Wikipedia:Txokoa

Ongi etorri euskarazko Wikipediako txokora! Orri hau Wikipedia honetako mota guztietako hizketaldi eta galderetarako da. Hala ere, orri jakin bati buruz edo beste wikilari batekin eztabaidatzeko, erabil ezazu orri horren edo wikilari horren eztabaida orria; Txokoa hainbat orriri eragiten dioten eztabaida orokorretarako da. Txokoan ere, beste eztabaida orrietan bezala, erabil ezazu sinadura (aski duzu zeure mezuaren bukaeran -~~~~ ikurrak idaztea). Wikipedian berria bazara, hobe duzu lehenik eta behin maiz egiten diren galderak irakurtzea. Eztabaida berri bat okerreko atalean hasten bada, administratzaile batek dagokion atalera mugi dezake. ES: Si no comprende o no sabe escribir en nuestra lengua y desea comunicarse con nosotros y nosotras, por favor, acuda a la Embajada. FR: Si vous ne comprenez pas ou ne savez pas écrire dans notre langue et souhaitez communiquer avec nous, s'il vous plaît, visitez l'Ambassade. EN: If you do not understand or you cannot write in our language, and you want to tell us something, please, visit the Embassy. DE: Wenn Sie unsere Sprache nicht verstehen oder nicht schreiben können und Sie bei uns mitreden möchten, dann besuchen Sie bitte die Botschaft.

edo arakatu artxiboan >>

Gehitu atal berria

2018ko urriaren

17a

Asteazkena

11:20 UTC

Euskarazko Wikipediak 306.568 artikulu ditu. Animo! 43432 artikulu falta zaizkigu 350.000ra iristeko.

Egiaztagarritasuna

Egun on! Amaitutzat jotzen dut dagoeneko iaz egiaztagarritasunari buruz ondutako orria, hemen duzue. Artean, detaile batzuek zituen zuzentzeko, eta oraindik ere zuzenketak beharko ditu beharbada argitasunaren aldetik. Gainera, guztiok eztabaidatzeko jarri dut, aldatzea komeni dela ikusten diren gauzak eztabaidatu eta aldatuak izan daitezen, hala ikusiz gero.

Egiaztagarritasuna Wikipediaren oinarri eta politika bat da eta, beraz, orri garrantzitsua. Gehienean, ingelesezko orritik itzulita dago, ikus hemen: en:WP:VER, baina ez osoki. Egokitzapen batzuk ere egin ditut. Beraz, aztertu lasai dokumentua, bozketara pasa baino lehen (formala). Ondo segi Iñaki LL (eztabaida) 11:09, 27 abuztua 2018 (UTC)

Lan ona egin duzu Iñaki LL, dokumentua argia eta landua dela uste dut, ni bozketa formalera aurkeztearen alde nago. Xabi22 (eztabaida) 15:31, 29 abuztua 2018 (UTC)

Eskerrik asko Xabi22! Ez dago presarik, iaz eztabaida izan zen honen gainean, eta garrantzizkoa da albait lankide gehien egotea, Wikipediako funtzionamenduaren oinarri bat delako. Irailaren 1a egun ona izan daiteke bozketa formala abiatzeko. Bitartean, hemen komenta daiteke. Goraintzi Iñaki LL (eztabaida) 22:38, 29 abuztua 2018 (UTC)

Abian jarri dut egiaztagarritasunari buruzko bozketa formala. Wikipediako puntu garrrantzitsua da; beraz, aztertu eta bozkatu! Irailaren 15 arte egongo da indarrean. Iñaki LL (eztabaida) 11:39, 1 iraila 2018 (UTC)

Uste dut bizkorregi abiatu dela bozketa: Wikipediarako horren garrantzitsua den dokumentu bat luze eztabaidatu eta zabal adostu behar da, ahalik eta wikilari gehienen artean, bozketara aurkeztu baino lehen. Bozketa hasteko, nik gutxienez urria hasi arte itxarongo nuke, parte hartzeko ahalik eta aukera gehien emateko, horren garrantzitsua den jarraibide batean. Nik neuk ez dut dokumentua aztertzeko astirik ere izan, lanpetuta bainabil; eta Txokoko atal honetan ere, bi wikilarik baizik ez dute iritzia eman bozketa abiatu baino lehen... --Xabier Armendaritz 2018-09-01, 12:47 (UTC)

