Zohra Bensemra

Wikipedia, Entziklopedia askea
Zohra Bensemra
Bizitza
JaiotzaAljer, 1968 (55/56 urte)
Herrialdea Aljeria
Jarduerak
Jarduerakargazkilaria eta fotokazetaria
bensemra.com

Zohra Bensemra (Aljer, Aljeria,1968ko martxoaren 13a) argazkilari aljeriarra da, eta argazki-erreportari gisa lan egiten du, batez ere Ekialde Hurbilean eta Ipar Afrikan.

Biografia[aldatu | aldatu iturburu kodea]

Zohra Bensemra Aljerren sortu zen, 1968ko urriaren 13an.[1] Oso gustuko zuenez argazkilaritza, 1988an ikastaro bat egin zuen, eta Aljerreko Musée des arts et traditions populairesen (Arte eta Tradizio Herrikoien Museoa) eman zituen lehen urratsak.[1]

Argazkilari ibilbidea[aldatu | aldatu iturburu kodea]

1990az geroztik, fotokazetari gisa lan egin zuen Le Jeune Indépendant bezalako egunkarietarako, eta, 1992tik aurrera, El Watan egunkarirako, Reuters agentziarako lan egin aurretik 1998tik aurrera.[2] Lehenik lanka aritu zen Reutersentzat, Aljeriako gerra zibilean, 1997an. 2000an, albaniarren eta serbiarren arteko gatazka jarraitu zuen Mazedonian. 2003an, Irakera jo zuen. Najafen instalatuta, Reutersek argazkilari gisa kontratatu zuen. Ondoren, Sudango erreferendumaren, Tunisiako altxamenduaren eta Libiako iraultzaren jarraipena egin zuen.[3][4][5]

2005ean, Bamako (Mali) Argazkigintzako Afrikako 6. Topaketetako epaimahaiak Europar Batasunaren saria eman zion fotokazetari onenari.[6]

Zohra Bensemrak uste osoa du argazki-erreportarien ikusizko testigantzek duten garrantziaz, eta uste sendo horrek laguntzen du, dioenez, bere lana baldintza eta testuinguru zailetan gauzatzen.[5]

Erakusketak (hautaketa)[aldatu | aldatu iturburu kodea]

Haren lehen erakusketak 1990ekoak dira, besteak beste, Hanburgon 1996an eta 1998an, Sienan 1998an, Bruselan 1998an, eta Parisen 1999an.

Harrezkero, argazkigintzari buruzko nazioarteko erakusketa eta ekitaldi askotan izan da, besteak beste:

  • 1997: Visa pour l'image jaialdia, Perpinia.
  • 2003: Passeurs d’images: photographes algériens dans la presse internationale, Benyoucef Cherif, Fatma-Zohra Bensemra, Hamid Seghilani, Galerie de la Fnac Montparnasse, Paris.
  • 2003: Visa pour l'image jaialdia, Perpinia.
  • 2004: Women by Women - Acht Fotografinnen aus der Arabischen Welt, Die Kommunale Galerie im Leinwandhaus, Francfort-sur-le-Main.
  • 2005: Argazkigintzako Afrikako Topaketak, Bamako.
  • 2006: Snap Judgments: New Position in Contemporary African Photography, Argazkigintzako Nazioarteko Zentroa (ICP), New York.
  • 2006: Snap Judgments: New Position in Contemporary African Photography, Miami Art Central (MAC).
  • 2006/2007: Bamako’05. Trobades africanes de la fotografia. Un altre món, Centre de Cultura Contemporània, Bartzelona.
  • 2011: Deutsche Bank eraikinean erakusketa, Frankfurt .
  • 2015: Argazkigintzako Hirurtekoa, Hanburgo.
  • 2017: Visa pour l'image jaialdia, Perpinia.

Sariak eta aintzatespenak[aldatu | aldatu iturburu kodea]

  • 2005ean, Bamako (Mali) Argazkigintzako Afrikako 6. Topaketetako Europar Batasunaren fotokazetari onenaren saria jaso zuen.[6]

Erreferentziak[aldatu | aldatu iturburu kodea]

  1. ↑ a b Dictionnaire des artistes algériens. .
  2. ↑ «Dix années d'Algérie par Zohra Bensemra» Le Monde.
  3. ↑ Photographer notebook: Zohra Bensemra. .
  4. ↑ Olivia Marsaud. (2003). «Zohra Bensemra photo-journaliste de choc» Afrik.
  5. ↑ a b «Zohra Bensemra photographe reporter» DZeriet (107).
  6. ↑ a b «Le palmarès des Rencontres africaines de la photographie» Le Monde.
Euskarazko Wikipedian bada atari bat, gai hau duena:
Aljeria
"https://eu.wikipedia.org/w/index.php?title=Zohra_Bensemra&oldid=9641651"(e)tik eskuratuta