Gustave Eiffel

Gustave Eiffel

Gustave Eiffel, 1893ko L'Illustration aldizkariko irudi batean.
Datu pertsonalak
Izen osoa	Alexandre Gustave Eiffel
Jaio	1832ko abenduaren 15a
	Dijon (Frantzia)
Hil	1923ko abenduaren 27a
	Paris (Frantzia)
Sinadura

Alexandre Gustave Eiffel (Dijon, Frantzia, 1832ko abenduaren 15a - Paris, Frantzia, 1923ko abenduaren 27a) arkitekto eta ingeniari frantziarra izan zen. Egitura metalikoetan espezializatu zen. Mundu osoan ezaguna egin zen Eiffel Dorrea eraiki zuelako.

Biografia

Metalezko eraikuntzak egin zituen batez ere, eta zubi eta geltoki ugari egin zituen. Obrarik ospetsuena Parisko Eiffel dorrea da (320 m garai, 1887-1889).

Aerodinamikazko lehenengo laborategia antolatu zuen Frantzian (Auteuil, 1912).

Euskal Herrian egin zituen obren artean, aipagarriak dira Donostiako geltokiko markesina (1881), Donostiako Boulevardeko kioskoa, eta Errobi ibaiaren gaineko zubia Baionan.

Lan garrantzitsuak

• Maria Pia zubia (1877), Porto, Portugal
• Garabit bidezubia (1884), Cantal, Frantzia
• Askatasunaren estatuaren egitura (1886), New York, AEB
• Ama Birjinaren Haitzeko zubia (1887), Baiona
• Eiffel Dorrea (1889), Paris, Frantzia

Eiffel dorrea

Sakontzeko, irakurri: «Eiffel Dorrea»

Parisen altxatzen den burdinazko eraikuntza da. 320 m-ko altuera du. Gustave Eiffel ingeniariaren esanetara eraiki zen 1887-1889 bitarteko urteetan eta 1889. urtean inauguratu zen, urte hartako erakusketa unibertsalarekin batera. Lau oin ditu euskarri gisa, eta piramide luze baten itxura du. Parisko eraikuntza ezagunena da. Irrati antenak jarri ziren bertan eta, 1959tik aurrera, telebistakoak (hasieran 300 m-ra eta gero 20 metro gorago).

Irudi galeria

• 
  Eiffel Dorrea, Trocaderotik ikusita
• 
  Askatasunaren Estatuaren egitura, 1885ekoa
• 
  Truong Tien zubia, Vietnamen
• 
  La Pazeko autobus-geltokia

Kanpo loturak

Wikimedia Commonsen badira fitxategi gehiago, gai hau dutenak: Gustave Eiffel

• (Frantsesez) Gustave Eiffelen oinordekoen elkartearen webgunea