Xabier Armendaritz Barkatu, baina aipatzea ere... Honek ia urte eta erdi darama dantzan, nik hartu nuen ardura, eta lana hartu dut hori egiteko eta, argi esateko, beti atzeratu izan dut presako beste gauzaren bat agertzen zelako. Beraz, ohi bezala, interesa duenak parte hartzen du. Ekimena sustatu behar da, eta ez kontrakoa. Xabi22ri goian esan nion ez dela presarik, eta horregatik irailaren 1 arte atzeratu dut.

Dena den, ohiko lankideak WPn aktibo ez daudela ikusiz gero, ongi ikusiko nuke atzerapen bat eskatzea, baina hori gauzak gertatu ahala, eta ez aldez aurretik eragozpenak jartzea. Goraintzi Iñaki LL (eztabaida) 13:18, 1 iraila 2018 (UTC)

Eskertzen dizut hartutako lana, Iñaki LL. Hala ere, hain gai garrantzitsu batean, uste dut abuztuaren 27an egin zenuen dei hartatik ez dela aski denbora pasa, ohiko wikilariek dokumentua patxadaz irakurtzeko, iritzia emateko, eta dokumentuari egoki irizten dieten aldaketak proposatzeko eta eztabaidatzeko aukera izan dezaten. Dokumentu hori funtsezko jarraibide bat izanik, ona litzateke zirriborroak ahalik eta zabalkunde handiena izatea eta behin betiko testua parte hartze zabalarekin onartzea. Segur aski behin betiko bertsioa ere zeuk egindako testua bera izango da neurri handi batean, baina ona da parte hartzeko aukera ahalik eta handiena ematea; nahiz eta joan den urtebete honetan horretarako denbora izan dugun, badirudi ez diogula erreparatu gai horri orain arte, eta nago ona litzatekeela beste aukera bat behintzat ematea. --Xabier Armendaritz 2018-09-01, 20:58 (UTC)

Egun on Xabier Armendaritz, hasteko eskerrik asko erantzunagatik. Bestalde, baina, iruditzen zait gauzak ezin direla horrela adierazi. Hasteko, zure botoa, "erabat kontrakoa", ez da edukiari buruzkoa ere, baizik eta ekimenaren kontra. Eskarmentuz (eta zu ez zara berria), WPk dinamika bat du, eta praktikan agertzen diren problemak egin ahala konpontzen dira, eta ez aldez aurretik denari eragozpenak jarriz. Iruditzen zait umiltasun pixka bat gehiago behar dela: lehendabizi interesa agertu, gaian interesa baduzu, eta gero ager daitezkeen koskak aztertu. Hemen, Xabi22ri adierazi nion abuztuaren 29an bozketa formala irailaren 1ean hasteko nuen asmoa, jendeak lasai begiratzeko, eta zuk ez duzu hitzik esan.

Bozketa formala irekita dago, eta urrira atzeratzeak ez du onurarik ekarriko, asperdura baizik ez, eta urrian ere gainezka egongo gara. Interesa duenak irakurriko du orain (edo beharbada azken momentuan). Bestalde, testuak, funtsean, ez du orain arteko dinamikan aldaketa handirik ekarriko, dagoena esplizitatu besterik ez. Hala ere, ikusita garrantzizko puntua dela eta zeuk lasaiago irakurtzeko asmoa agertu duzula, zilegi ikusten dut luzatzea. Irailak 30 arrazoizko mugaeguna dirudi, eta hala jarriko dut bozketa formalean. Ordurako 34 egun pasa izango dira orria hemen iragarri nuenetik, eta urte eta erdi gai hau Txokora ekarri eta wikilari batzuen artean hitz egin genuela. Ez zu eta ez ni ez gara Wikipediako inoren aita, ezta morroi ere. Ondo segi Iñaki LL (eztabaida) 09:19, 2 iraila 2018 (UTC)

