Latindar alfabetoa

Latindar alfabetoa gaur egun munduan gehien erabiltzen den alfabetoa da. Euskal alfabetoa latindar alfabetoaren aldaera bat da, oinarrizko latindar alfabetoari ñ letra erantsita eta c letraren aldaeratzat ç ere onartuta. Antzinako Erromak uzitako ondare gisa, Mendebaldeko hizkuntzen alfabetoa da; hau da, euskarak ez ezik, latindar alfabetoa darabilte ingelesak, alemanak, frantsesak, gaztelaniak, italierak eta portugesak ere, adibidez; bai eta hizkuntza horien sorburu diren herrialdeek kolonizatutako lurraldeetako beste hizkuntza askok ere.

Oinarrizko latindar alfabetoko letrak

Estandarizaziorako Nazioarteko Erakundeak araututako oinarrizko latindar alfabetoak 26 letra ditu:

Oinarrizko latindar alfabetoa

Larria Xehea Izena А a A B b Be C c Ze D d De E e E F f Efe G g Ge H h Hatxe I i I J j Jota K k Ka L l Ele M m Eme N n Ene Ο o O P p Pe Q q Ku R r Erre S s Ese T t Te U u U V v Uve W w Uve bikoitz X x Ixa Y y I greko Z z Zeta