Gregorio Larrañaga

Mañukorta 2004an.

Mañukorta, benetako izenez Gregorio Larrañaga Mandiola (Markina, Bizkaia, 1943ko abenduaren 1a), bertsolari bizkaitarra da.

ETB 1eko Txoko-Latex eta Wazemank programei esker ezagunago bihurtu zen. Izan ere, azken programa honetan lehiaketa berezi bat egiten zuten bere esaldiak asmatzeko, Mañukortaren hitz egiteko era berezian oinarrituz.

Biografia

Mañukorta 2010ean.

1943ko abenduaren 1ean jaio zen Markina-Xemeingo Larruskain auzoko Maiñukorta baserrian. 1967an soldaduska amaitu eta Ameriketara joan zen bere osabarekin artzain gisa lan egiteko. Han 6 urte eman zituen. Horrez gain nekazari eta fabrikako langile ere izan da.

1960an hasi zen bertsotan jendaurrean Markinan.

Sariak

• Orixe saria.
• Xenpelar saria.
• 1975eko Zepai saria: bertso onenaren saria
• 1977ko Zepai saria: bertso onenaren saria

Kanpo loturak

• (Euskaraz) Mañukorta Bertsozale Elkartearen webgunean

Artikulu hau Euskal Herriko kulturari buruzko zirriborroa da. Wikipedia lagun dezakezu edukia osatuz.