Ossip Zadkine
Ossip Zadkine[1] (errusieraz: Осип Цадкин; Smolensk, 1890eko uztailaren 4a - Paris, 1967ko azaroaren 25a) frantses eskultorea izan zen, jatorriz bielorrusiarra. Parisen eta Londresen egin zituen Arte ikasketak. Parisen, abangoardiako artistekin harremanetan sartu zen (Chagall, Brâncuşi, Picasso); Kubismo joerako kidea izan zen. 1921-1925. urte bitartean Afrikako arte beltzaren eraginpean, zura eta harria lantzeari ekin zion. 1930. urte inguruan, forma barrokoagoak erabiltzen hasi zen, sinbolismo eta lirismo handiagoz.
Zadkinerenak dira, besteak beste: Gitarrista (1921); Orfeo gaia hartuta egindako bi pieza (1934, zurez, eta 1949, brontzez); Rotterdamen dagoen Hiri birrinduari omenaldia (1947), eta Van Gogh-i omenaldia Auvers-sur-Oise-n (1956).
Erreferentziak[aldatu | aldatu iturburu kodea]
 |
Wikimedia Commonsen badira fitxategi gehiago, gai hau dutenak: Ossip Zadkine  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
