Stephan Balkenhol

Wikipedia, Entziklopedia askea
Jump to navigation Jump to search
Stephan Balkenhol
BALKENH1.jpg
Bizitza
Jaiotza Fritzlar1957ko otsailaren 10a (61 urte)
Herrialdea  Alemania
Hezkuntza
Hizkuntzak alemana
Jarduerak
Jarduerak eskultorea eta unibertsitateko irakaslea
"Gizon bat eta emakume bat" (Hanburgo).

Stephan Balkenhol (Fritzlar, Hesse, Alemaniako Errepublika Federala, 1957ko otsailaren 10a) alemaniar eskultorea da.

Biografia[aldatu | aldatu iturburu kodea]

Hanburgoko Arte Ederretako Eskolan egin zituen ikasketak, Ulrich Rückriemen lantegian. Ikasketak amaitu ondoren, lantegi horretako laguntzaile izan zen (1979-1982).

1980ko hamarraldiaren hasieran, eskultura izoztuak osatu zituen, beirazko objektuekin. Zurezko lehenengo eskulturak 1982an egin zituen, eta, handik aurrera, zura izango zen Balkenholen gai maitatuena. Eskultura horiekin antolatu zuen, hain zuzen, 1984an erakusketa bat Löhrl galerian, Mönchengladbachen.

1990eko hamarraldian hasi zen ospetsu izaten, eta Europako eta Estatu Batuetako hainbat museo eta galeriatan antolatu zituen erakusketak. Ordu arteko lanak gizon eta emakumeen eskulturak ziren, jarrera askotan (zutik, eserita, taldean). Kolore biziz janzten zituen batzuetan; beste batzuetan, berriz, ilea eta ahoa besterik ez zien koloreztatzen. 1990eko hamarraldiaren hasieran, animalien irudietara jo zuen Balkenholek. Animaliak bakarka (lehoia, sugea) edo taldean —"Sei hartz" (1991) eta "57 pinguino" (1991)— erakusten zituen. Zenbaitetan, gizakiak eta animaliak batera erakusten ditu. Balkenholen eskulturek gaur egungo pertsonaiak adierazten dituzte, espresiorik gabeak, jarrera hieratikoan.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Stephan Balkenhol Aldatu lotura Wikidatan