Patxi Goenaga

Patxi Goenaga
	; (2016) Irudi gehiago
Bizitza
Jaiotza	Azpeitia, 1948ko maiatzaren 5a (76 urte)
Herrialdea	Gipuzkoa, Euskal Herria
Hezkuntza
Heziketa	Deustuko Unibertsitatea
Tesi zuzendaria	Koldo Mitxelena
Doktorego ikaslea(k)	Orreaga Ibarra; Itziar Aduriz Agirre; Izaskun Aldezabal Roteta; Antxon Marbaiza; Jose Luis Erdozia
Hizkuntzak	euskara; gaztelania
Jarduerak
Jarduerak	hizkuntzalaria eta unibertsitateko irakaslea
Enplegatzailea(k)	Euskal Herriko Unibertsitatea
Jasotako sariak	ikusi Resurrección Maria Azkue saria (1984) ;
Kidetza	Euskaltzaindia

Patxi Goenaga Mendizabal (Azpeitia, Gipuzkoa, 1948ko maiatzaren 5a) hizkuntzalaria, irakaslea eta euskaltzain emeritua da^[1].

Bizitza

Filosofia eta Letretako lizentzia eskuratu zuen Deustuko Unibertsitatean. EHUko Filologia Fakultateko dekanoa izan ondoren, urtetan irakasle ibili da unibertsitate horretan bertan.

1984an Euskal sintaxia: konplementazioa eta nominalizazioa izenburuko doktorego-tesia aurkeztu zuen Koldo Mitxelenaren zuzendaritzapean.^[2]

1995ean euskaltzain oso aukeratu zuten, eta Euskaltzaindiko hainbat lan-batzordetako partaide da, baita Akademiaren idazkari eta Arabako ordezkari ere.

Gramatikaren eta batez ere sintaxiaren arloak landu ditu. Goenagaren lanik ezagunena Gramatika bideetan da.

EGEO gramatika

Patxi Goenagak idatzitako EGEO gramatika Beatriz Fernandezek editatu eta 2023an argitaratu zuten. EGEO gramatikak (Euskal gramatika: egiturak eta osagaiak) hizkuntza deskribatu arren, arazo teorikoei ere muzin egiten ez dien gramatika bat da; euskararen datuak gogoeta teorikoarekin tartekatzen dituena. EGEOk atarikoaz gain, hamar kapitulu ditu, hizkuntzaren osagai nagusiak eta osagaiok sortarazten dituzten egiturak arakatzen dituena: ^[3]

Atarikoa
Perpausa
Izena eta izen sintagma
Adjektiboa eta adjektibo sintagma
Zenbatzailea eta zenbatzaile sintagma
Determinatzailea eta determinatzaile sintagma
Izen predikatua
Egiturazko kasuak
Adposizioa eta adposizio sintagma
Aditza eta aditz sintagma
Aditz jokatua eta aditz jokoa

EGEO bereziki lagungarria da euskal gramatikan trebatzen hasia den unibertsitateko ikaslearentzat, irakaslearentzat eta hizkuntzaren osagaiez eta egiturez jakin-mina duen edozein irakurlearentzat.^[3]

Sariak eta errekonozimenduak

1984: Resurrección Maria Azkue saria euskarazko ikerlanetarako. Bilboko Aurrezki Kutxa.
Koldo Mitxelenaren zuhaitz akademikoan Patxi Goenaga eta berak zuzendutako hiru doktore-tesi (ez daude denak irudian).^[4]
^[5]

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Euskaltzaindia. (2023-05-26). «Patxi Goenaga euskaltzaina emeritu bilakatu da» www.euskaltzaindia.eus (Noiz kontsultatua: 2023-05-29).
↑ Goenaga Mendizabal, Patxi. «Euskal sintaxia: konplementazioa eta nominalizazioa» (PDF) Tesiker, Euskarazko doktorego-tesiak (Noiz kontsultatua: 2019-12-20).^{[Betiko hautsitako esteka]}
↑ ^a ^b Goenaga, Patxi; Fernández, Beatriz. (2022-12-20). Euskal Gramatika: Egiturak eta Osagaiak. UPV/EHUko Argitalpen Zerbitzua ISBN 978-84-1319-361-8. (Noiz kontsultatua: 2023-05-02).
↑ Mitxelena, Koldo. (2022). «Scholia, zuhaitz akademikoa» Scholia (Noiz kontsultatua: 2022-10-18).
↑ Artetxe, Karmele 1976-. (2011). Euskara unibertsitatera bidean : eragileak eta proiektuak (1939-1990). Udako Euskal Unibertsitatea ISBN 978-84-8438-374-1. PMC 907050485. (Noiz kontsultatua: 2020-03-27).

Datuak: Q3370190
Multimedia: Patxi Goenaga / Q3370190

[1] Euskaltzaindia. (2023-05-26). «Patxi Goenaga euskaltzaina emeritu bilakatu da» www.euskaltzaindia.eus (Noiz kontsultatua: 2023-05-29).

[2] Goenaga Mendizabal, Patxi. «Euskal sintaxia: konplementazioa eta nominalizazioa» (PDF) Tesiker, Euskarazko doktorego-tesiak (Noiz kontsultatua: 2019-12-20).^{[Betiko hautsitako esteka]}

[:0-3] Goenaga, Patxi; Fernández, Beatriz. (2022-12-20). Euskal Gramatika: Egiturak eta Osagaiak. UPV/EHUko Argitalpen Zerbitzua ISBN 978-84-1319-361-8. (Noiz kontsultatua: 2023-05-02).

[4] Mitxelena, Koldo. (2022). «Scholia, zuhaitz akademikoa» Scholia (Noiz kontsultatua: 2022-10-18).

[5] Artetxe, Karmele 1976-. (2011). Euskara unibertsitatera bidean : eragileak eta proiektuak (1939-1990). Udako Euskal Unibertsitatea ISBN 978-84-8438-374-1. PMC 907050485. (Noiz kontsultatua: 2020-03-27).

[1]

[2]

[3]

[4]

[5]