Gante

Gante
Flandria
Ganteko erdigunea.
Izen ofiziala	Gent
Estatua Eskualdea Probintzia	Belgika Flandria Ekialdeko Flandria
Koordenatuak	51°03′00″N 03°44′00″E
Gante
Eremua	156,18 km2
Biztanleria	243.366 bizt (2010)
Dentsitatea	1.558,24 bizt/km²
http://www.gent.be

Gante (Gent nederlanderaz, Gand frantsesez), Belgikako iparraldeko hiria, Flandrian, herrialde osoko hirugarren populatuena.

Ekialdeko Flandriako hiriburua da. 243.366 biztanle ditu (2010).

Geografia

Lys eta Escaut ibaiak elkartzen diren tokian dago.

Ekonomia

Janari-industria du (garagardoa, edariak). Oso ezagunak dira bertan egiten diren oihalak.

Portuak garrantzi handia izan du Ganteko ekonomian; portuari esker hartu dute indarra papergintzak, industria kimikoak eta metalgintzak.

Historia

Flandriako hiriburua izan zen X. mendetik aurrera, Alsaziako Filipe kondeak oihalen tratuan aberastu ziren burgesen harrokeria zapaltzeko Kondeen jauregia eraiki zuenetik. 1567an Albako dukeak hartu zuen, eta 1705ean Marlborough-ek; 1714an Austriaren mende zegoen Herbehereetako lurraldea izan zen. 1830. urtea arte Holandakoa eta handik aurrera Belgikakoa izan zen. Bi mundu-gerretan Alemaniak hartu zuen.

Kultura

Ospetsuak dira bost urtez behin bertan egiten diren lore- erakusketak (Floralies).

Ondasun nabarmenak

Sint-Baafs edo Saint Bavo katedrala.

Hiri zaharrean garrantzi handiko eraikuntzak daude: udaletxea (gotikoa, 1600-1622), oihal-azoka (1426-1441), dorrea (1313-1321), Saint-Bavo katedral gotikoa (1228an eraikitzen hasia), Andre Mariaren serora-etxea (1234an eraikia eta 1600 inguruan eraberritua).

Museo asko dira: Arkeologiakoa (XIII. mendeko Elisabet santuaren abatetxean), Folklore museoa (XIV. mendeko etxe batean), Arte Ederretako museoa.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Kanpo-loturak

• (Nederlanderaz) Ganteko udal webgunea