Teresa Saez Barrao

Aldatu loturak
Wikipedia, Entziklopedia askea
Teresa Saez Barrao

Bizitza
JaiotzaBinéfar, 1957ko apirilaren 20a (67 urte)
Herrialdea Espainia
Hezkuntza
Hizkuntzakgaztelania
Jarduerak
Jarduerakgiza eskubideen aldeko ekintzailea
KidetzaLunes Lilas
MugimenduaLunes Lilasa

Teresa Saez Barrao (Binefar, Huesca, 1957ko apirilaren 20a) aktibista feminista da eta Nafarroako Indarkeria Sexistaren aurkako Emakumeen Plataformaren eta Nafarroako eta Espainiako Emakumearen Arretarako Zentroaren eta Harrera Etxearen sortzaileetakoa da. Lunes Lilas sortu zuen.

Biografia[aldatu | aldatu iturburu kodea]

Teresa Saez Barrao Binefarren jaio zen. Bartzelonan Historia eta Nafarroako Unibertsitate Publikoan Pedagogia ikasketak egin zituen. Lehenengo eskola orientatzaile lanetan aritu zen eta 1997tik Lizarrako (Nafarroa) Udalean aukera berdintasuneko teknikaria da. Genero indarkeriaren berdintasun eta prebentzio politiketan aditua eta Nafarroako genero indarkeriaren aurkako ekintzetan aitzindaria.

1975etik Mugimendu Feministako partaidea. 80ko hamarkadan, Nafarroako Indarkeria Sexistaren aurkako Emakumeen Plataformaren sortzaileetakoa izan zen, eta Emakumearen Arretarako Zentroaren eta Nafarroako Harrera Etxearen sortzailea. Gertaera hori mugarria izan zen, Espainia osoan mota horretako lehen zentroa izan baitzen.[1] Andrea emakumearentzako arreta-zerbitzuko buru eta koordinatzaile izan zen 1991tik 2016 arte.[2] Elkarte hori Lunes Lilas elkartearen ernamuina izan zen, baita elkarte horren bultzatzailea ere. Elkarte horrek hilabetero lehen astelehenetan egiten du agerraldia Iruñean, hilketa matxistak eta genero-indarkeria salatzeko eta agerian uzteko.[3] Elkarte hori ospetsu egin zen, Nagore Laffage Casasolaren hilketagatiko protestak bideratzeko ardura hartzeagatik, eta, ondoren, salaketa publikoagatik eta epaiaren aurkako mobilizazioengatik, 2016ko Sanferminetan Manada izenekoek egindako bortxaketa-delituagatik.[4][5]

Aktibismo feministaz gain, erantzukizun politikoak izan ditu Nafarroan, bai udaletan bai parlamentuan. Burlatako (Batzarre) eta Atarrabiako (Euskal Herritarrok) udaletan zinegotzi izan da.[6] 2017az geroztik, 2019 arte, Podemos-Ahal Duguko parlamentaria izan zen Nafarroako Parlamentuan.[7] –Ahal Dugu taldeko bozeramaile-lanetan aritu zen hezkuntzaren, osasunaren eta berdintasunaren arloan, eta baita herritarren eta erakundeen arteko harremanen batzordeko buru ere.[8]

Sariak eta aintzatespenak[aldatu | aldatu iturburu kodea]

  • 2018an, Monzongo “Clara Campoamor” Emakume Progresisten Taldeak onartu egin zuen aukera-berdintasunaren aldeko bere ibilbidea, eta Berdintasunaren aldeko IX. Aintzatespenen saria jaso zuen, .[9]

Erreferentziak[aldatu | aldatu iturburu kodea]

  1. ↑ «MARIA TERESA SAEZ BARRAO» PODEMOS NAVARRA.
  2. ↑ «'Las mujeres no queremos ser objetos sexuales sino sujetas con plena libertad'» www.publico.es.
  3. ↑ «Teresa, de Lunes Lilas: “Hermana, estamos felices de haber escuchado tus palabras”» telecinco 27 de junio de 2018.
  4. ↑ Lunes Lilas 10 urte-años. .
  5. ↑ «Tere Sáez: "La sentencia a 'La Manada' nos sigue pidiendo que nos dejemos la vida para que se nos crea"» LaSexta 5 de diciembre de 2018.
  6. ↑ «Entrevista: Tere Sáez, coordinadora de ANDREA» La Txistorra Digital - El "diario" de 4 navarros 28 de octubre de 2009.
  7. ↑ «Los Parlamentarios Forales | Parlamento de Navarra» www.parlamentodenavarra.es.
  8. ↑ «Diputada, feminista y de Binéfar» Somos Litera - Noticias de La Comarca de la Litera - Revista Informativa.
  9. ↑ RadioHuesca. «Teresa Sáez y el equipo femenino del QRC, premiadas con los IX Reconocimientos por la Igualdad» Radio Huesca.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Teresa_Saez_Barrao&oldid=8976990"(e)tik eskuratuta