Titi-koitoa

Wikipedia, Entziklopedia askea
Titi koitoaren marrazkia.

Titi-koitoa edo bularrekin masturbatzea sexu-bikotearen bularren artean zakila tente sartzean datzan sexu praktika da. Bietako batek bularrak eskuekin elkartzen ditu (horrela zakila estutzen du) eta sarketaren mugimenduak simulatzen dituela, bere zakila ugatzen artean behin eta berriz igurtziz. Egintzaren ondorioz, emakumearen titiak kitzikatzen dira eta gizonezkoa isurtzera iris daiteke[1].

Praktika[aldatu | aldatu iturburu kodea]

Guztiz etzandako emakumea gizonaren zakila jasotzen bere titien artean.

Sexu-jarrera hori hartu ahal izateko, oro har, emakumearen bularrak handiak izatea komeni da, zakila bular txiki batek baino hobeto har baitezakete. Erabilgarria izan daiteke gel edo krema bat (emakumearen bularraren erdian edo zakilean jartzeko), lubrifikatzaile gisa balio dezakeena ekintza modu egokian egiteko[2].

Kasu batzuetan, bereziki emakumearen bularrak handi samarrak badira, emakumea erabat etzanda egon daiteke eta gizonaren zakila jaso dezake. Gizona belauniko jar daiteke eta sarketaren mugimenduak simulatzen ditu, zakila bularren artean duela. Beste batzuetan, gizona geldirik dago eta emakumea eserita, eta bere zakila emakumezkoen bularren artean sartzen du, koitoaren mugimendua simulatuz.

Izan ere, emakumeak ere eraman dezake ekimena praktika hori egitean. Egoera horretan, gizona da bere beheko gorputz-adarrak eseri eta banatzen dituena, eta emakumeak (gehienetan belauniko) zakila tente jartzen du bere bularren artean eta goitik behera mugitzen ditu, edo bularra bularraren kontra igurtziz, gizonaren orgasmoa sortzen saiatuz. Era berean, emakumeak gorputz-adar maskulinoa eutsi eta titiburuekin igurtzi dezake, eszitazioa areagotzeko. Zenbait kasutan, emakumeak gizona masturbatu dezake bere bularrekin felazio bat egiten dion bitartean, lagunartean "bularreko zurrupada" deritzon teknika erabiliz. Era berean, gizonak emakumearen lepoan eiakulatzen duenean, "perlazko lepokoa" deitzen zaio, utzitako semen-tanten objektu horrekin duten antzekotasunagatik.

Praktikaren irudiak, gutxienez iragarkietan, pornografiko eta erotiko gisa deskribatu dira[3]. Titi-koitoa, batzuetan, perbertsio bat dela esaten da[4]. Sigmund Freuden arabera normalaren barruan sartzen den interes sexual bat da, ez bada hori dela egin nahi duen gauza bakarra (hau da, beste sexualitate forma guztien deitoratzea)[5].

Segurtasuna[aldatu | aldatu iturburu kodea]

Zeelanda Berriko prostituen sexu ohituren inguruan egindako ikerketa batean, Austen Woodsek aurkitu zuen gehienek proposatzen zutela sexu-jarrera hau bezeroak ez zuenean kondoirik jarri nahi[6]. Hala ere, sexu-transmisiozko gaixotasun batzuk ere kutsa daitezke jarduera honetan, bereziki larruazalen kontaktuagatik. Parasitoak ere kutsatu daitezke[7].

Izendapena[aldatu | aldatu iturburu kodea]

Euskaraz izenik ez da jaso sexu-hiztegian[8]. Gaztelaniaren eraginez, kubatar izena eman ohi zaio Hego Euskal Herrian, eta frantsesaren eraginez espainiar eskulan Ipar Euskal Herrian. Frantzian, gizona eserita dagoenean eta emakumeak egiten duenean mugimendua, notario gorbata esaten zaio[9]. Erresuma Batuan eta Hego Amerikako hainbat lekutan frantsesa esaten zaio, edo errusiar kanpai-jotze.

Pornografian[aldatu | aldatu iturburu kodea]

Brandy Talore, praktika hau pornografian egitegatik aktore ezaguna.

Titi-koitoak sarritan agertzen dira film pornografikoetan, aktoresak berezko bular handia edo bularreko inplanteak dituenean. Bryan Xin film pornografikoen zuzendariak (Truly Nice Tits zortzi filmen egilea 2002tik 2005era) hau dio gai honi buruz[10]:

« Titi naturalak askoz hobe adaptatzen dira zakila masturbatzeko. Bularreko inplanteak ez daude prestatuta denbora luzez gizonaren sexua jasotzeko. [...] Gainera, bisualki, askoz politakoagoa da naturala denean. »


Brandy Talore (85F bular-tamaina duena) ezaguna da titi-koitoa egiten duen film kopurua dela eta[11].

Erreferentziak[aldatu | aldatu iturburu kodea]

  1. ↑ Comfort, Alex, 1920-2000.. (2008). The new joy of sex. ([Rev. ed.]. argitaraldia) Mitchell Beazley ISBN 978-1-84533-429-1. PMC 300983363. (Noiz kontsultatua: 2021-01-08).
  2. ↑ Bacarr, Jina.. (2004). The Japanese art of sex : how to tease, seduce, & pleasure the samurai in your bedroom. Stone Bridge Press ISBN 1-880656-84-1. PMC 54767520. (Noiz kontsultatua: 2021-01-08).
  3. ↑ (Ingelesez) «Project MUSE - Sex and Advertising» muse.jhu.edu  doi:10.1353/asr.2011.0019. (Noiz kontsultatua: 2021-01-08).
  4. ↑ (Ingelesez) Johnson, John. (1970/07). «A Textbook of Psychosexual Disorders. By Clifford Allen. 2nd Edition. Oxford University Press. 1969. Pp. 478. Price 70s.» The British Journal of Psychiatry 117 (536): 101–102.  doi:10.1192/S0007125000192281. ISSN 0007-1250. (Noiz kontsultatua: 2021-01-08).
  5. ↑ Freud Sigmund. (1953). On Sexuality Three Essays On The Theory Of Sexuality Vol-7. (Noiz kontsultatua: 2021-01-08).
  6. ↑ Intimate details & vital statistics : AIDS, sexuality and the social order in New Zealand. Auckland University Press 1996 ISBN 1-86940-139-5. PMC 36006250. (Noiz kontsultatua: 2021-01-08).
  7. ↑ Pernoll, Martin L., 1939-. (2001). Benson & Pernoll's handbook of obstetrics & gynecology. (10th ed. argitaraldia) McGraw-Hill ISBN 0-07-138352-2. PMC 49570060. (Noiz kontsultatua: 2021-01-08).
  8. ↑ «Hiztegia - Gazte gara gazte» gazteak.ahotsak.eus (Noiz kontsultatua: 2021-01-08).
  9. ↑ Bernet, Charles.. (impr. 2008). On va le dire comme ça : dictionnaire des expressions quotidiennes. Balland ISBN 978-2-35315-044-1. PMC 470864142. (Noiz kontsultatua: 2021-01-08).
  10. ↑ Magazine Voluptuous May 2003, article Our Monthly Titerview p. 43.
  11. ↑ Magazine Score April 2009, article Best of the Breast, p. 64.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Titi-koitoa&oldid=9465752"(e)tik eskuratuta