Nut

Wikipedia(e)tik
Hona jauzi: nabigazioa, Bilatu

Nut edo Nuit "Jainkoak erditu zituen Handia", zeruaren jainkosa da, unibertsoa eta argizagien sortzailea, egiptoar mitologiaren arabera.

Nut, gorputza, zeru ganga eran bihurtua duelarik (urdinez). Estela Louvreko Museoan.
  • Izen egiptoarra: Nut. Izen greziarra: Nut. Jainkosa greziarra: Rea

Ikonografia[aldatu | aldatu iturburu kodea]

Emakume biluzi baten moduan irudikatzen zen, gorputza zeru ganga gisakoa zuena, izarrez estalia; batzuetan, ordea, behi baten moduan (Mehet-Urt) halaber, edo haren senar Geben (Lurra) gainean eta euren aita Shu (Airea), biak banatzen saiatzen (mitoaren irudikapen grafikoa). Buruan ur pitxer bat zeraman emakumearen gisan ere irudikatua izan zen. Haren gorputzadarrek zeruari eusten zioten lau zutabeak sinbolizatzen zituzten.

Mitologia[aldatu | aldatu iturburu kodea]

Egunero, Eguzkiak Nuten gorputzaren gainean bidaia egin ondoren, jainkosak irentsi egiten zuen eta biharamunean erdi.

Shu eta Tefnuten alaba haren anaia Geben emaztea eta Osiris, Isis, Seth, Neftis eta Horus Zaharra jainkoen ama, egun epagomenoetan jaio zirenak. Heliopolisen, Ra eguzki jainkoaren ama zen, eta behi batekin identifikatzen zen (Mehet-Urt).

Hildakoak berpizteko ahalmena zuen. Sarkofagoe kanpoaldean, hildakoa hgeal irekiekin irudikatzen zen; barnean, aldiz, besoak altxata zeuzkan emakumearen itxura zuen, Beste munduan berpizten laguntzen, edo zeruaren irudikapen gisa.

Bizilekua sikomoro pikondo bat zuen Heliopolisen, eta haren adarrak nekatutako arimen babesleku ziren. Tradizioaren arabera, Maria Ama Birjinak Egiptora bidaia egin zuenean, atseden hartzeko erabili zuen sikomoro bera zen.

Nut Shu eta Gebekin

Gurtza[aldatu | aldatu iturburu kodea]

Jatorria Heliopolisen zuen jainkosak. Menfisen eta Denderan ere izan zituen santutegiak.

Wikimedia Commonsen badira fitxategi gehiago, gai hau dutenak: Nut Aldatu lotura Wikidatan