Sienita

Sienita			Mineral infotaula irakurtzeko era
Arroka igneoa
Mineral garrantzitsuak	Ortosa Plagioklasa Hornblenda
Maximoa	2,8 g/cm3
Minimoa	2,7 g/cm3

Sienita batez ere ortosaz osatutako arroka igneo plutoniko faneritiko bat da.

Ezaugarriak

Sienitaren kokapena QAPF diagraman

Ia-ia ez du kuartzorik, eta izatekotan %5a baino gutxiago izango da.

Feldespatoan, normalki, ortosa izango da, nahiz eta beste feldespato alkalino batzuk ere izan daitezkeen. Plagioklasa normalean %10 baino gutxiago izaten da. Mineral ferromagnesianoak agertzen direnean hornblenda izaten da eta gutxietan piroxeno edo biotita.

Eraketa

Sienitak intrusio magmatiko alkalinoetan sortzen dira, lurrazal kontinentala lodia den lekuetan edo subdukzio eremu orogenikoetan. Sienita lortzeko granito baten urtze partzial oso txikia egin behar da, potasioa ez urtzeko.

Etimologia

Egiptoko Aswan (garai hartan Syene) eskualdean deskribatu zen lehen aldiz.

Aztarnategi nagusiak

Sienita ez da ohiko arroka. Ondorengo tokietan agertzen da:

• Europan: Suitza, Alemania, Norvegia, Bulgaria eta Errumanian.
• Amerikan: Estatu Batuak: Arkansas eta Montanan bereziki. Ingalaterra Berrian ere bai.
• Afrikan: Egipto (Aswan) eta Malawin.

Iruditegia

• 
  Errusian aurkituriko sienita.
• 
  Quebec-en aurkituriko sienita.
• 
  Sienite arrokak ibaian.
• 
  Sienitazko eskultura egiptiarra.

Kanpo estekak

• Datuak: Q329118
• Multimedia: Syenite / Q329118