Kontra eman dudan botoa ez da ekimenari buruzkoa, prozedurari buruzkoa baizik: uste dut bozketaren hasiera atzeratu behar dela, eta ez bukaera. Izan ere, behin bozketa hasita, dokumentuari funtsezko aldaketarik egiteko aukera bukatutzat ematen da (nahiz eta beharbada xehetasun txikiren bat aldatzeko aukera hor dagoen). Arrazoia, dudarik gabe, dokumentuari orain arte ohiko wikilariok eman diogun arreta urriegia da, eta nik uste azken dei bat egin behar dela, dokumentua ondo aztertu, inork aldaketarik egin beharra ikusten badu proposatu, eztabaidatu, adostu, eta orduan, azkenik, bozketa abiatu.

Beraz, kontra eman dudan botoa, uler bedi bozketa abiatu izanaren kontra eta bozketaren hasiera atzeratzearen alde. Testuaren edukiari dagokionez, seguru nago egokia izango dela, Iñaki LL (ordu ugari eskaini diozulako eta lan txukuna egin ohi duzulako). Nire kezka parte hartzeko aukera ematea da, besterik ez. Oraintxe proposamena bere horretan onartzen bada ere, ez dut inolako nahigaberik hartuko edukiari dagokionez; parte hartze guztiz urriak ematen dit pena, eta horregatik eman nahiko nuke beste aukera bat. --Xabier Armendaritz 2018-09-02, 09:36 (UTC)

Dagoeneko aipatu ditut nire puntuak eta ez ditut errepikatuko. Nolanahi ere, aldaketetarako eta eztabaidarako tartea uzteko, ondo deritzot bozketa formalaren aurretik eztabaidarako tartea uztea, oraingoa bertan behera uztea eta irailak 17an hasita bozketa formala egiteko. Gerturatu ahala, eztabaida asko egongo balitz, atzera daiteke. Hau Xabi22ri ere jakinarazten diot, berak bozkatu egin baitu dagoeneko. Iñaki LL (eztabaida) 10:03, 2 iraila 2018 (UTC)

Irakurri, aztertu eta, irailak 16tik aurrera, bozkatzera deitzen zaituztet, goraintzi! Txopi, Theklan, Xabier Armendaritz, Xabier Cañas, Oraina, Euskaldunaa, Koldo Biguri, Luistxo, Lainobeltz, Sikret8, Josu, Marklar2007, Zuiarra, Aitzolete, Ksarasola, MerZab, Assar, Supro23 Iñaki LL (eztabaida) 13:07, 2 iraila 2018 (UTC)

┌────────────────────────────────────────────────────────────────────────────────────────────────────┘ Kaixo! Prozedurak eta denborak inportanteak dira. Wikipediako Politika bat aprobatu behar badugu lehenik eta behin ahalik eta adostasun zabalena beharko genuke proposamenetan (ez du zertan proposamen bakarra izan behar), eta ondoren proposamen konkretu horiek zehaztuta daudenean eta denok argi dugunean zeintzuk diren bozkatzen ditugun aukerak, bozkatzera deitzeko momentua da, ez aurretik. Zera egingo nuke: 1. Proposamena aztertu; 2. Ekarpenak egin; 3. Adostasuna: ekarpenak proposamenean integratzea adostu edota proposamen berriak osatu; 4. Proposamenak definitu eta adostu direnean, bozketara deitu. Nik honetan parte hartuko nahiko nuke baina oporretatik bueltatu berria naiz eta nahiko zaila izango dut aste honetan proposamenari heltzeko. Bozketa bertan behera utziko nuke, eta 1, 2 eta 3 pausoak bermez bete direnean, aktibatuko nuke berriro. -Xabier Cañas (eztabaida) 19:15, 2 iraila 2018 (UTC)

Egunon. Ni ados bozketarekin baina agian Xabier Cañasek arrazoia du. Ni neu gaur hasi naiz errutinarekin eta oporretan ibili naiz jende asko bezela.

Dena den irakurri dut. Oso ondo egina.

