Pica-pau

Pica-pau Portugalgo gastronomian ezaguna den zizka-mizka platera da. Nagusiki, behi edo txerri haragiarekin eta ozpinetakoarekin prestatzen den errezeta da. Portugeses "Pica-pau"-k, okila esan nahi du, uste da izen hau duela garai batean txotxekin jaten zelako.

ERREZETA

MAHAIKIDEAK: 4 OSAGAIAK

OSAGAIAK

• Behiki edo txerriki haragia: 500 g karratuetan.

• Baratxuria: 4.

• Piripíri pipermina: 1.

• Erramua: 2 hosto.

• Oliba olio birjina: 100 ml.

• Ardo zuria: 100 ml.

• Ozpinetakoak: Aza-lorea, azenarioa, luzokerra, olibak.
• Perrexila: Xehatua edertzeko.

PRESTAKETA

• Haragia zatitu, gehitu gatza, erramua eta pipermina.

• Zartagin batean eta olio beroarekin salteatu haragi zatiak.

• Ardo zuria gehitu, gutxitu sua eta saltsa murrizten utzi.

• Saltsa erdira murriztutakoan, sua itzali eta ozpinetakoekin nahasi.

• Aurkeztu perrexila xehatu pitin batekin.

OHARRA

• Normaletan mahaikide guziek plater berdinetik jaten dute. Garai batean zotzekin jateko ohitura zegoen.

• Piripí pipermina lortzerik ez badugu beste edozein pipermin erabili daiteke.