Bizkaiko Bertsolari Txapelketa

Wikipedia, Entziklopedia askea
Bizkaiko Bertsolari Txapelketa
Igor Elortza 2013ko Bertsolari Txapelketa Nagusian.jpg
Igor Elortzak bost txapelketa irabazi ditu.
Antolatzailea Euskal Herriko Bertsozale Elkartea
Lehen ekitaldia 1958
Txapel gehien Igor Elortza (5 txapel)
Azken txapelduna Onintza Enbeita (2018)

Bizkaiko Bertsolari Txapelketa bertsolaritzaren arloan probintziako ekimen nagusia da, bi urtetik behin antolatutakoa. Azken urteotan, eskualdeka egiten dituzte kanporaketak eta ondoren finala jokatzen da. Igor Elortza eta Jon Lopategi dira garaipen gehien lortu dituzten bertsolariak, bost eta lau txapelekin hurrenez hurren.

Bilbo izan da finalaren egoitza edizio gehien-gehienetan.

Historia[aldatu | aldatu iturburu kodea]

Euskaltzaindiak antolatu zuen lehenengo aldiz 1958an eta ardura hori hartu zuen zazpi urtez. 1966tik etenaldi luzea eduki zuen ekimenak 1987 arte, "Araba-Bizkaiko txapelketa" antolatu zutenean. Urte hartatik ere Bertsozale Elkartea sustatzaile nagusi bihurtu zen.

Azkenik, 2000. urtean probintzia bakoitzak bere bidea hartu zuen.

Eskualdeka[aldatu | aldatu iturburu kodea]

Historian zehar, probintzia mailan egiteaz gain, txapelketak eskualdeka ere antolatu izan dituzte:

Txapeldunak[aldatu | aldatu iturburu kodea]

Urtea Finala Txapelduna
1958 Bilbo Balendin Enbeita
1959 Bilbo Balendin Enbeita
1960 Bilbo Juan Mugartegi
1961 Bilbo Jon Azpillaga
1962 Bilbo Jon Lopategi
1964 Ondarroa Jon Lopategi
1966 Durango Jon Lopategi
1967-1986 ez jokatuak
1987* Bilbo Jon Lopategi
1990* Bilbo Jon Enbeita
1992* Bilbo Jon Enbeita
1994* Bilbo Unai Iturriaga
1996* Bilbo Unai Iturriaga
1998* Bilbo Igor Elortza
2000 Bilbo Igor Elortza
2002 Bilbo Igor Elortza
2004 Bilbo Igor Elortza
2006 Bilbo Xabier Paya[1]
2008 Barakaldo Igor Elortza[2]
2010 Barakaldo Arkaitz Estiballes[3]
2012 Bilbo Arkaitz Estiballes[4]
2014 Bilbo Fredi Paia[5]
2016 Bilbo Etxahun Lekue[6]
2018 Bilbo Onintza Enbeita[7]
2020 Kopla barik (Plateruena-Durango) Onintza Enbeita

1987 eta 1998 artean Araba-Bizkaiko Bertsolari Txapelketa jokatu zen.

2020ko bertso-zirkuitu berezia: "Kopla Barik"[aldatu | aldatu iturburu kodea]

COVID-19 pandemiaren erruz ezin izan zen 2020ko Bizkaiko Txapelketa jokatu. Horren ordez "Kopla barik" bertso-zirkuitua osatu zen[8] eta Onintza Enbeitak irabazi zuen[9]. Jaialdiak Mungia, Igorre, Durango eta Getxon (Algorta) izan ziren. Sariketa Durangon suertatu zen, Plateruena Kafe Antzokian. Berezitasun bat izan zuen saioak, sariketan, hainbat bertso eskolatako kideak aritu baitziren gai-jartzaile lanetan. Kopla Barik bertso zirkuitu bat izan zen, Bizkaiko Bertsolari Txapelketa ordezkatu zuena, txapelketarik antolatu ezin izan zen urte zail batean. Besteak beste, hainbat helburu edo xede zituen "Kopla Barik"-ek: Formatu ezberdin batzuk ezagutaraztea (bertso-saio musikatua, bertso-trama, bertso-sariketa eta bertso-jaialdia) eta bertsolari eta zaleei agendan beste hitzordu bat txertatzea.