Hala eta guztiz zalantza bat dutː Esaldi, atal edo artikulu bati etiketa bat jarri zatian "Bizirik diren pertsonei buruzko informazio eztabaidagarriak, erreferentziarik gabeak edo erreferentzia eskase(t)an oinarrituak direnean, berehala kendu behar dira, eta ez {{erref behar}} txantiloi bat gehitu."

Eztabaidagarri ordez, ni eztabaidagarri eta mingarri (edo humiliagarri, iseka...) gehituko nioke. Bestela oso definizio zabala iruditzen zaidalako berehala ezabatzeko. Beno, hau nire aportazio xumea.-Oraina (eztabaida) 09:09, 3 iraila 2018 (UTC)

Kaixo. Oraintxe arte ez dut irakurri proposamena eta, printzipioz, ados nago planteatzen denarekin. Hori bai, puntu bat atera nahi dut eztabaidaren plazara, zuek ere zuen iritzia emateko. Txikipediarekin du zerikusia. Izan ere, orain Txikipedia WPren zati bat da, eta egiaztagarritasunari buruzko dokumentuan agian zerbait aipatu beharko litzateke. Hori bai, ez daukat oso garbi zer. Horregatik ateratzen dut gaia. Izan ere, Txikipedian ez dugu erreferentziarik ipintzen; bide batez, aurrera segitu baino lehen, esan behar dut umeentzat dauden edo ezagutzen ditudan gainontzeko entziklopedietan ere EZ dutela jartzen erreferentziarik edo egiaztagarritasun-frogarik. Ez dakit merezi duen eztabaidatzeak horretaz (batez ere, egiaztagarritasunaren kontua, nire ustez, batez ere WPri dagokiolako eta Txikipedia oraindik oso gauza txikia delako), baina norbaitek interesa badu, nik arazorik ez. Eztabaidarik ez badago, eta planteatu den gaiarekin lotuz, bi gauza egin genitzake: aurkeztutako dokumentuan inola ere ez aipatu TX; edota aipatu esanez TXn ez dela nahitaezkoa artikuluak erreferentziatzea. Tira, zuen iritzia ezagutu nahi dut. Eskerrik asko. --Koldo Biguri (eztabaida) 10:42, 3 iraila 2018 (UTC)

Arratsalde on denoi, inork eragozpenik ez badu, nik ere ez dut Orainak dioena sartzeko, esplizituago puntu horiek adierazteko. Koldo Biguri Txikipediari buruz aipatutakoaz, nik ondo ikusten dut Txikipedia labur aipatzea, sor daitezkeen zalantza guztiak argitzeko. Ooondo izan Iñaki LL (eztabaida) 14:16, 3 iraila 2018 (UTC)

Kaixo guztioi. Oro har, ni ados Iñaki LL-k planteatzen duenarekin, egiaztagarritasun dokumentuan. Ondo deritzot bozketa irailaren 17an hasteari. Data hori baino lehen ekarpen eta proposamen berriak luzatzeko aukera izango dugu, jakina. Eta proposamenak egitekotan, hau da nirea: erreferentzien erabilerari dagokionez ez nago ados Iñakiren dokumentuan agertzen den aipamen honekin: "Zuzenean babesa ematen dion iturri fidagarririk ez duen edukia kendu egin daiteke eta ez da berrezarriko esaldi buruko erreferentziarik gabe". Erreferentziarik gabeko eduki guztiek ez dutela balio? Horrek edukien arabera behar luke, niri ustez. Izan ere, gai zientifikoetan, zientzia esperimentaletan, ez dut uste beharrezkoa denik une oron iturriak aipatzea, adostasun zabala dagoelako zientzialarien artean eduki horietaz. Artikulu batean nik jartzen badut glukosa C₆H₁₂O₆ formula duen gluzido bat dela, eginkizun oso garrantzitsua burutzen duena landare zein animalien metabolismoan, ez dut uste aipamena ipini behar dudanik, denek onartzen baitute enuntziatu hori, egi zientifikoa da. Edo Hardy-Weinbergen legearen bi ekuazio nagusiak: p+q=1 eta p^.2+2pq+q^.2=1 direla (p eta q bi aleloen frekuentziak izanik), ez dut uste inork hori zalantzan jartzen duenik....Beraz, erreferentziak soberan daude. Nik faltan botatzen dut Iñakiren proposamenean ñabardura bat jartzea erreferentzien beharraz. Izan ere, artikulu honek, beste honek eta hirugarren honek ez dute erreferentziarik (eta hauek bezala, beste hamaika, artikulu zientifikoetan) eta inori ez zaio bururatuko ezabatzea. Beraz, erreferentzien erabilera eta beharra artikuluaren edukiarekin oso lotuta ikusten dut. Ezin dira zaku berean jarri zientzia esperimentalen eta zientzia zehatzen artikuluak eta beste arlo batzuetakoak, nire iritziz. -Josu (eztabaida) 20:19, 3 iraila 2018 (UTC)

