Seleuko I.a Nikator

Wikipedia(e)tik
Hona jo: nabigazioa, Bilatu

Seleuko I.a, Nikator, garailea deitua (Europus, Mazedonia, K. a. 358- Lisimakia, Trazia, K. a. 280) diadoko deiturikoetako azkena izan zen. Babilonian eta Sirian gobernatu zuen K. a. 305 eta K. a. 280 bitartean. Seleuzidar dinastia eta Seleuzidar Inperioaren sortzailea izan zen. Antioko izeneko Filipo II.aren jeneral baten semea zen.

Botere Inperialera igoera[aldatu | aldatu iturburu kodea]

Jenerala izan zen Alexandro Handiaren armadan eta hau hil eta bi urtera, K. a. 321ean, Babiloniak satrapa (gobernaria) izendatua izan zen, eta beranduago, lurralde honetako errege, baina Antigono I.a Monoftalmosen porrota eta heriotzaren ondoren Seleuko egungo Pakistan, Iran, Indiako mendietara eta Araleko itsasoan zehar zeuden basamortuetaraino iristen zen lurralde zabalaren gobernari izatera iritsi zen. Alexandroren inperioa banatu zuten diadoko guztien artean, Seleuko izan zen zatirik zabal eta handiena jaso zuena, etnia, hizkuntza eta erlijio ezberdinetako hogei herri hartzen zituena eta 30 milioi biztanle baino gehiago zituena.

Antigonos Monophthalmosen aurka jardun behar zuen Diadokoen Seleukos, Ptolomeo, Kasandro, Lisimako elkartearen eragilea izan zen. 316an Babiloniatik ihes egin behar izan zuen, baina 312an Ptolomeoren gudarostearekin bat eginik, Gazan Antigonosen seme zen Demetrio Poliorzete garaitu zuen, eta berriro Babilonia eskuratu zuen. 305ean errege (basileus) izendaturik, India aldera hedatu zuen bere mendeko lurraldea. Gero, Iran eta Baktriana hartu zituen, eta mendebalera jo zuen. Berriro Ptolomeo, Kasandro eta Lisimakorekin elkarturik, K. a. 301ean Antigonos garaitu zuen Ipsos-eko guduan. Hiriburua Seleuziatik Orontes-eko ertzetan eraikitako Antiokiara eraman zuen, Mediterraneoaren gaineko nagusigoa lortzearren. Siriako hegoaldearen jabetza zela medio, Seleukos Demetrio Poliorzete-rekin elkartu zen Ptolomeoren eta Lisimakoren kontra. 285ean, alabaina, Demetrio preso hartu zuen. 281ean Lisimakori garaiturik, haren erresumaz jabetu zen. Mazedoniaren kontra jo zuen ondoren baina Ptolomeo Keraunos-ek hil zuen.



Aurrekoa
Lehena izan zen
Seleuzidar enperadorea
K. a. 305-K. a. 280
Ondorengoa
Antioko I.a Soter

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Seleuko I.a Nikator Aldatu lotura Wikidatan