Brusela-Hiriburua eskualdea
Txantiloi:Probintzia orokor infotaula
Brusela-Hiriburua eskualdea (frantsesez Région de Bruxelles-Capitale, nederlanderaz Brussels Hoofdstedelijk Gewest) edo Bruselako eskualdea (frantsesez Région Bruxelloise, nederlanderaz Brusselse Gewest) Belgika estatua osatzen duten eskualdetako bat da, Flandria eta Waloniarekin batera.
Hizkuntzak eta demografia
Eskualdea, elebiduna legearen arabera, Belgikako komunitate biko biztanle ditu: frantses-hiztunak eta nederlandera-hiztunak. Estatistiken arabera eskualdeko %45a frankofonoa da, %15a nederlandera-hiztuna eta %40a elebiduna (horrexegatik frantsesa da eskualdeko lingua franca). Bruselako eskualdean hainbat nazioarteko erakundeak izaki, Europar Batasunako beste herrialdeko etorkinen dentsitate handienetariko bat dago. Badaude baita ere Magrebetik (batez ere Marokotik), Turkiatik, Amerikatik, Afrikatik (batez ere Kongoko Errepublika Demokratikotik) eta Ekialdeko Europatik etorritako etorkin asko.
Historia
1989ko ekainaren 18tik bruselarrek, lehendabizikoz, bere eskualdeko parlamenturako ordezkariak hautatu zituzten. Geroztik, Brusela Flandria edo Valonia bezalako eskualde bihurtu zen.
Banaketa administratiboa
Eskualdeak 19 udalerri (communes edo gemeenten) ditu, Bruselaren inguruan. Hauexek dira (posta kodearekin):
- 1 - Anderlecht (1070)
- 2 - Brusela (frantsesez Bruxelles, nederlanderaz Brussel) (1000, 1020, 1120, 1130, 1040, 1050)
- 3 - Ixelles (nederlanderaz Elsene) (1050)
- 4 - Etterbeek (1040)
- 5 - Evere (1140)
- 6 - Ganshoren (1083)
- 7 - Jette (1090)
- 8 - Koekelberg (1081)
- 9 - Auderghem (nederlanderaz Oudergem) (1160)
- 10- Schaerbeek (nederlanderaz Schaarbeek) (1030)
- 11- Berchem-Sainte-Agathe (nederlanderaz Sint-Agatha-Berchem) (1082)
- 12- Saint-Gilles (nederlanderaz Sint-Gillis) (1060)
- 13- Molenbeek-Saint-Jean (nederlanderaz Sint-Jans-Molenbeek) (1080)
- 14- Saint-Josse-ten-Noode (nederlanderaz Sint-Joost-ten-Node) (1210)
- 15- Woluwe-Saint-Lambert (nederlanderaz Sint-Lambrechts-Woluwe) (1200)
- 16- Woluwe-Saint-Pierre (nederlanderaz Sint-Pieters-Woluwe) (1150)
- 17- Uccle (nederlanderaz Ukkel) (1180)
- 18- Forest (nederlanderaz Vorst) (1190)
- 19- Watermael-Boitsfort (nederlanderaz Watermaal-Bosvoorde) (1170)
Kirolak
RSC Anderlecht dugu eskualde eta herrialde osoko futbol talde nagusia.
Kanpo Loturak
- (Frantsesez)(Nederlanderaz)Eskualdeko webgune ofiziala
 |
Wikimedia Commonsen badira fitxategi gehiago, gai hau dutenak: Brusela-Hiriburua eskualdea  |