Josu, uste dut zuk aipatzen duzuna testuan jasota dagoela. Bai testuaren osotasunean (zuk jarritako aipuan, adibidez, kendu egin daiteke da esaldia, ez kendu egin behar da) zein esaldi zehatzetan: adibidez, hirugarren parrafoa edota Hala ere, eztabaidarik ez duten informazioetan, ez da beharrezkoa testu-gorputzean iturria aipatzea. esaldia. Orokorrean, uste dut testuak lortzen duela erreferentzien beharra eta garrantzia azpimarratzen malgutasuna alde batera utzi gabe. Gainera, ez dut uste zientzia zehatz eta beste arlotakoen arteko bereizketa denik kasua, idatzitakoaren ingurukoa baizik.

Gainetik irakurria banuen ere, orain zehatzago irakurri dut eta uste dut oso ondo dagoela. Goian Koldo Bigurik eta Orainak aipatu dituztenak gehitzearen alde ni ere. —Aurreko iruzkin sinatugabea Supro23 (eztabaida • ekarp.) lankideak idatzi du.

Egun on! Ulertzen dut Josuren kezka, irudia eman baitezake erreferentziarik ez duen edozer lasai asko ken daitekeela, eta ez da hori. Azken batean, hierarkia bat da, gorena izaki erreferentziak jarri behar izatea, baina ez du esan nahi aurretiaz erreferentziarik gabe zegoena kentzen aritu zaitezkeela (non eta arrazoi sendo bat ez duzun). Izan ere, aipatu egin dut "Aldiz, eduki/adierazpen hori egiazta daitekeela uste baduzu, egokiena da zuk zerorrek esaldi buruko erreferentzia jartzea, eta ez etiketa gehitu edo edukia kentzea." Ingelesez ere araua berdina da, eta ezin da kendu gogo hutsa duzulako, horrek arazoak sor diezazkioke ezabatzaileari: Eztabaidara eraman, eta bere ekintza zuritu egin behar du, arrazoien bitartez. Iñaki LL (eztabaida) 10:24, 4 iraila 2018 (UTC)

Kaixo! Bat nator Supro23 eta Iñaki LLk egiten duten interpretazioarekin, eta agian modu argiagoan esan daiteke hori. Hala ere, Josu, zerbait frogatutako lege zientifiko bat dela esateak ez du esan nahi ez dugunik erreferentziatu behar. Are eta gehiago, jatorrizko dokumentua zein den jartzea oso interesgarria da irakurlearentzat. -Theklan · · 11:30, 4 iraila 2018 (UTC)

Orainaren informazio biografikoei buruzko ekarpena gehitu dut eragozpenik ez dagoenez, hemen [1] Iñaki LL (eztabaida) 16:11, 7 iraila 2018 (UTC)

Testua garbitu egin dut pixka bat, eta Josuk adierazitako kezka esplizitatzen saiatu naiz, arduraz egin beharreko zerbait dela nabarmentzeko. Taldeei buruzko esteka EN Wikipediara da, baina edozein unetan euskaratu daiteke, garrantzia duela ikusten bada. Bi aldaketa hauek izan dira: 1 eta 2. Eman begiratu bat, gogoratu gaur dela aldaketak proposatzeko azken eguna! Iñaki LL (eztabaida) 12:17, 16 iraila 2018 (UTC)

