkaia, Euskal Herria |
| Hezkuntza | |
| Heziketa | Euskal Herriko Unibertsitatea |
| Hizkuntzak |
gaztelania euskara |
| Jarduerak | |
| Jarduerak | bertsolaria eta matematikaria |
Jone Uria Albizuri (Algorta, 1990eko apirilaren 28a) bertsolaria eta matematikaria da.
Bertsolaria[aldatu | aldatu iturburu kodea]
Algortako Bertsolari Eskolan (ALBE) trebatutako bertsolaria da. Bizkaiko Eskolartekoetan txapelduna izan zen txikietan zein nagusietan. 2008an, Ipar Uribeko txapeldunordea izan zen eta lehenengoz parte hartu zuen 2008ko Bizkaiko Bertsolari Txapelketan. Finalaurrekoetara iritsi zen orduan. 2009ko Bertsolari Txapelketa Nagusian finalaurrekoetako bigarren itzulira ere heldu zen. 2010ean, berriz, Uribe Kostako txapelduna bilakatu zen. Matematika ikasketak burutzen ditu egun. 2010ean, 2012an, 2014an eta 2016an Bizkaiko Bertsolari Txapelketako finalera heldu zen.
Matematikaria[aldatu | aldatu iturburu kodea]
Matematikan doktorea eta matematikazalea izanik,[1][2] bertsotara eraman du matematika dibulgazio mailan. Esaterako, bertso bat plazaratu zuen hainbat zenbakiren mediana kontzeptu estatistikoa nola kalkulatu behar den azaltzeko; edo koronabirusaren hedapenaren izaera esponentziala formula matematikoen bidez eta bertsotan 2020an azaldu zuenekoa.[3][4]
2019ko otsailetik berria egunkariko Arkupean iritzi-ataletik hainbat kontzeptu matematiko erabiltzen ditu aktualitateko gaiak lantzeko.[5] Berak nahiko luke gehiago eztabaidatuko balitz zientziaz, interes handiagoa balego berarekiko, saiakera gehiago egingo balira ulertzeko, presenteago balego eguneroko elkarrizketetan eta gauzak adierazteko moduetan. Bere helburua, denok konpartitzen dugun balizko kultura orokor horren barruan, zientziari daukan bolumena zentimetro kubiko batzuk zabaltzeko gai izatea da.[6]
Bertso-txapelketak[aldatu | aldatu iturburu kodea]
- Bertsolari Txapelketa Nagusia:
- Bizkaiko Txapelketa:
- Eskolartekoak:
- Euskal Herriko Eskolarteko Txapelketa
- Txapeldun ordea (2): 2004 (txikitan), 2008 (handitan)
- Bizkaiko Eskolarteko Txapelketa
- Txapelduna (2): 2007, 2008 (handitan)
- Euskal Herriko Eskolarteko Txapelketa
Sariak[aldatu | aldatu iturburu kodea]
- Abra saria (1): 2010
- Xenpelar saria (1): 2012
Erreferentziak[aldatu | aldatu iturburu kodea]
- ↑ (Ingelesez) Uria, Jone. (2017). Groups acting on regular rooted trees: congruence subgroup problem and portrait growth. UPV/EHU.
- ↑ (Ingelesez) Uria, Jone. (2020). Jone Uria - Research Gate. Research Gate.
- ↑ Uria, Jone. (2020). Pandemiaren zabalkuntzaren formula matematikoak bertsotan. Berria, Youtube.
- ↑ (Ingelesez) «Dealing with corona virus: Jone Uria sings an equation» www.metafilter.com Noiz kontsultatua: 2020-06-23.
- ↑ Uria Albizuri, Jone. «Jone Uria Albizuri» Berria Noiz kontsultatua: 2020-06-23.
- ↑ Uria Albizuri, Jone. «Kultura orokorrez» Berria Noiz kontsultatua: 2020-06-23.
Kanpo estekak[aldatu | aldatu iturburu kodea]
- Jone Uria Berria egunkariko kolaborazioak. Arkupean atala. Aktualitatea ikuspegi matematikoarekin (30tik gora artikulu)
- @joneurialbizuri kontua Twitter-ren
- Jone Uria 2008ko txapelketan.
| Autoritate kontrola |
|
|---|
Datuak: Q12260550