Zacharias Ursinus

Wikipedia, Entziklopedia askea
Zacharias Ursinus
Zacharias Ursinus.png
Bizitza
JaiotzaWrocław1534ko uztailaren 18a
Herrialdea Alemania
BizilekuaHeidelberg
HeriotzaNeustadt an der Weinstraße1583ko maiatzaren 6a (48 urte)
Hezkuntza
Hizkuntzakalemana
Irakaslea(k)Philipp Melanchthon
Ikaslea(k)David Pareus (en) Itzuli
Hermann Vultejus (en) Itzuli
Jarduerak
Jarduerakteologoa eta unibertsitateko irakaslea
Lantokia(k)Heidelberg
Enplegatzailea(k)Heidelbergeko Unibertsitatea
Sinesmenak eta ideologia
ErlijioaProtestantismoa

Zacharias Ursinus (Breslau, 1534ko uztailaren 18aNeustadt an der Weinstraße, 1583ko maiatzaren 6a) alemaniar teologo protestantea izan zen, Heidelbergeko Kristau-ikasbidea egitean esku hartzeagatik ezaguna; litekeena da haren egile nagusia izatea.[1]

Biografia[aldatu | aldatu iturburu kodea]

Ursinus Breslaun, bere jaioterrian, irakasle izan zen (1558-60). 1561ean, Frederiko III. printze hautesleak, Vermigliren aholkatuz, Palatinatuan Erreforman laguntzeko deitu zion, eta Heidelbergeko Collegium Sapientiae delakoan irakasle esleitu zuen. Bertan 1562-63an, Printzearen aginduz, Heidelbergeko Kristau-ikasbidearen lehenengo zirriborroak egin zituen, eta, beste teologo eta elizbururekin batera, idazkiaren azken berrikusketan esku hartu zuen.

Zenbait idazkitan Palatinatuko hauteslerriko teologia erreformatua aldeztu zuen, luthertar arrazoibideen aurka. Hark emandako hitzaldiak bere ikasle eta ondorengo David Pareus-ek jaso zituen Explicatio catecheseos delakoan, teologia erreformatuan eragin handikoa izan zena. Kristau-ikasbidea Dordrechteko Sinodoan ofizialki onetsi zuten, eta Ursinusen Explicatio catecheseos erreformatuen apaizgaitegi eta unibertsitateetan erabili zen.

Ursinusen metodoa eskolastikoa zen; haren teologia, kalbindarra.[2]

Erreferentziak[aldatu | aldatu iturburu kodea]

  1. (Ingelesez) Fred H. Klooster. (1986). «The Priority of Ursinus in the Composition of the Heidelberg Catechism» Controversy and Conciliation: The Reformation of the Palatinate 1559-1583 (Allison Park, Pennsylvania: Pickwick): 73-100. ISBN 9780915138739..
  2. (Ingelesez) D. Visser. (1992). Encyclopedia of the Reformed faith. (1. argitaraldia) Louisville, KY; Edinburgh: Westminster/John Knox Press; Saint Andrew Press, 381 or..