Urvashi Butalia

Wikipedia, Entziklopedia askea
Urvashi Butalia

Bizitza
JaiotzaAmbala, 1952 (71/72 urte)
Herrialdea India
Hezkuntza
HeziketaLondresko Unibertsitatea
Delhiko Unibertsitatea
Miranda House (en) Itzuli
Hizkuntzakingelesa
Punjabera
hindia
bengalera
italiera
frantsesa
Jarduerak
Jarduerakkazetaria, argitaratzailea, historialaria eta idazlea
Lantokia(k)Delhi eta Londres Handia
Jasotako sariak

Urvashi Butalia (Ambala, 1952) Indiako idazle, editore eta ekintzaile feminista da. Indian feminismoaren alde egindako lanagatik ezaguna da baitaThe Other Side of Silence: Voices from and the Partition of India eta Speaking Peace: Women's Voices from Kashmir bezalako liburuak idazteagatik. 1984an, Ritu Menon kazetariekin batera, Indiako lehen argitaletxe feminista sortu zuen: Kali for Women[1] eta honen babespean 2003an Zubaan Books argitaletxea sortu zuen. [2] 2011n, Butaliak eta Menonek batera jaso zuten Padma Shri saria, Indiako laugarren ordena zibil altuena, literaturan eta hezkuntzan egindako lanagatik.[3]

Biografia[aldatu | aldatu iturburu kodea]

Butalia Ambalan jaio zen, panjabi hizkuntza zuen familia aberats, aurrerakoi eta ateoan. Subhadraren eta Joginder Singh Butaliaren lau seme-alabetatik hirugarrena da. Ama emakumeentzako aholkularitza-zentro bateko zuzendaria zen. Butaliak ahizpa nagusi bat du, Bala, eta bi anaia, Pankaj eta Rahul. Pankaj Butaliak ideologia ezkertiarreko hainbat dokumental zuzendu ditu, ezagunena Vrindavaneko alargunen baldintza miserableei buruzkoa da.

Literaturan lizentziatu zen Miranda Housen, Delhiko Unibertsitatean, 1971n, bertn Literatura masterra egin zuen 1973an. Hegoaldeko Asiako Ikasketetan beste master bat egin zuen Londresko Unibertsitatean, 1977an. Indiako hizkuntzak diren hindieraz, punjaberaz eta bengaleraz gain, ingelesez, italieraz eta frantsesez hitz egiten du.[4]

Ibilbidea[aldatu | aldatu iturburu kodea]

Urvashi Butalia, 2016ko urrian

Butalia Delhiko Oxford University Press argitaletxean hasi zen lanean. Urtebete Oxforden egoitzan egon zen, 1982an Londresen egoitza duen Zed Books argitaletxean lan egin aurretik. Ondoren Indiara itzuli zen eta, Ritu Menonekin batera, argitaletxe feminista bat sortu zuten, Kali for Women[1], 1984an. Ashoka Unibertsitateko Young India Fellowship beka[5] ospetsua ematen duen erakundean lan egiten du eta emakumeei, gizarteari eta indiari buruzko ikastaroa ematen ditu.[6]

Butaliak interes berezia du bi gaietan: Indiaren partzioa eta ahozko historia ikuspegi feminista eta ezkertiarretik. Generoari, komunalismoa, fundamentalismoari eta komunikabideei buruz idatzi du hainbat egunkari eta aldizkarietan, Besteak beste The Guardian, The New Internationalist, The Statesman, The Times of India, Outlook eta India Today. Tehelka aldizkari ezkertiarraren eta argitalpen-industriaz arduratzen den Indian Printer and Publisher aldizkariaren ohiko zutabegile izan da.

Butalia Oxfam India erakundearen aholkularia da eta Delhiko Unibertsitateko Bokazio Ikasketen Sailean irakurtzen du.[4]

Kali for Women[aldatu | aldatu iturburu kodea]

Kali for Women, Indiako lehen argitaletxe feminista, Urvashi Butaliak eta Ritu Menonek 1984an sortu zuten, Hirugarren Munduko emakumeei buruzko ezagutzak areagotzeko eta emakume idazle, sortzaile eta akademikoentzako foro bat eskaintzeko.[7] 2003an, Butalia eta Menon fundatzaileak ibilbide independenteak hasi zituzten iritzi-desberdintasun konponezinengatik. Biek beren lanak Kali for Women argitaletxearen babespean sortzen jarraitu zuten arren, Menonek Women Unlimited[8] eta Butaliak Zubaan Books[2] argitaletxeak sortu zituzten.

