Oiartzungo geltokia

Wikipedia, Entziklopedia askea
Jump to navigation Jump to search

Koordenatuak: 43° 18′ 31″ N, 1° 52′ 47″ W / 43.308611°N,1.879630°W / 43.308611; -1.879630

Infobox train2.png
Oiartzun
Irudi gabe eraikina.svg
Kokapen mapa
Lineak

« Fanderia Euskotren Trena Logo.svg Euskotren E2.svg  Gaintxurizketa »
Kokapena
Helbidea Uretxe poligonoa, 1; 20180
Udalerria Oiartzun,  Gipuzkoa
Geltokiaren datuak
Gunea 7. gunea
Irekiera 2011ko martxoaren 5a
Irisgarria Geltoki irisgarria 
Zerbitzuak Aiga elevator inv.svg Itxaron gela Txarteldegi automatikoak Pertsonaldun txarteldegia 
Aldageltokia Trena Autobusa Taxi 
Nasa kopurua 1
Trenbide kopurua 2
Jabea Euskal Trenbide Sarea
Eragilea(k) Eusko Trenbideak
Garraio zerbitzuak
Euskotren E2  Lasarte-Oria - Hendaia
Lurraldebus E02  Oiartzun - Donostia
E04  Oiartzun – Donostia (A8 Ibaeta/Antiguo/Amara)
E72  Oiartzun - Donostia (Gautxori)
Bestelakoak Autobusa  Errenteriako Urbanoa
U22  Morrongilleta - Lartzabal
Taxi  Taxi

Oiartzun Euskotrenen E2 (Topo) lineari dagokion lurgaineko tren geltokia da, izen bereko udalerriko Arragua auzoan kokatuta dagoena. Gaur egungo geltokia Fanderiako geltokiarekin batera inauguratu zen 2011ko martxoaren 5ean,[1] jatorrizko geltokia ordeztuz, eta Mugi sistemaren 7. tarifa-gunearen parte da.

Kokapena[aldatu | aldatu iturburu kodea]

Trenbide kokapenari erreparatuz, geltokia zabalera metrikoa (1.000 mm) duen Donostia-Hendaia trenbidearen parte da, 11,200. puntu kilometrikoan kokatuta.[2]

Sarbideak[aldatu | aldatu iturburu kodea]

Sarbide bakarreko geltokia da, Arragua auzoa zeharkatzen duen trenbide biaduktuaren behean bestibulua dagoela, Lartzabal etxadia eta Uretxe poligonoaren inguruan.

  • Arrapala bidezko sarbidea Sarbide irisgarria Lartzabal etxadia / Uretxe poligonoa

Geltokia[aldatu | aldatu iturburu kodea]

Geltoki berria 2011ko martxoaren 5ean jarri zen martxan, jatorrizkoa ordeztuz. Geltoki berriaren ezaugarri nagusietakoak beirate handiak, diseinu diafanoa eta eraikuntzaren ezaugarri bereziak dira. Arragua inguruan eraikia, trenbidearen trazaduraren bi aldeetan dauden hiriguneen arteko lotura eta ingurune horren egokitzapena bultzatu zuen proiektu baten barruan eraiki zen. Hala, geltoki berriaren eraikuntza lanekin batera 1.550 metro luzerako trenbide bikoizketa egin zen Fanderia-Oiartzun trenbide tartean, eta geltokiaren ingurua urbanizatu zen.

Geltokia biaduktuan eraikita dago, nasa zentral bakarra eta bi trenbide ditu. Horri esker, trenbide pasagune bat kendu ahal izan da. Biaduktuaren azpian geltokira sarbide bestibulua dago. Bestibuluak txarteldegiak eta balioztatze-makinak jasotzen ditu, eta goi mailan dagoen nasara igotzeko eskailerak eta igogailua ditu.

Geltokiaren ingurunearen jarduketa osatzeko trenbidearen bi aldeen arteko lotura errazten duten bideak urbanizatu dira eta parke bat eraiki da, ibilgailuak aparkatzeko gune zabalak utziz. Oinezkoei zuzenduriko hainbat ibilbide eta aisigune ere sortu dira.[3]

Lanak burutzeko aurrekontua 35 milioi eurokoa izan zen, horietatik Oiartzungo Udalak 3,6 milioi ordaindu zituela, Euskal Trenbide Sarearekin sinaturiko hitzarmenaren ondoren. Lanak 39 hilabetetan egin ziren.[4]

Loturak[aldatu | aldatu iturburu kodea]

Geltokitik 150 metrora Errenteriako Urbanoak eta Lurraldebus zerbitzuak hornitzen dituzten autobus geralekuak daude.


Erreferentziak[aldatu | aldatu iturburu kodea]

  1. Eusko Jaurlaritza «Oiartzunek eta Errenteriak geltoki berriak dituzte» . Noiz kontsultatua: 2013-10-19.
  2. (Gaztelaniaz) «Spanish Railway » Blog Archive » Ferrocarril Eléctrico de San Sebastián a la frontera (Ferrocarril de San Sebastián a Hendaya- El Topo)» www.spanishrailway.com . Noiz kontsultatua: 2018-11-24.
  3. Eusko Jaurlaritza «Oiartzunek eta Errenteriak geltoki berriak dituzte» . Noiz kontsultatua: 2013-10-19.
  4. (Gaztelaniaz) FYSEG «Desdoblamiento Fandería – Oiartzun | FYSEG» www.fyseg.com . Noiz kontsultatua: 2018-11-25.

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]