Sarkofago

Wikipedia(e)tik
Hona jo: nabigazioa, Bilatu
Merenptah faraoiaren harrizko sarkofagoa.
Tutankamon faraoiaren sarkofagoa (Egiptoar Museoa, Kairo

Sarkofagoa gorpu bat edukitzeko ontzi edo kutxa da, sarrien harrizkoa. Hitza latinezko sarcophagusetik dator eta hau grezierazko σαρκοφάγος hitzetik (σαρκο-φάγος, "haragijalea").

Izenaren azalpena, Eratostenesekin agertzen da, eta Plinio Zaharrak biltzen du. Diotenez, greziarrek, oso porotsua zen kareharri mota batez egiten zituztelako zen, Troadeko Assoseko harrobietatik zetozen harriak, denbora gutxian, gorpuak kontsumitzen zituena.

Nabarmentzekoak dira Antzinako Egiptoko giza itxurako sarkofagoak, harriz, urrez edo zur polikromatuan eginak. Ezagunena, XVIII. dinastiako faraoia izan zen Tutankamon gaztearena da, Howard Carterrek Erregeen Haranean aurkitua, Tebas parean.

Sarkofagoak, mastaba, piramide, hipogeo eta beste eraikin edo hilobi mota batzuetan uzten ziren.

Etrurian, K. a. III. mendean eta K. a. II. mendean, terrakotazko sarkofagoak egin ziren

Sarkofagoak Euskal Herrian[aldatu | aldatu iturburu kodea]

Eskoriatzako Bolibar elizateko Eraña auzoan, auzo honetako San Andres Ermitaren ondoan, bi harrizko sarkofago aurkitu ziren.

Beste erabilerak[aldatu | aldatu iturburu kodea]

Sarkofago, Txernobilgo Zentral Nuklearraren inguruan egindako zementuzko egitura handiari deritzo, ingurutik bakartzeko eraikia Txernobilgo hondamendiaren ostean.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Sarkofago Aldatu lotura Wikidatan