Albaniera

Albaniera
	Gjuha shqipe
	Albanieraren aldaerak.
Datu orokorrak
Lurralde eremua	Albania, Kosovo, Mazedonia, Montenegro, Serbia, Italia eta Grezia
Hiztunak	6 milioi
Rankinga	Ez 100 mintzatuenen artean
Ofizialtasuna	Albania eta Kosovo
Eskualdea	Europako hego-ekialdea
Araugilea	Arautu gabea
Hizkuntza sailkapena
	Indoeuroparra, Satem
Informazio filologikoa
Hizkuntza-tipologia	subjektu aditza objektua, noun-adjective (en) , Estresa, hizkuntza sintetikoa, hizkuntza fusionatzailea eta nominatibo-akusatibo hizkuntza
Denbora gramatikalak	orainaldia, geroaldia eta lehenaldia
Modu gramatikalak	admirative (en)
Kasu gramatikalak	nominatiboa, akusatiboa, genitiboa, datiboa, ablatiboa eta bokatiboa
Alfabetoa	latindar alfabetoa eta Albanian alphabet (en)
Hizkuntza kodeak
ISO 639-1	sq
ISO 639-2	alb sqi
ISO 639-3	sqi
Ethnologue	sqi
Glottolog	alba1267
Wikipedia	sq
Linguasphere	55-AAA-a
ASCL	3901
IETF	sq

Albaniera^[1] (gjuha shqipe, ˈɟuha ˈʃcipɛ ahoskatua, edo shqip, ʃcip ahoskatua) indoeuropar hizkuntza da, Europako hego-ekialdean ia 6 milioi pertsonak hitz egiten dutena.

Historia

Lehenengo idazkiak erlijio arlokoak dira, Formula e pagëzimit izenekoak: 1462an idatzitako bataio agiri modukoak dira, baina badago testu zaharragorik, eztabaidan egon arren. Lehen liburu ezaguna mezatako Meshari izenburukoa da, 1555ekoa.

XVII. mendekoa da, bestela, lehendabiziko hiztegia (latina-albaniera) eta mende horretakoak dira Frang Bardhi, Andrea Bogdani eta Nilo Katalanos egileak ere.

1887ko martxoaren 7an, albanierazko lehen eskola zabaldu zuten Korca hirian eta 1908an, Manastirren (Mazedonia). Hizkuntzan adituek batzartu eta gaur egungo alfabetoa finkatu zuten.

Azkenik, 1970eko hamarkadan argitaratu zituzten Tiranan eta Pristinan Drejtëshkrimi i gjuhës shqipe eta Fjalori drejtshkrimor i gjuhës shqipe, besteak beste, eredu estandarra finkatzeko liburuak.

Ofizialtasuna

Albania eta Kosovon hizkuntza osoki ofiziala da; aldiz, Mazedonia eta Montenegron, partzialki ofiziala, udalerrien arabera.

Alfabetoa

Hizkia:	A	B	C	Ç	D	Dh	E	Ë	F	G	Gj	H	I	J	K	L	Ll	M	N	Nj	O	P	Q	R	Rr	S	Sh	T	Th	U	V	X	Xh	Y	Z	Zh
Soinua:	a	b	ts	tʃ	d	ð	ɛ	ə	f	g	ɟ	h	i	j	k	l	ɫ	m	n	ɲ	o	p	c	ɾ	r	s	ʃ	t	θ	u	v	d͡z	d͡ʒ	y	z	ʒ

Dialektoak

Albaniako bi dialekto nagusiak gheg (Shkumbin ibaiaren iparraldean egindakoa) eta tosk (ibaiaren hegoaldean) dira. Horrez gain, Albaniatik at mintzatzen diren eta berezko izaera hartu duten albanieraren aldaerak ondoko hauek dira: