Pepita Sanz

Aldatu loturak
Wikipedia, Entziklopedia askea
Pepita Sanz

Bizitza
JaiotzaToledo, 1881
Herrialdea Espainia
HeriotzaBartzelona, 1928 (46/47 urte)
Jarduerak
Jarduerakopera abeslaria
Ahots motasopranoa

Josefa Sanz Batista, izen artistikoa Pepita Sanz (Toledo, 1881 – Bartzelona, 1928ko maiatzaren 31) nafar abeslari lirikoa izan zen.

Bizitza[aldatu | aldatu iturburu kodea]

Josefa Sanz Batista Toledon jaio zen 1881ean. Mariano Sanz Escartín atarrabiar militarra­ren eta Maria Luz Batis­ta y Ribero kubatarraren alaba zen, eta Cesáreo Sanz Escartínen iloba. Haurtzaroa Lizarran igaro zuen, aita bertara igorri baitzuten. Nafarroan hasi zituen kantu ikasketak, eta Madrilgo Goi Mailako Errege-Musika Kontserbatorioan jarraitu.[1] Ondoren Parisera joan zen Antonio Baldellirekin ikastera.[2]

1903an egin zuen debuta, Brescian, Vincenzo Belliniren La sonnambula operarekin.[2] Ondoren, Milango Teatro Liricon eta Nizako Palais de la Jetéen aurkeztu zen, Gioachino Rossiniren Sevillako bizargina abestuz.[3] 1905ean, Alessandro Boncirekin kantatu zuen Londresko Covent Gardenen, arrakasta handia bilduz.[4][5] Porton eta Lisboan ere oso harrera beroa jaso zuen, baina bolada batez agertokiak alde batera utzi zituen, ama gaixotu eta zaintzera joan baitzen.[2]

1901eko, 1905eko eta 1907ko Sanferminetan Gaiarre antzokian kantatu zuen; Pablo Sarasate, Santa Cecilia orkestra, Orfeón Pamplonés, Pilar Mitxelena harpa jotzailea eta Santos Laspiur pianista izan zituen lagun. 1913an, Mirentxu operaren paper nagusia abestu zuen Bartzelonako Liceun Bilboko Koral Elkartearekin.[6]

Erreferentziak[aldatu | aldatu iturburu kodea]

  1. ↑ Leache, Elena. Mujeres que la historia no nombró: Josefa Sanz Batista. pamplona.es (Noiz kontsultatua: 2022-06-30).
  2. ↑ a b c La "Gilda" de mañana. La Correspondencia de España, 1912-1-14, 5. orrialdea, hemerotecadigital.bne.es (Noiz kontsultatua: 2022-7-1).
  3. ↑ Female Vocal 78rpm Records: 0666 - 1085. norpete.com (Noiz kontsultatua: 2022-7-2).
  4. ↑ New-York tribune. [volume (New York [N.Y.]), 11 June 1905. ] Chronicling America: Historic American Newspapers. Lib. of Congress, chroniclingamerica.loc.gov (Noiz kontsultatua: 2022-7-2).
  5. ↑ La srta Sanz Escartin. La Correspondencia de España, 1911-6-9, 1. orrialdea, hemerotecadigital.bne.es (Noiz kontsultatua: 2022-7-1).
  6. ↑ Sánchez Ekiza, Karlos. Sanz Batista, Josefa. Enciclopedia Auñamendi [on line], 2022, aunamendi.eusko-ikaskuntza.eus (Noiz kontsultatua: 2022-7-1).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Pepita_Sanz&oldid=8986590"(e)tik eskuratuta