Olaf Stapledon

Olaf Stapledon
	; Irudi gehiago
Bizitza
Jaiotza	Seacombe (en) eta Wallasey, 1886ko maiatzaren 10a
Herrialdea	Erresuma Batua ; Britainia Handia eta Irlandako Erresuma Batua 1927ko apirilaren 12a)
Lehen hizkuntza	ingelesa
Heriotza	Caldy, 1950eko irailaren 6a (64 urte)
Heriotza modua	berezko heriotza: miokardio infartu akutua
Familia
Aita	William Clibbert Stapeldon
Ama	Emmeline Miller
Hezkuntza
Heziketa	Balliol College ; Liverpoolgo Unibertsitatea ; Abbotsholme School (en)
Hizkuntzak	Ingeles britainiarra; ingelesa
Jarduerak
Jarduerak	paramedic (en) , filosofoa, idazlea, zientzia-fikzioko idazlea eta bakearen aldeko aktibista
Enplegatzailea(k)	Liverpoolgo Unibertsitatea
Lan nabarmenak	ikusi Star Maker (en) ; Last and First Men (en) ; Odd John (en) ;
Jasotako sariak	ikusi Science Fiction and Fantasy Hall of Fame (2014) ; Cordwainer Smith Rediscovery Award (2001) ;

Olaf Stapledon (Wirral penintsula, Liverpool ondoan, Ingalaterra, 1886ko maiatzaren 10a - Chesire, Ingalaterra, 1950eko irailaren 6a) ingeles eleberrigilea izan zen.

Biografia

Gaztetan lanbide anitz ezagutu zituen. Eskola-maisu izateko ikasketak egin zituen. Bakezalea izanik, Lehen Mundu Gerra anbulantzia-zerbitzuan eman zuen. Filosofia eta Psikologia ikasi zituen Liverpooleko Unibertsitatean, baita etika- eta filosofia-obrak argitaratu ere, hala nola A Modern Theory of Ethics (1932, "Etikaren teoria modernoa").

Alabaina, Stapledonen fikziozko obra da ezagunena. 1930ean lehen eleberria argitaratu zuen: Last and First Men ("Azken eta lehen gizakiak"); denbora-espazioari, epopeiari eta zibilizazioei buruzko gogaketa. Zientzia-fikzioaren ildo berekoak dira The Last Men in London (1932, "Londresko azken gizakiak"); Odd John (1935, "John bitxia"); Star Maker (1937, "Izargilea"). Obra horiek ukaezinezko eragina izan dute geroztikako zientzia-fikzioan. Haietan, funtsezko zenbait gai agertzen dira behin eta berriro: komunikazioaren zailtasuna, ulertezintasuna, bakardadea, ni-aren batasun hauskorra.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q337373
Multimedia: Olaf Stapledon / Q337373