Henry Van de Velde

Henry Van de Velde

Henry Van de Velde 1904an
Datu pertsonalak
Izen osoa	Henry Clemens Van de Velde
Jaio	1863ko apirilaren 3a
	Anberes (Belgika)
Hil	1957ko urriaren 15a
	Oberägeri, Zug kantonamendua (Suitza)

Henry Van de Velde (Anberes, 1863ko apirilaren 3a - Oberägeri, Zug kantonamendua, 1957ko urriaren 15a) belgikar arkitektoa, diseinatzaile eta pintorea izan zen.

Parisko Julian akademian egin zituen ikasketak eta Carolus Duranen lantegian lan egin zuen. Margolaritzan, dekorazioan edo are arkitekturan egindako lanagatik baino gehiago, obra bere osotasunean hartzeagatik da ezaguna. Hiru aldi bereizi ohi dira Van de Velderen obran.

• Lehenean (1890-1902) modernismoaren teorialari gisa nabarmendu zen. Bere etxea izan zen bere lehen lanetako bat: Bruselatik gertu dagoen Uccleko Bloemenwerf (1895). Beste zenbait etxetako dekorazioa egin zuen, Hageneko Folkwang Museokoa (1902), besteak beste. Lantegi bat ere sortu zuen (Ixelles, 1898), eta jantziak, brodatuak, ohialak, paper pintatuak, bitxiak, zeramikak, eta gauza arruntak diseinatu zituen.
• Bigarren aldian (1902-1914) Alemanian lan egin zuen gehienbat, eta estiloz, postmodernistatzat hartzen da. Besteak beste, Werkbund antzokia eraiki zuen Kolonian (1914).
• Hirugarren aldian (1918-1956) Herbehereetan lan egin zuen batik bat. Aipagarriak dira Ganteko Unibertsitateko liburutegia (1936), eta Kröller-Müller Museoa (1937-1954).

Ganteko Unibertsitateko irakasle ere izan zen. Bere teoria Dotrina Orriak (1942) liburuan agertu zuen. Modernismoaren bultzatzaile eta teorilari nagusietako bat izan bazen ere, Van de Velderen estiloak konstruktibismo-aldera egin zuen eta, pixkana, hasierako dekoratibismo sinbolistatik urrundu zen.

Bloemenwerf etxerako diseinatutako aulkia, 1895

Kanpo loturak

• (Frantsesez) L’œuvre architecturale d’Henry van de Velde Unesco.org