Saioa Alkaiza

Wikipedia, Entziklopedia askea
Saioa Alkaiza
Saioa Alkaiza. Bertsolaria.jpg
Bizitza
JaiotzaIruñea1991ko urtarrilaren 17a (31 urte)
Herrialdea Nafarroa Garaia, Euskal Herria
Hezkuntza
Hizkuntzakeuskara
gaztelania
Jarduerak
Jarduerakbertsolaria eta kazetaria
Enplegatzailea(k)Berria
Hitza (egunkaria)
Euskalerria irratia

Saioa Alkaiza Guallar (Iruñea, Nafarroa Garaia, 1991ko urtarrilaren 17a) nafar bertsolaria da, Nafarroako hainbat bertso eskolatan ibilitakoa, hamaika plazatan parte hartutakoa, baita Nafarroako Bertsolari Txapelketan ere.[1] 2021eko Nafarroako Bertsolari Txapelketa irabazi zuen.[2] Hala ere, inoiz aitortu duenez, txapelketak gehiegi asetu ez eta bestelako saioak bilatu izan ditu. Adibidez, "Zortziko Maldiko" ekimenaren antolatzailetako bat izan da.[3]

Saioa Alkaiza bertsolaria 2021eko Nafarroako bertsolari txapelduna

Kazetaritzan lizentziatua, kazetari aritu da hainbat hedabidetan: BERRIA,[4] Nafarroako HITZA, Euskalerria irratia... Irrati horretako Sanfermintza saioan egindako elkarrizketa batek eman zion Saioari genero berdintasunaren kazetaritza saria (Kazetaritza Praktika Onen saria Iruñeko Udaleko Berdintasun alorrak emandakoa).[5]

Bestalde, 2020an, lan idatziengatik aitortza jasotzen hasi da. Hasteko, Iruñeko I. Bertso paper lehiaketa irabazi zuen.[6] Hori gutxi balitz bezala, bere izena bi aldiz ageri da Iruñeko Udalak antolatzen duen egile berriendako euskarazko literatur lehiaketako sarituen zerrendan.[7] Lehenbiziko saria lortu du narrazio modalitatean, Ez dago hondoratzerik lanarengatik; bigarrena, berriz, poesiakoan, Helduaroaren bezperan lanarekin.

Bertsolari Txapelketak[aldatu | aldatu iturburu kodea]

Sariak eta errekonozimenduak[aldatu | aldatu iturburu kodea]

  • 2021: Txapelduna Nafarroako ertsolari Txapelketan
    Korrika 2022 (2022-04-02)
  • 2020: Kazetaritza Praktika Onen saria Iruñeko Udaleko Berdintasun alorrak ematen duena. Genero berdintasunaren kazetaritza saria.[5]
  • 2020: Iruñeko I. Bertso paper lehiaketa irabazi zuen.[6]
  • Egile berriendako euskarazko literatur saria narrazio modalitatean, Ez dago hondoratzerik lanarengatik.[7]
  • Egile berriendako euskarazko literatur saria poesia modalitatean, Helduaroaren bezperan lanarekin.[7]

Erreferentziak[aldatu | aldatu iturburu kodea]

  1. Elkartea, Xenpelar Dokumentazio Zentroa-Bertsozale. «Saioa Alkaiza - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2021-01-12).
  2. «"Heroismoak gehiago konektatzen zuen garai batean, baina niri populista egiten zait"» Argia (Noiz kontsultatua: 2021-12-17).
  3. «Saioa Alkaiza: "Esperimentatzeko tokia izanen da Zortziko Maldiko" - Iruñerria» euskalerriairratia.eus (Noiz kontsultatua: 2021-01-12).
  4. Guallar, Saioa Alkaiza. «Saioa Alkaiza Guallar» Berria (Noiz kontsultatua: 2021-01-12).
  5. a b «Euskalerria Irratiko Saioa Alkaizarentzat, genero berdintasunaren kazetaritza saria - Iruñea» euskalerriairratia.eus (Noiz kontsultatua: 2021-01-12).
  6. a b «Ekhi Rojok, Beñat Astizek eta Saioa Alkaizak irabazi dute Iruñeko I. bertsopaper lehiaketa - Iruñea» euskalerriairratia.eus (Noiz kontsultatua: 2021-01-12).
  7. a b c Gorraiz, Uxue Rey. ««Eguneroko gauza txikiek eginak gara»» Berria (Noiz kontsultatua: 2021-01-12).

Kanpo estekak[aldatu | aldatu iturburu kodea]