Txopi, Theklan, Xabier Armendaritz, Xabier Cañas, Oraina, Euskaldunaa, Koldo Biguri, Luistxo, Lainobeltz, Sikret8, Josu, Marklar2007, Zuiarra, Aitzolete, Ksarasola, MerZab, Assar, Supro23, Xabi22, Zorion, Gartxoak, Josugoni, Joxe Aranzabal, Mikel B. Sasikoa, Aihotz, Wikimaribarre dagoeneko martxan da Egiaztagarritasun orriari buruzko bozketa, irekita irailaren 30 arte! Hemen duzue. (Deituak azken 7 egun, 250 aldaketetan aritutako lankideak, 50 aldaketa baino gehiagokoak, eta Txokoko parte-hartzaileak) Goraintzi denoi Iñaki LL (eztabaida) 21:32, 17 iraila 2018 (UTC)

Oroiteria

Arratsalde on! EWKErekin egindako hitzarmenari esker, Berriak atera eta lizentzia askea duen atal hori ederra dugu erreferentzia gisa edo testua zatiak aitortuta jartzeko. Erreferentzia gisa erabili nahi izatekotan, eredu hau erabili dut lagungarri izan dakizuekeelakoan: <ref>{{erreferentzia|url=https://www.berria.eus/oroiteria/zer/estatu-kolpea/nafarroa|izenburua=Oroiteria - Lehen orduak|egunkaria=Berria|data=}}</ref> Iñaki LL (eztabaida) 16:37, 22 iraila 2018 (UTC)

Azal Nagusiko urteurren atalaren tipografia aldaketa iradokizuna

Eguerdion. Azal Nagusia ikusten aritu naiz eta atal guztiak bat ez beste tipografia berdina dutela ohartu naiz (letra estilo eta tamaina berria). Aldiz, Gaur egunez urteurrenen atalak letra estilo ezberdina eta txikiagoa du. Hortaz, atal horrek gainontzeko azal nagusiko atalen tipografia berbera izan dezala proposatu nahi nuke. Ongi izan. -Euskaldunaa (eztabaida) 11:59, 28 iraila 2018 (UTC)

•  Alde -Oraina (eztabaida) 08:33, 4 urria 2018 (UTC)
•  Alde --Xabier Armendaritz 2018-10-04, 09:36 (UTC)
•  Alde -Lainobeltz (eztabaida) 08:35, 5 urria 2018 (UTC)
•  Alde --Xirkan (eztabaida) 12:26, 5 urria 2018 (UTC)

Argazki nabarmenduak Wikimedia Commonsen

Kaixo! Hasi naiz hemen nabarmendu ditugun irudiei Commonsen txantiloi bat jartzen. Lagundu nahi duenak hemen du kategoria. -Theklan · · 22:06, 28 iraila 2018 (UTC)

Txillardegiren artikulua

Egun on! Txillardegiren artikulua nabarmendua izateko hautagaia da. Ondo legoke inork Txillardegiren testuingurua eta obra irudikatzen duen argazki, liburu azal edo grafikorik ezagutuko balu (Commonsen eta Wikitekan), bertan jartzea, hura aberasteko. Eskerrik asko Iñaki LL (eztabaida) 07:17, 5 urria 2018 (UTC)

Biografia infotaula

Kaixo guztioi! Aspaldian antzeman nuen nik hainbat artikulutako "Biografia infotaulan" gauza bitxi bat: gizabanako euskaldun, katalan edo galiziar batzuen taulan Herrialdea:Espainia eta Espainiako bandera jartzea. Hori gertatu zitzaidan Jose Maria Benito del Valle artikuluarekin (ikusi artikulu horren eztabaida), gero zuzenduta izan zena. Eta gauza bera gertatzen da beste euskaldun, katalan edo galiziarrekin, horietako asko gainera abertzaleak eta espainiar sentitzen ez direnak (ikusi Xose Manuel Beirasen artikulua, edo Suso de Tororena). Nik uste dut gure Wikipediak tentu handiz ibili behar duela holako gauzekin, ez dakit taula horiek robotek edo nork egiten dituen, baina erne egon behar dugu holako akatsak ez egiteko. Ez dut uste, esaterako, Xose Manuel Beiras jaunari asko gustatuko litzaiokenik euskarazko Wikipedian ikustea bere biografiaren taula..... Hori gaztelaniazko Wikipedian normala izan daiteke, baina ez dut uste egokia denik gure Wikipedian. Gauza bera onartuko al genuke Carles Puigdemont-en artikuluan? -Josu (eztabaida) 20:45, 12 urria 2018 (UTC)

