Iratxe Esnaola Arribillaga

Gehitu loturak
Wikipedia, Entziklopedia askea
Iratxe Esnaola Arribillaga

Bizitza
Jaiotzako izen-deiturakIratxe Esnaola Arribillaga
JaiotzaZarautz, 1981eko maiatzaren 7a (43 urte)
Herrialdea Gipuzkoa, Euskal Herria
Hezkuntza
HeziketaDeustuko Unibertsitatea
Hizkuntzakeuskara
gaztelania
Jarduerak
Jarduerakinformatikaria eta Q777942 Itzuli
Lantokia(k)Donostia
Enplegatzailea(k)Deustuko Unibertsitatea
Gara
Udako Euskal Unibertsitatea
PuntuEus
Olaso Dorrea Fundazioa
KidetzaUdako Euskal Unibertsitatea
Olaso Dorrea Fundazioa

Iratxe Esnaola Arribillaga (Zarautz, Gipuzkoa, 1981eko maiatzaren 7a) informatika-ingeniaria eta unibertsitateko irakaslea da. Software librearen defendatzailea, hainbat herri-ekimenetan parte hartu du: esaterako, PuntuEus proiektuko koordinatzailea izan zen. Olaso Dorrea Fundazioko lehendakaria da.[1] Hainbat hedabide eta elkarteren kolaboratzailea ere bada informatikako gaietan.

Ikasketak[aldatu | aldatu iturburu kodea]

Deustuko Unibertsitateko Bilboko Campusean Ingeniaritza Informatikoa ikasi zuen. Gero Zamudioko parke teknologikoko enpresa batean programatzaile gisa aritu ondoren Deustuko Unibertsitateko Donostiako Campusean hasi zen lanean, ikerketan eta irakaskuntzan. Eta bertan jarraitzen du. 2015eko abenduaren 18tik Hezkuntzan Doktorea da, tesiaren helburua Deustuko Unibertsitateko irakasleriaren Moodle plataformaren erabilera aztertzea izan da, erabilera hori eta irakasleak pedagogian eta teknologia berrietan dituen sinesmenak ea nola lotzen diren aztertuz, eta erabilera hori ulertzen lagunduz.[2]

Idazle dibulgatzailea[aldatu | aldatu iturburu kodea]

Berria egunkarian artikuluak argitaratu izan ditu[3] eta Gara egunkariko kolaboratzaile izan da 2006ko urtarriletik, teknologien inguruko iritzi-artikulu eta erreportajeak idazten ditu bertan.[4][5] Informazioaren eta Komunikazioaren Teknologiekin (IKT) eta euskararekin zerikusia izan duten (software librea, Web 2.0, hezkuntza...) hainbat hitzaldi antolatu eta eman ditu. Euskal komunitate zientifikoaren Inguma datu-basean, 6 hitzaldi baino gehiago bildu dira.[6] 2013tik, UEUko Talde Eragilearen kide da eta «on line» arituko den euskarazko unibertsitate bat sortzeko proiektuan parte hartzen ari da.[7]

Puntueus elkarteko zuzendaria[aldatu | aldatu iturburu kodea]

2008an PuntuEus elkartearen sortzaileetako bat izan zen eta PuntuEus elkarteak Puntueus Fundazioa sortu zuen 2012an, ICANNen aurrean .eus domeinua eskatzeko. Zehazki, 2012ko urtarrilaren 12an ireki zuen ICANNek lehen mailako domeinu orokor berriak eskatzeko aukera[8] eta, urtebeteko ebaluazio fasearen ondoren, 2013ko ekainaren 14an .eus Interneteko domeinua onartu zuen ICANNek.[9][10] Esnaola bera izan zen proiektuaren koordinatzailea eta zuzendaria, '.eus' Interneteko domeinuaren abiatze-aldira arte.[11][12] 2014an Iratxek utzi zuen eta Josu Waliñok hartu zuen zuzendaritza lana.

Olaso Dorrea Fundazioko lehendakaria[aldatu | aldatu iturburu kodea]

Olaso Dorrea Fundazioko lehendakari kargua hartu zuen 2019an.

Errekonozimenduak[aldatu | aldatu iturburu kodea]

.eus proiektuaren koordinatzailea izan zen Iratxe Esnaola Arribillaga, abiatze-aldira arte.

Erreferentziak[aldatu | aldatu iturburu kodea]

  1. ↑ (Gaztelaniaz) Olasodorrea Fundazioa | Patronatua. (Noiz kontsultatua: 2024-05-07).
  2. ↑ Esnaola, Iratxe. «Uso docente de la plataforma educativa ALUD en la universidad de Deusto y su relación con otras variables educativas» TESEO (Noiz kontsultatua: 2016-08-14).
  3. ↑ Berria.eus. «Copyright direktiba berria Europan» Berria (Noiz kontsultatua: 2019-04-30).
  4. ↑ Iratxe Esnaolaren Arribillaga Ikas2deak webgunean.
  5. ↑ e-makumeak: Gaur8 astekariko artikuluak. (Noiz kontsultatua: 2016-08-14).
  6. ↑ Iratxe Esnaola Arribillagaren produkzioa Inguma datu-basearen arabera (>5 produktu).
  7. ↑ Esnaola, Iratxe. (2016-06-11). ««On line» eta euskaraz ikasi nahi duzu?» Gaur8 (Noiz kontsultatua: 2016-08-14).
  8. ↑ «PuntuEus elkartea: "2012arekin, .eus domeinua eskatuko dugu" -» Hiruka.eus (Noiz kontsultatua: 2023-04-11).
  9. ↑ Esnaola, Iratxe. (2013). «Euskarak eta euskal kulturak badute adierazle berri bat Interneten» Gara.
  10. ↑ «'.eus' domeinua onartu dute» Berria 2013-06-14.
  11. ↑ Esnaola, Iratxe. .EUS, Interneteko domeinu bat baino askoz gehiago. (Noiz kontsultatua: 2016-08-14).
  12. ↑ «Lan-talde berriak gidatuko du puntuEUS • ZUZEU» ZUZEU 2014-09-03 (Noiz kontsultatua: 2019-07-23).
  13. ↑ Ikastolen Elkartea, Bizkaia. (2012-06-03). Euskara Teknologia Berrietan. Elkarrizketak 2012ko Ibilaldian omendukoekin.. Ikastolen Elkartea (Noiz kontsultatua: 2020-02-11).
  14. ↑ Ibilaldia 2012 omenaldia: Euskara teknologia berrietan sartzeko aintzindariak – Hizkuntza-teknologiak. (Noiz kontsultatua: 2020-02-11).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Iratxe_Esnaola_Arribillaga&oldid=9788202"(e)tik eskuratuta