Zubaan Books[aldatu | aldatu iturburu kodea]

Hasiera batean irabazi asmorik gabeko erakunde gisa ezarri bazen ere, Zubaan orain enpresa pribatu gisa ari da, Zubaan Publishers Pvt. Ltd., eta bost partaide ditu: Butalia (sortzailea eta CEO), Anita Roy (editorea), Preeti Gill (editorea), Shweta Vachani (editorea) eta Ash Sharma (CFO). Argitaletxeak "Hego Asiako emakumeek emakumeentzak emakumeeei buruz" egindako lan akademikoak eta fikziozkoak argitaratzen ditu, mundu osoan ezagunak diren autoreekin, hala nola Jaishree Misra, Nivedita Menon, Manjula Padmanabhan, Suniti Namjoshi eta Annie Zaidi.[9]

The other side of silence (Isiltasunaren beste aldea)[aldatu | aldatu iturburu kodea]

Gai feministei buruzko kazetaritza eta iritzi artikuluez gain, Butalia hainbat obraren egilea da. Horietatik, The other side of silence (Isiltasunaren beste aldea, 1998) da ezagunena. Liburua Butaliak Indiaren partiziotik bizirik atera ziren hirurogeita hamar pertsona baino gehiagori egindako elkarrizketen emaitza da, eta bertako unibertsitate batzuetan testu akademiko gisa erabiltzen da. Goethe Institutuak honela deskribatu du lana: "azken hamarkadetan Asiako hegoaldeko ikerketetan eragin handiena izan duen liburuetako bat... Tragediaren esperientzia kolektiboan emakumeen aurkako indarkeriak duen garrantzia azpimarratzen du."[10]

Butaliak dio Partizioak, Holokaustoak bezala, "historia bizia" izaten jarraitzen duela, oraindik bizirik dauden asko geratzen direlako. Holokaustoaren ahozko istorioak dokumentatzeko abian jarri diren proiektu ugarien aldean, Indian ekimen konparagarri gutxi izan dira. Hau horietako bat da.

The Other Side of Silence taldeak Oral History Book Association saria irabazi zuen 2001ean, eta Nikkei Asia Award for Culture saria 2003an.[4]

Aktibismoa[aldatu | aldatu iturburu kodea]

Butalia Prentsa Askatasunerako Emakumeen Institutuko kidea da.

Sariak eta aintzatespenak[aldatu | aldatu iturburu kodea]

2000an, Butaliak Pandora Award for Women in Publishing saria irabazi zuen.[11] Eta 2011n, Indiako Gobernuak Padma Shri saria eman zion.[12]

2017an, Alemaniako Errepublika Federalak Goethe Domina eman zion Butaliari, "alemanean eta nazioen arteko kultura-trukean gaitasun bikaina erakutsi duten pertsonak ohoratzen ditu".[13]

Obra[aldatu | aldatu iturburu kodea]

  • Urvashi Butalia; Ritu Menon; Kali for Women. In Other Words: New Writing by Indian Women. Kali for Women, 1992.ISBN 978-81-85107-48-6 [14]
  • Urvashi Butalia; Ritu Menon; Kali for Women (1995). Making a difference: Feminist Publishing in the South, Bellagio Pub. ISBN 978-09-64078-08-6.[15]
  • Tanika Sarkar, Urvashi Butalia; Kali for Women (1995). Women and the Hindu Right: A Collection of Essays, Kali for Women. ISBN 978-81-85107-66-0 [16]
  • Staff, Kali for Women (1995). Women and Right-wing Movements: Indian Experiences, Zed Books. ISBN 978-1-85649-289-8 [17]
  • Urvashi Butalia (1998). The Other Side of Silence: Voices from the Partition of India, Penguin Books l'Índia.ISBN 978-0-14-027171-3 [18]
  • Urvashi Butalia (2002). Speaking Peace: Women's Voices from Kashmir, Kali for Women. ISBN 978-81-86706-43-5[19]
  • Urvashi Butalia (2006). Inner Line: The Zubaan Book of Stories by Indian Women, Zubaan. ISBN 978-81-89013-77-6.[20]