Beno, ba, Beiras eta Suso de Toro jaunak euskarazko Wikipedian espainiarrak direla ikusteaz ohitzen hasi beharko dira, Aduritz eta Muguruza] jaunak galizierazko Wikipedian espainiarrak direla ikusteaz ohitu diren bezala. -Euskaldunaa (eztabaida) 22:58, 12 urria 2018 (UTC)

Gai honetan Josurekin ados nago. Besteen wikipediak begiratu eta baloratu bai, baina gu geurea egin beharko genuke.-Oraina (eztabaida) 16:40, 15 urria 2018 (UTC)

Ez dago arazorik hori aldatzeko. Zehazki azalduta dago nola aldatu Txantiloi:Biografia_infotaula_automatikoa#Nazionalitatea atalean. -Theklan · · 16:44, 15 urria 2018 (UTC)

Mila esker, Theklan, konponbide erraza du gaiak. -Josu (eztabaida) 17:28, 15 urria 2018 (UTC)

Biografia infotaula. Etakideekin infotaula

Egunon, Etakideen infotaulari buruzko iritzia eman nahi nuke.

Infotaula ez dakit nola aldatzen den baina nire iritzian Etakideen kasuan ez dute informazio ona ematen. Adibidez Arkaitz Goikoetxea Basabe, Kidetzaː Etakidea eta Jarduerakː Terrorista agertzen da. Aldi berean, Etakide batzuk (Mikel Goikoetxea adibidez); kidetzaː Etakidea. Baina aldiz, jarduera ez da agertzen. Eustakio Mendizabalen kasuan ez da Etakidea dela agertzen ere ez.

Hauxe da nire proposamena, infotaula hobeago eta estandarrago bat idatzi. Terrorista kendu eta horren ordez Ingeleseko wikipedian egiten duten moduan zergatik den ezaguna idatzi. Hau da, Arkaitz Goikoetxearen kasuan, Known forː"Bizkaiko komando bateko buruzagia".

Berdina egin Miguel Garikoitz Aspiazu, Xabier Etxebarrieta, Jose Mari Sagardui, Dolores Gonzalez Katarain eta dugun etab. luzearekin. Hau da, Garikoitz Aspiazu bere buruzagitza azpirratuz, Jose Mari Sagardui kartzeletan urte gehien eman duen ETAko kidea izan zela azpimarratuz...

Jakina Teo Uriarte, Gorka Landaburu, Arnaldo Otegi... eta Etakideak izan ziren baina horregatik ezagunak ez diren norbanako guztiak honetatik kanpo utziko nituzke, beren jarduerengatik ezagunagoak diren arloak azpimarratuz.

Bestalde, antzekoa egingo nuke Enrique Rodríguez Galindo, Melitón Manzanas, Manuel Sánchez Corbí eta abarrekin. Ez bakarrik jeneral, koronel... bat zela idatzi baizik eta zergatik diren ezagunak (known forːX) idatzi.-Oraina (eztabaida) 17:58, 15 urria 2018 (UTC)

Informazioa Wikidatatik hartzen du. Bertan eztabaidatu dezakezu "terrorista" hitzaren eta "etakide" izaeraren inguruan. Informazioa egonkortzeko funtsezkoa da. Bestela, eskuz ere gehitu daitezke parametro horiek infotaula, nahi izanez gero. | jarduera = edo | kidetza = jarrita alda dezakezu Wikidatatik datorren informazioa.

