Rockall

Rockall
Datu orokorrak
Garaiera	23 m
Mota	haitza
Luzera	0,031 km
Zabalera	0,0253 km
Azalera	0,0007843 km²
Geografia
Koordenatuak	57°35′47″N 13°41′14″W
UTC ordua	UTC±00:00
Estatu burujabe	Erresuma Batua
Herrialdea	Eskozia
Uhartedi	Kanpoko Hebridak
Ur-gorputza	Ozeano Atlantikoa
Leku geografikoa	Ipar Ozeano Atlantikoa

Rockall Ipar Atlantikoko irla txiki eta arrokatsua da. Haitza desagertutako sumendi baten zatia da. 25 metroko zabalera du oinarrian eta 22 metrotako altura itsas mailatik. Behin-betiko biztanle bakarrak mangolinoak eta bestelako moluskuak dira. Itsas hegazti gutxi batzuek, hala nola kaioek, martinek eta zangek udan atseden hartzeko erabiltzen dute.

Ezinezkoa da bertan bizitzea. Ez dago ur iturri naturalik.

Rockall.

Kokapena

Eskoziako St Kilda biztanlerik gabeko irlatik 301,4 kilometro mendebaldera dago eta North Uist irlako Hogha Gearraidh herrixkatik 368,7 kilometrora. Irlandako Errepublikako Donegaletik 424 kilometro ipar-mendebaldera dago.

Estatuen aldarrikapenak

Rockall uhartearen gaineko burujabetza Erresuma Batuak, Irlandako Errepublikak, Islandiak eta Faroe Uharteek/Danimarkak aldarrikatzen dute.

Erresuma Batuaren aldarrikapenak

1955eko irailaren 18an, Desmond Scott britaniar teniente-komandanteak uhartea Erresuma Batuari atxiki zion ofizialki. Hiru soldadu helikoptero bidez uhartera iritsi ziren, eta bertan Erresuma Batuko bandera ipini zuten. 1972an Erresuma Batuak uhartea Invernessko konderriari (Eskozia) atxiki zion. 1973tik aurrera Kanpoko Hebriden parte da.

Literaturan

Rockall sarritan agertzen da Kirmen Uriberen Bilbao-New York-Bilbao eleberrian, Ondarroako arrantzaleen arrantzaleku.

Ikus gainera

• Rocabarraigh
• Rockall Arroa

Kanpo estekak

• Rockall uhartearen inguruko historia eta datuak (Ingelesez)

• Datuak: Q206137
• Multimedia: Rockall / Q206137