Erreferentziak[aldatu | aldatu iturburu kodea]

  1. ↑ a b (Ingelesez) «The Story of Kali for Women : India’s First Feminist Publishing House» Pratham Books 2010-04-08 (Noiz kontsultatua: 2023-09-03).
  2. ↑ a b (Ingelesez) «Zubaan Books» Zubaan 2023-04-25 (Noiz kontsultatua: 2023-09-03).
  3. ↑ (Ingelesez) List of Padma awardees for 2011. 2011-01-26 (Noiz kontsultatua: 2023-09-03).
  4. ↑ a b c (Ingelesez) Lettre ulysses award for de Art of Reportage. .
  5. ↑ (Ingelesez) «Ashoka University: Leading Liberal Arts and Sciences University» www.ashoka.edu.in (Noiz kontsultatua: 2023-09-03).
  6. ↑ (Ingelesez) Ghoshal, Somak. (2013-06-14). «Urvashi Butalia | I want to prove that feminist publishing can survive commercially» mint (Noiz kontsultatua: 2023-09-03).
  7. ↑ (Ingelesez) Puri, Jyoti. «Woman, Body, Desire in Post-Colonial India: Narratives of Gender and Sexuality» Routledge & CRC Press (Noiz kontsultatua: 2023-09-03).
  8. ↑ (Ingelesez) «The offical website of Women Unlimited» www.womenunlimited.net (Noiz kontsultatua: 2023-09-03).
  9. ↑ (Ingelesez) «About Zubaan.» Zubaan 2023-04-25 (Noiz kontsultatua: 2023-09-03).
  10. ↑ (Ingelesez) Staff, Scroll. «Feminist publisher Urvashi Butalia wins the prestigious Goethe Medal» Scroll.in (Noiz kontsultatua: 2023-09-03).
  11. ↑ (Ingelesez) «Urvashi Butalia | Heinrich Böll Stiftung» www.boell.de (Noiz kontsultatua: 2023-09-03).
  12. ↑ (Ingelesez) «Padma Awards 2011: The winners» Rediff (Noiz kontsultatua: 2023-09-03).
  13. ↑ (Ingelesez) «Goethe Medal 2017 goes to three women who tackle taboos – DW – 08/28/2017» dw.com (Noiz kontsultatua: 2023-09-03).
  14. ↑ (Ingelesez) Butalia, Urvashi. (1994-04-14). In Other Words: New Writing By Indian Women. Avalon Publishing ISBN 978-0-8133-2214-8. (Noiz kontsultatua: 2023-09-03).
  15. ↑ (Ingelesez) Butalia, Urvashi; Menon, Ritu. (1995). Making a Difference: Feminist Publishing in the South. Bellagio Pub. Network ISBN 978-0-9640780-8-6. (Noiz kontsultatua: 2023-09-03).
  16. ↑ (Ingelesez) Sarkar, Tanika; Butalia, Urvashi. (1995). Women and the Hindu Right: A Collection of Essays. Kali for Women ISBN 978-81-85107-66-0. (Noiz kontsultatua: 2023-09-03).
  17. ↑ (Ingelesez) Sarkar, Tanika; Butalia, Urvashi. (1995). Women and Right-wing Movements: Indian Experiences. Zed Books ISBN 978-1-85649-289-8. (Noiz kontsultatua: 2023-09-03).
  18. ↑ (Ingelesez) Butalia, Urvashi. (1998). The Other Side of Silence: Voices from the Partition of India. Penguin Books India ISBN 978-0-14-027171-3. (Noiz kontsultatua: 2023-09-03).
  19. ↑ (Ingelesez) Butalia, Urvashi. (2002). Speaking Peace: Women's Voices from Kashmir. Kali for Women ISBN 978-81-86706-43-5. (Noiz kontsultatua: 2023-09-03).
  20. ↑ (Ingelesez) Butalia, Urvashi. (2006). Inner Line: The Zubaan Book of Stories by Indian Women. Zubaan ISBN 978-81-89013-77-6. (Noiz kontsultatua: 2023-09-03).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Urvashi_Butalia&oldid=9372011"(e)tik eskuratuta