Zure proposamena, bestalde, infotaula automatikoa bertan behera utzi eta beste zerbait egitea izango litzateke, eskuz. Hori bagenuen, eta oraindik ere egin daiteke, baina eskuz egindako guztiak lan gehiago suposatzen du. -Theklan · · 18:06, 15 urria 2018 (UTC)

Beharbada, batzuetan eskuzko infotaula jartzea merezi du. Infotaula automatikoetan sartzen bagara, "militant" defenda daiteke, hitz neutralagoa delakoan (gogoan izan ingelesez beste adiera bat duela), baina ez ninduke harrituko eztabaidaz gain edizio gerra bat hastea, Wikidatan. Iñaki LL (eztabaida) 21:46, 15 urria 2018 (UTC)

Nik ez dakit eskuzko infotaulak jartzea merezi duten ala ez. Baina ez zait serioa iruditzen "terrorista" hitzaren eta "etakide" izaeraren inguruan eztabaidatzea baina aldiz, Osama bin Laden, Bobby Sands, Abimael Guzmán, Ulrike Meinhof, Ariel Sharon edo eta Enrique Rodríguez Galindoren jarduerak ez eztabaidatzea. Wikipediako informazioan bai idatzi ahal (eta agian idatzi beharko zen) terrorismo eta izuari buruz baina infotaulan ez zait ondo iruditzen.

Zirt edo zart egin behar da gai honetan nahiz eta edizio gerra bat hasi wikidatan. Aurrekoan esan nuen moduan ingeleseko wikipediak hobeto eta era neutralagoan azaltzen ditu kontzeptu hauek. Ingelesezko wikipediaren eredua jarraituz, "Gerra zikina Euskal Herria"ren ordez, "Kontrainsurjentzia Euskal Herrian" jarri genuen. Hau da, gauza neutral, objetibo eta konnotaziorik gabekoa. Euskarazko wikipedian terrorismo hitza azaltzerakoan zera agertzen daː "Terrorismo terminoa ez da neutrala, eta praktika politiko eta militar bat deskribatzeaz gainera, kontzeptu ideologikoa da, normaltasun politiko bati dagokion legitimizazioan oinarritutakoa eta aurkari politikoari aplikatzen zaiona, gaitzesgarri moduan" eta hori goian dauden adibide guztientzat balio du.

Laburbilduzː Gure ideologia aparte utzita ez diot sentzua ikusten Bobby Sands eta Ulrike Meinhofen jarduerakːterrorista ipintzea eta Ariel Sharon eta Enrique Rodríguez Galindo adibidezː jardueraː gerra zikina edo kontra terrorista idaztea.

Bidebatez, konprobatu dut goiko adibideetan ez dela terrorista hitza agertzen baina adibide onak iruditu zaizkit. Inkoerentzia handia dagoelako eta gainera sentsu askorik ez duelako, baina baita Etakideen artean inkoerentzia egon badago.

Eustakio Mendizabal, Jon Etxabe eta Eneko Irigarai terroristak EZ eta Jorge Garcia Sertutxa, Juan Paredes eta Bittor Arana terroristak BAI? honek ez du ez hanka ez buru, benetan.-Oraina (eztabaida) 09:53, 17 urria 2018 (UTC)

Wiki Loves Monuments 2018

Kaixo!

Aurten bigarren urtez jarraian parte hartu dugu WikiLovesMonuments argazki-lehiaketan. Guztira, 24 erabiltzailek igotako 859 argazki berri jaso ditugu. 10 finalistak nazioarteko lehiaketan parte hartuko dute. Horrez gain, Azkue Fundazioaren eskutik, EHko, Bizkaiko eta Bilboko argazkirik onenak saritu ditugu. Lehiaketaren berri zehatzago EWKEren blogean topatuko duzue. Argazki irabazleak, Wikipedia:WikiLovesMonuments 2018 orrialdean. Eta, argazki guztiak Commonsen daude eskura: Commons:Category:Wiki_Loves_Monuments_2018_in_the_Basque_Country.

Aurten, berrikuntza gisa, Araba, Bizkaia eta Gipuzkoako ondare-zerrendak EAEko Ondarea ataritik jaso eta eguneratu ditugu. Nafarroa eta iparralderako iazko zerrenda berak. Zerrenda guztiak Wikipedia:WikiLovesMonuments 2018 orrialdean daude eskura.

Zorionak Ebaki eta Igerrak lankideei! Aitzolete (eztabaida) 08:30, 17 urria 2018 (UTC)