Nahigabearen Negua
| Nahigabearen Negua | ||
|---|---|---|
| ||
| Mota | krisi politiko | |
| Denbora-tarte | 1978 - 1979 | |
| Herrialdea | Erresuma Batua | |
Nahigabearen Negua (ingelesez: Winter of Discontent) Erresuma Batuan 1978-1979ko negua zuen ezizena izan zen. Garai horretan, sektore publikoko sindikatuek greba orokorrak egin zituzten, soldata-igoera handiagoak eskatuz. Trades Union Congress sindikatuak aurka egin arren, 16 urtean herrialdean bizi izandako negurik hotzenean inflazioa kontrolatzen saiatzeko James Callaghanek zuzentzen zuen gobernu laboristak soldaten igoerei mugak ezarri zizkien.[1]
Grebak gobernu laboristak inflazioa kontrolatzeko egindako ahaleginari emandako erantzuna izan ziren. Horretarako, Erresuma Batuko gobernuak sektore publikoari arauak ezarri zizkion, soldata-igoerak % 5etik behera manten zitezen. Horrela, inflazioa kontrolatzen eta sektore pribatuarentzat eredu izaten saiatu zen. Hala ere, sindikatu batzuek enplegatzaileekin adostutako % 5etik gorako mugen barruan egin zituzten negoziazioak.[2] Grebak 1979ko otsailean amaitu ziren neurri handi batean, baina gobernuak grebei eusteko zuen ezintasunak Margaret Thatcherrek 1979ko Erresuma Batuko hauteskunde orokorretan lortutako garaipen kontserbadoreari eta ondoren sindikatuen jarduera murrizteko arauak onartzeari lagundu zion. Sektore publikoko langileen greba-ekintzek Liverpoolen eta Tamesiden lan egiten zuten ehorzleen greba ez-ofiziala eta zabor-biltzaileen grebak barne hartu zituzten. Gainera, NHSko langile laguntzaileek piketeak prestatu zituzten ospitaleetako sarrerak blokeatzeko, eta, horren ondorioz, ospitale askok larrialdietako pazienteak bakarrik tratatu ahal izan zituzten.[3]
"Nahigabearen Negua" esaldia William Shakespeareren Rikardo III.a obraren incipitetik dator, eta britainiar tabloideek- besteak beste, The Sunek- egoera izendatzeko erabili zuten.[4][5]
Klima oso hotz bihurtu zen 1979ko lehen hilabeteetan, elurte eta izozteekin, negurik hotzena 1962-63koaz geroztik. Giro latzak lan batzuk ezinezkoak izatea eragin zuen, txikizkako salmentetan gastua murriztuz eta ekonomia okertuz.[6]
Erreferentziak[aldatu | aldatu iturburu kodea]
- ↑ Hay, Colin. (2009). «The winter of discontent thirty years on» The Political Quarterly 80 (4): 545–52..
- ↑ (Ingelesez) «On This Day: 1979: Early election as Callaghan defeated» BBC.
- ↑ (Ingelesez) «History of the Winter of Discontent» BBC.
- ↑ (Ingelesez) Unreliable sources: how the 20th…. Google Books.
- ↑ (Ingelesez) Popular newspapers, the Labour Party…. Google Books.
- ↑ (Ingelesez) Hamilton, Fiona. «Weather Eye: the Winter of Discontent 1978» The Times (Londres).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q1247283
|
Artikulu hau ekonomiari buruzko zirriborroa da. Wikipedia lagun dezakezu edukia osatuz. |