Andrea Pozzo
Wikipedia(e)tik
Andrea Pozzo (Trento, 1642ko azaroaren 30a - Viena, 1709ko abuztuaren 31) italiar pintorea eta arkitektoa izan zen.
Jesusen Lagundian sartu zen, eta ordena horretako elizak dekoratu zituen nagusiki. Lonbardian egin zituen ikasketak, eta Erromara jo zuen 1681ean. Erromako San Ignazio eliza dekoratu ondoren (1685, San Ignazioren apoteosia), Modenan, Turinen, Mondovin, Napolin eta Vienan jardun zuen. Perspectiva pictorum obra eman zuen argitara 1698an, Barrokoko pintoreengan eragin handia izan zuena.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
