Udareondo (espeziea)

Udareondoa
	Irudi gehiago
Iraute egoera
	; Arrisku txikia (IUCN 3.1)
Sailkapen zientifikoa
Erreinua	Plantae
Ordena	Rosales
Familia	Rosaceae
Leinua	Maleae
Generoa	Pyrus
Espeziea	Pyrus communis; L.
Datu orokorrak
Gizakiak ateratzen dizkion produktuak	udare, pearwood (en) , pear seed (en) , pear juice (en) eta pear wine broth (en)

Udareondoa^[1] (Pyrus communis) —madariondo, udare, udare-arbola eta udaretze izenez ere ezaguna— Pyrus generoko zuhaitz espezie bat da, udare edo madariak ematen dituena. Jatorriz, Europako erdialde eta ekialdekoa eta Asiako hego-mendebaldekoa da. Fruta-arbolatzat ustiatzen da, beraz.

Batez beste 65 urte hartu ohi ditu, baina badira 400 urte dituztenak ere.

Deskribapena[aldatu | aldatu iturburu kodea]

Itxura[aldatu | aldatu iturburu kodea]

Hosto erorkorreko zuhaitza da, eta 20 m garai izatera irits daiteke. Adaburua obala da; adaxkak arre-gorrixkak, ilegabeak eta distiratsuak dira. Zurtoina zuzena da, eta azala grisa eta zartatua du.

Hostoak[aldatu | aldatu iturburu kodea]

Udareondoaren hostoak obalatuak edo eliptikoak, meheki zerradunak eta berde ilun distiratsua dute. Pezioloa horia da eta batzuetan hostoa bezain luzea da.

Loreak[aldatu | aldatu iturburu kodea]

Martxotik maiatzera loratzen da udareondoa, hostoak baino lehenago. Loreak 3 eta 7 arteko korinbotan elkartuta daude eta zuriak edo arrosak dira.

Fruituak[aldatu | aldatu iturburu kodea]

Udareondoaren fruituak udare edo madariak dira, pomo erakoak, mamitsuak eta gozoak.

Habitata[aldatu | aldatu iturburu kodea]

Udareondoa planeta osoan kultibatzen da klima epeletan, baratze eta lur ureztatuetan. Udareondoaren jatorria ez da ezaguna beste espezie kultibatu batzuekin gertatzen den bezala, baina zenbait espezie europar eta asiarren hibridazioz sortu omen da.