PuntuEus

PuntuEus ekimenaren logoa.

PuntuEus edo PuntuEus Elkartea elkarte bat da, Interneteko .eus domeinua —euskal hizkuntza eta kulturako komunitatearen Interneteko domeinua— sortzearen alde lanean diharduena. 2008ko apirilaren 2an eratu zen, euskalgintzako, hezkuntzako eta Interneteko eta komunikazioko hamaika elkartek eta erakundek bultzatuta. 2009ko urtarrilaren 29an aurkeztu zen ofizialki, Euskaltzaindiaren egoitzan egindako prentsaurrekoan eta Durangoko Kafe Antzokian egindako jaialdian. Orduz geroztik, PuntuEus elkartea handituz doa pixkanaka, kide gehiago batzen zaizkion heinean.

PuntuEus elkartea ordezkaritza lana egiteko sortu da, alegia, euskal hizkuntza eta kulturako komunitatearen izenean ICANN erakundeari .eus Interneteko domeinua eskatzea da elkartearen lana. Eskaria 2012an aurkezteko asmoa du PuntuEus elkarteak, 2012ko urtarrilaren 12an lehen mailako domeinu orokor berriak eskatzeko aukera irekiko baitu ICANNek.

PuntuEus Elkarteko kideak

Sortzaileak

PuntuEus logoaren bertsio zaharragoa.

• Euskaltzaindia
• Euskararen Gizarte Erakundeen Kontseilua
• Euskal Konfederazioa
• Euskal Idazleen Elkartea
• Euskal Herriko Ikastolen Konfederazioa
• Ikastolen Elkartea – Partaide IEP
• Euskal Herriko Unibertsitatea
• Euskal Irrati Telebista
• Euskal Herriko Telekomunikazio Ingeniarien Elkargoa
• Euskadiko Informatikako Ingeniarien Elkargo Ofiziala
• Internetikak

Kide berriak

• Euskal Kantuzaleen Elkartea
• Euskara Kultur Elkargoa
• Euskokultur Fundazioa
• Gerediaga Elkartea
• Euskal Kultur Erakundea
• Topagunea
• Soziolinguistika klusterra
• Euskal Herriko Gazteriaren Kontseilua
• Deustuko Unibertsitatea
• Mondragon Unibertsitatea
• Eusko Ikaskuntza
• UEU
• Sortzen Ikasbatuaz
• Center for Basque Studies, University of Nevada, Reno
• ESLE
• Argia
• Euskaltel Fundazioa
• Elhuyar Fundazioa
• Euskarazko Komunikazio Taldea
• NABO, North American Basque Organizations
• FEVA, Federación de Entidades Vasco-Argentinas
• FIVU, Federación de Instituciones Vascas de Uruguay
• Euskal PEN
• Euskal Aktoreen Batasuna
• Euskal Herriko Txistulari Elkartea
• Gaindegia
• Euskal Itzultzaile, Zuzentzaile eta Interpreteen Elkartea
• Euskal Herriko Giza Eskubideen Behatokia
• Internet&Euskadi
• Elkar Fundazioa
• ZTK Elkartea, iparraldeko argitaletxea
• Maiatz, iparraldeko argitaletxea
• Goiena Komunikazio Zerbitzuak
• Sua Edizioak
• Arrosa, Euskal Herriko Irrati Sarea
• EMUN, Lana Euskalduntzeko Kooperatiba
• EKHE, Euskal Komunikabideen Hedapenerako Elkartea
• CMN, Noticias Taldea
• 11 Telebista
• Susa-Literatura
• Euzko Etxea de Santiago de Chile
• El Centro Vasco de Mexico D.F.
• Centros Vascos de Venezuela
• Eskubideak, Euskal Herriko Abokatuen Elkartea
• Euskadiko Gazteriaren Kontseilua

Ikus, gainera

Beste herrialde batzuetan ere, xede berdina duten hainbat ekimen daude:

• DotCYM (Galesko bertako hizkuntza eta kulturarena)
• DotSCO (Eskoziako bertako hizkuntzena eta kulturarena)
• Point BZH (Bretainiako bertako hizkuntza eta kulturarena)
• PuntoGAL (Galiziako bertako hizkuntza eta kulturarena)
• PuntuLLI (Leongo bertako hizkuntza eta kulturarena)

Kanpo loturak

• (Euskaraz) PuntuEus