Mungiako Olalde aretoan, bertso-saio musikatuan, Aitor Bizkarra, Arrate Illaro, Ibon Ajuriagojeaskoa, Etxahun Lekue, Malen Amenabar eta Nerea Ibarzabal aritu ziren. Musikari lanetarako, Ixak Arruti eta Eneko Sierra gonbidatu zituzten; eta, gai-jartzaile lanak, Idoia Anzorandiak egin zituen.

Igorreko Lasarte aretoan egindako bertso-traman, Eneko Abasolo 'Abarkas', Jone Uria, Julen Arzunegi, Miren Amuriza, Txaber Altube eta Unai Mendiburu aritu ziren bertsotan; eta, gaiak jartzen, Aitor Etxebarriazarraga, Aitor Galarza eta Koldo Gezuraga izan ziren arduradunak.

Durangoko sariketari dagokionez, Ander Elortegi, Imanol Uria, Itxaso Paia, Irune Basagoiti, Oihana Bartra, Onintza Enbeita eta Xabat Galletebeitiak jardun zuten bertsotan; eta, gai-jartzen, Paule Ixiar Loizaga eta Beñat Vidal.

Bukatzeko, Bizkaiko Bertsolari Txapeldunen Jaialdia izan zen burutzen azkena, Muxikebarri antzokian. Bertsolari gisa Arkaitz Estiballes, Fredi Paia, Igor Elortza, Jon Enbeita, Onintza Enbeita, Unai Iturriaga eta Xabi Paia. Gaiak jartzen: Begoñe Olabarrieta.

Palmaresa[aldatu | aldatu iturburu kodea]

Bertsolaria Txapelak Urteak
Igor Elortza 5 1998, 2000, 2002, 2004, 2008
Jon Lopategi 4 1962, 1964, 1966, 1987
Balendin Enbeita 2 1958, 1959
Jon Enbeita 2 1990, 1992
Unai Iturriaga 2 1994, 1996
Arkaitz Estiballes 2 2010, 2012
Juan Mugartegi 1 1960
Jon Azpillaga 1 1961
Xabier Paya 1 2006
Fredi Paia 1 2014
Etxahun Lekue 1 2016
Onintza Enbeita 1 2018

Erreferentziak[aldatu | aldatu iturburu kodea]

  1. «Xabier Paia Bizkaiko Bertsolari Txapelketako txapeldun barria | Kontaizu» www.kontaizu.eus Noiz kontsultatua: 2020-11-29.
  2. «Igor Elortza txapeldun!» bizkaie.biz Noiz kontsultatua: 2020-11-29.
  3. «Arkaitz Estiballes Bizkaiko txapeldun, eta Lekue bigarren» bertsoa.eus Noiz kontsultatua: 2020-11-29.
  4. Susaeta, Igor. «Arkaitz Estiballes Bizkaiko txapeldun, bigarrenez jarraian» Berria Noiz kontsultatua: 2020-11-29.
  5. Susaeta, Igor. «Fredi Paia, txapeldun» Berria Noiz kontsultatua: 2020-11-29.
  6. «Etxahun Lekue txapeldun» bertsoa.eus Noiz kontsultatua: 2020-11-29.
  7. «Onintza Enbeita txapeldun» Argia Noiz kontsultatua: 2020-11-29.
  8. SL, TAI GABE DIGITALA. (2020-10-20). «Txapelketaren ordez, ‘Kopla barik’ bertso zirkuitua antolatu du Bizkaiko Bertsolari Elkarteak» naiz: Noiz kontsultatua: 2020-11-29.
  9. «https://twitter.com/bbertsozale/status/1332771996485246979» Twitter Noiz kontsultatua: 2020-11-29.

Kanpo estekak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Bizkaiko Bertsolari Txapelketa